Tunis

Sil sanal voib olda toižid znamoičendoid; miše nähta niid, tulgat tänna.

Tunisan Tazovaldkund
الجمهورية التونسية
(Al' Džumhurijja at-Tunisijja)

Flag	Valdkundznam
Pälidn	Tunis-lidn
Eläjiden lugu (2014)	10 982 754 ristitud
Pind	163 610 km²
Kel'	araban
Valdkundan pämez'	Monsef Marzuki
Päministr	Mehdi Džomaa
Religii	islam
Valüt	Tunisan dinar (TND)
Internet-domen	.tn, تونس.
Telefonkod	+216
Aigvö	UTC+1

Tunis, täuz' oficialine nimi — Tunisan Tazovaldkund (arab.: الجمهورية التونسية Al' Džumhurijja at-Tunisijja), om valdkund Pohjoižafrikas Keskmeren suvirandpolel. Sen pälidn da kaikiš suremb lidn om Tunis-lidn.

Istorii

Vl 1956 keväz'kun 6. päiväl Tunis tedoti ripmatomut Francijaspäi.

Geografijan andmused

Tunisan topografine kart.

Tunis om mavaldkundröunoiš Alžiranke päivlaskmas (röunan piduz — 965 km) da Livijanke suvipäivnouzmas (459 km). Ühthine röunoiden piduz om 1424 km. Mererandan piduz om 1148 km.

Tunisan pind om 163 610 km², niiden keskes saum vezid om 5%.

Kaikiš korktemb čokkoim om Šambi-mägi, 1544 m valdmeren pindan päl. Kaikiš madalamb čokkoim om Šott el' Gars, -17 m valdmeren pindan al.

Londuseližed pävarad oma kivivoi, londuseline gaz, raudkivend, fosforitad.

Tobmuz

Ohjandusen form om unitarine prezidentiž-parlamentine tazovaldkund.

Administrativiž-territorialine jagand

   Kacu kirjutuz: Tunisan administrativiž-territorialine jagand.

Tunisas om 24 vilajet:ad, ned alajagase 264 ümbrikho (delegacijha).

Eläjad

Tunisas elädas tunisalaižed.

Toižed sured lidnad (enamba 150 tuh. ristitud vl 2004): Sfaks da Sus.

Ižanduz

Tunisan päeksport (2012) om kivivoi, elektromašiništ da vas'kvanuim, sobad; toine eksport — fosfatad, puvoi.

Irdkosketused

• Tunisan ohjastusen oficialine sait. (arab.) (fr.)
• Tunisan Ezitajiden Kodin oficialine sait. (arab.) (fr.)