en historio
dum mayo 50, 100 e 150 yari ante nun …
2 di mayo 1972. J. Edgar Hoover, direktisto di la FBI depos 1924, mortis en Washington D.C., Usa, evante 77 yari. La Federal Bureau of Investigation ("Federala Kontoro di Inquestado") esas la precipua federala kontoro por exekutar lego en Usa. Hoover naskis en 1895 en Washington, ube il obtenis diplomo de lego-skolo en 1916; pose il laboris en la Usana kontoro di judiciado. En 1919 il divenis chefo di la fako di Generala Informeso en la Kontoro di Inquestado. Ye 10 di mayo 1924, selektinte da Prezidanto Calvin Coolidge, il divenis la kinesma direktisto di la Kontoro di Inquestado.
26 di mayo 1922. La filmo Dr Mabuse, der Spieler ("Dro Mabuse, la Ludanto"), direktita da la Germana filmifisto Fritz Lang, aparis en cinemi. La fonto esis la romano di sama titulo da Norbert Jacques. La muta filmo, en du parti, duras dum quar hori e duimo. Mabuse, doktoro di psikologio, e maestro di travestiado e hipnotado, esas influiva inter la kriminala entraprezi en Berlin. Lang direktis du plusa filmi pri Mabuse, La Testamento di Dro Mabuse (1934) e La Mil Okuli di Dro Mabuse (1960).
15 di mayo 1872. En la urbala parko en Wien, Austria, statuo di la kompozisto Franz Schubert desvelizesis. La financo por ca projeto furnisesis da la Wiener Männergesang-Verein, korala societo di homuli en Wien, qua dum dek yari kolektis pekunio per koncerti e per altra donacaji. La marmora statuo, skultita da Carl Kundmann, montras Schubert sidante kun papero e plumo, kun pensema vizajo quaze kontemplante nova kompozuro.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|