2020

2017 - 2018 - 2019 - 2020 - 2021 - 2022 - 2023

2020 (MMXX) weurt e sjrikkeljaor wat op goonsdig begintj op de Gregoriaanse kalender.

Veurspäölde en geplande gebäörtenisse

• 13 jannewarie - Inveuring vaan 't homohouwelek in Noord-Ierland.
• 26 aprèl - De bevolking vaan Chili stump euver de inveuring vaan 'n nui groondwèt.
• 26 mei - Uterlek op dezen daag weurt 't homohouwelek in Costa Rica ingeveurd.
• 17 juli - 't NASA-ruimtetuig Mars 2020, wat ouch op Mars moot lande en dao 't potentieel veur minseleke bereizing en bewoening moot oonderzeuke, weurt gelanceerd.
• 25 juli - 't Russisch-Europees ruimtetuig Kazatsjok, deil vaan de ExoMars-missie, weurt gelanceerd.
• juli - De ENCI in Mestreech geit nao 94 jaor touw.
• 3 november - Presidentsverkezinge in de Vereinegde Staote.

datum oonbekind

• 't Vereineg Keuninkriek trèk nao 75 jaor zien tróppe trök oet Duitsland.

Sport

• 3 mei - Veur 't iers sinds 1985 weurt op 't circuit vaan Zandvoort 'n Formule 1-race gehawwe.
• 12 juni-12 juli - Europees kampioensjap hierevoetbal in gans Europa
• 24 juli-29 augustus - Olympische Zomerspeule in Tokio

Variabel fies- en gedinkdaog

• Chinees Nuijaor: 25 jannewarie
• Vastelaovend: 25 fibberwarie
• Holi: 9 miert
• Poerim: 10 miert
• Paose (joeds): 9-16 aprèl
• Paose (westers): 12 aprèl
• Paose (oosters): 19 aprèl
• Ramadan: 24 aprèl - 23 mei
• Hiemelvaartsdaag (westers): 21 mei
• Sókkerfies: 24 mei
• Pinkstere (westers): 30 mei
• Offerfies: 30 juli
• Prinskesdaag: 19 september
• Jom Kippoer: 28 september
• Chanoeka: 11-18 december

opmerkinge

• Mèt 'vastelaovend' weurt hei lètterlek de veuraovend vaan de vastentied gemeind; in de volksmoond dus 'vastelaovesdinsdag'.
• Vaan Paose aofhenkeleke fieste in de oosters-orthodoxe kèrke kinne mèt hölp vaan bovestoonde data weure berekend.
• Joedse fiesdaog beginne bij zoonsoondergaank d'n daag veur wat de kalender hei aongief.