Politika tal-Privatezza ta' X

Meta tuża prodotti u servizzi online oħra, huma jistgħu jaqsmu magħna l-informazzjoni dwar dak l-użu.

Imsieħba, Żviluppaturi, Pubblikaturi tar-Reklami. L-imsieħba tar-reklami u tan-negozju tagħna jaqsmu l-informazzjoni magħna bħal IDs tal-cookies tal-brawżer, identifikaturi ġġenerati minn X, IDs tal-apparat mobbli, informazzjoni dwar l-utenti bil-hash bħal l-indirizzi elettroniċi, data demografika jew dwar l-interessi, u l-kontenut ivviżwalizzat jew l-azzjonijiet imwettqa f'websajt jew app. Uħud mill-imsieħba tar-reklami tagħna, b'mod partikolari dawk li jirreklamaw għandna, jippermettulna wkoll li niġbru informazzjoni simili direttament mill-websajt jew l-app tagħhom billi jintegraw it-teknoloġija tar-reklamar tagħna. L-informazzjoni maqsuma mill-imsieħba tar-reklami u l-affiljati jew miġbura minn X mill-websajts u l-apps tal-imsieħba tar-reklami u l-affiljati tista' tiġi kkombinata ma' informazzjoni oħra li taqsam ma' X u li X tirċievi, tiġġenera, jew tiddeduċi dwarek kif deskritt x'imkien ieħor f'din il-Politika tal-Privatezza.

Partijiet Terzi, Konnessjonijiet tal-Kont, u Integrazzjonijiet Oħra. Aħna nistgħu nirċievu informazzjoni dwarek mingħand partijiet terzi li mhumiex imsieħba tar-reklami tagħna, bħal utenti, żviluppaturi, u imsieħba oħra ta' X li jgħinuna nevalwaw is-sikurezza u l-kwalità tal-kontenut fil-pjattaforma tagħna, l-affiljati korporattivitagħna, u servizzi oħra li torbot mal-kont ta' X tiegħek. Tista' tagħżel li torbot il-kont ta' X tiegħek mal-kont tiegħek f'servizz ieħor, u dak is-servizz l-ieħor jista' jibagħtilna informazzjoni dwar il-kont tiegħek f'dak is-servizz.
 

Aħna nużaw l-informazzjoni li niġbru biex naħsbu għas-sikurezza u s-sigurtà tal-utenti tagħna, il-prodotti tagħna, is-servizzi tagħna, u l-kont tiegħek. Dan jinkludi l-verifika tal-identità tiegħek, l-awtentikazzjoni tal-kont tiegħek, u protezzjoni kontra l-frodi, l-użu mhux awtorizzat, u l-attività illegali. Aħna nużaw l-informazzjoni wkoll biex nevalwaw u nimplimentaw is-sikurezza u l-kwalità tal-kontenut fuq X - dan jinkludi l-investigazzjoni u l-infurzar tal-politiki u t-termini tagħna, kif ukoll tal-liġi applikabbli.
 

Aħna nużaw l-informazzjoni li niġbru biex inkejlu u nanalizzaw l-effikaċja tal-prodotti u s-servizzi tagħna u biex nifhmu aħjar kif tużahom inti sabiex nagħmluhom aħjar.

Aħna nużaw l-informazzjoni li niġbru biex nikkomunikaw miegħek dwar il-prodotti u s-servizzi tagħna, inkluż dwar l-aġġornamenti tal-prodotti u l-bidliet fil-politiki u t-termini tagħna. Jekk inti trid tisma' mingħandna, aħna nistgħu, minn żmien għal żmien, nibagħtulek wkoll messaġġi ta' kummerċjalizzazzjoni.

Aħna nużaw l-informazzjoni li taqsam magħna, jew li niġbru biex inwettqu riċerka, stħarriġ, ittestjar tal-prodotti, u s-soluzzjoni tal-problemi biex inkunu nistgħu nħaddmu u ntejbu l-prodotti u s-servizzi tagħna.

Mal-pubbliku ġenerali. Qed tordnana niżvelaw dik l-informazzjoni bl-aktar mod wiesa' possibbli. Il-kontenut ta' X, inkluża l-informazzjoni tal-profil tiegħek (eż., l-isem/il-psewdonimu, il-username, ir-ritratti tal-profil), huwa disponibbli biex jarah il-pubbliku ġenerali. Il-pubbliku m'għandux għalfejn ikun illoggjat biex jara xi kontenut fuq X. Jista' jsib wkoll il-kontenut ta' X minn X, pereżempju mir-riżultati tat-tiftix fuq il-magni tat-tiftix fuq l-Internet.

Ma' utenti oħra ta' X. Skont is-settings tiegħek, u skont il-prodotti u s-servizzi ta' X li inti tuża, aħna naqsmu:

• L-interazzjonijiet tiegħek mal-kontenut fuq X ta' utenti oħra, bħal-likes, u n-nies li ssegwi.
• Il-kontenut li tibgħat lil utent speċifiku ta' X, pereżempju permezz ta' Messaġġi Diretti. Jekk jogħġbok żomm f'moħħok li jekk qsamt informazzjoni bħal Messaġġi Diretti jew posts protetti ma' xi ħadd ieħor li jaċċessa lil X permezz ta' servizz ta' parti terza, l-informazzjoni tista' tiġi maqsuma mas-servizz tal-parti terza.

Mal-imsieħba. Skont is-settings tiegħek, nagħtu wkoll informazzjoni lil ċerti partijiet terzi biex biex inkunu nistgħu noffru jew inħaddmu l-prodotti u s-servizzi tagħna. Tista' ssir taf aktar dwar dawn is-sħubijiet fiċ-Ċentru tal-Għajnuna tagħna. Tista' tikkontrolla jekk X taqsamx l-informazzjoni personali tiegħek ma' dawn l-imsieħba billi tuża l-għażla “Il-qsim tad-data mal-imsieħba fin-negozju” fis-settings tal-Privatezza u Sikurezza tiegħek. (Din l-għażla ma tikkontrollax il-qsim deskritt x'imkien ieħor f'din il-Politika tal-Privatezza, bħal meta naqsmu l-informazzjoni mal-fornituri tas-servizzi tagħna, jew permezz ta' sħubijiet għajr dawk deskritti f’dan l-artiklu taċ-Ċentru tal-Għajnuna.)
 

Mal-fornituri tas-servizz. Nistgħu naqsmu l-informazzjoni tiegħek mal-fornituri tas-servizz tagħna li jwettqu l-funzjonijiet u jagħtu s-servizzi f'isimna, inklużi l-fornituri ta' servizzi tal-pagamenti li jiffaċilitaw il-pagamenti; il-fornituri tas-servizz li jospitaw il-blogs u l-wikis varji tagħna; il-fornituri tas-servizzi li jgħinuna biex inkunu nistgħu nifhmu kif qed jintużaw is-servizzi tagħna; il-fornituri tas-sistema tat-traċċar tal-applikanti biex jibagħtu u jirċievu d-data tal-applikanti u tal-impjiegi lil min potenzjalment iħaddem; u dawk li jagħtu s-servizzi ta’ skoperta ta’ frodi. 

Ma’ min jirreklama. Id-dħul mir-reklamar jippermettilna nagħtu l-prodotti u s-servizzi tagħna. Dawk li jirreklamaw jistgħu jsiru jafu informazzjoni mill-interazzjoni tiegħek mar-reklami tagħhom fuq jew lil hinn minn X. Pereżempju, jekk tikklikkja fuq link jew reklam estern fis-servizzi tagħna, dak li jirreklama jew l-operatur tal-websajt jista’ jinduna li ġejt minn X, flimkien ma’ informazzjoni oħra assoċjata mar-reklam li għafast, bħall-karatteristiċi tal-udjenza li kien intenzjonat li jilħaq u identifikaturi oħra ġġenerati minn X għal dak ir-reklam. Jistgħu wkoll jiġbru informazzjoni personali oħra mingħandek, bħall-identifikaturi tal-cookies, jew l-indirizz tal-IP tiegħek.

Kontenut u integrazzjonijiet ta' parti terza. Aħna naqsmu jew niżvelaw l-informazzjoni tiegħek bil-kunsens tiegħek jew skont l-ordnijiet tiegħek, bħal meta inti tawtorizza klijent jew applikazzjoni tal-web ta’ parti terza biex taċċessa l-kont tiegħek jew meta tordnana naqsmu l-feedback tiegħek ma’ negozju. Bl-istess mod, biex intejbu l-esperjenza tiegħek, aħna naħdmu ma’ imsieħba terzi biex nuru l-kontenut tal-vidjows tagħhom fuq X jew biex nippermettu l-qsim bejn il-pjattaformi. Meta tara jew b'xi mod ieħor tinteraġixxi mal-kontenut mill-imsieħba tagħna tal-qsim ta' vidjows jew bejn il-pjattaformi, huma jistgħu jirċievu u jipproċessaw l-informazzjoni personali tiegħek kif deskritt fil-politiki tal-privatezza tagħhom. Rigward il-kontenut tal-vidjows, inti tista' taġġusta s-settings tal-awtoplay tiegħek jekk tippreferi li dak il-kontenut ma jibdiex awtomatikament.

Permezz tal-APIs tagħna. Aħna nużaw teknoloġija bħall-APIs u l-embeds biex l-informazzjoni pubblika ta' X issir disponibbli għal websajts, apps, u oħrajn biex jużawhom, pereżempju, għall-wiri tal-posts f'websajt tal-aħbarijiet jew l-analiżi ta’ dak li jgħidu n-nies dwar X. Ġeneralment aħna nagħmlu dan il-kontenut disponibbli fi kwantitajiet limitati bla ħlas u niċċarġjaw tariffi tal-liċenzjar għal aċċess fuq skala kbira. Għandna termini standard li jirregolaw kif din l-informazzjoni tista’ tintuża, u programm ta’ konformità biex jinforza dawn it-termini. Imma dawn l-individwi u kumpaniji mhumiex affiljati ma' X, u l-offerti tagħhom jistgħu ma jirriflettux aġġornamenti li tagħmel fuq X. Għal aktar informazzjoni dwar kif nagħmlu d-data pubblika fuq X disponibbli għad-dinja, żur https://developer.x.com.
 

Aħna nistgħu nippreservaw, nużaw, naqsmu, jew niżvelaw l-informazzjoni tiegħek jekk nemmnu li huwa raġonevolment meħtieġ li:

• nkunu konformi ma’ liġi, regolament, proċess legali, jew talba minn gvern;

• nipproteġu s-sikurezza ta' kwalunkwe persuna, nipproteġu s-sikurezza jew l-integrità tal-pjattaforma tagħna, inkluż biex inkunu nistgħu nipprevjenu l-ispam, l-abbuż, jew atturi malizzjużi fis-servizzi tagħna;

• nispjegaw għaliex neħħejna xi kontenut jew kontijiet mis-servizzi tagħna (eż., minħabba ksur tar-Regoli Tagħna);

• nindirizzaw kwistjonijiet ta' frodi, ta' sigurtà jew tekniċi; jew

• nipproteġu d-drittijiet jew il-proprjetà tagħna, jew id-drittijiet jew il-proprjetà ta' dawk li jużaw is-servizzi tagħna.

Nistgħu naqsmu informazzjoni fost l-affiljati tagħna biex nagħtu l-prodotti u s-servizzi tagħna.

Nistgħu naqsmu, inbiegħu jew nittrasferixxu l-informazzjoni dwarek b'konnessjoni ma' għaqda, akkwist, riorganizzazzjoni, bejgħ ta' assi, jew falliment. Din il-Politika tal-Privatezza se tapplika għall-informazzjoni personali tiegħek li tiġi maqsuma ma' (qabel u wara l-għeluq ta' kwalunkwe tranżazzjoni) jew ittrasferita lill-entità l-ġdida.

Inti tista' taċċessa, tikkoreġi jew timmodifika l-informazzjoni li bgħattilna billi teditja l-profil tiegħek u taġġusta s-settings tal-kont tiegħek.

• Tista' ssir taf iktar dwar l-informazzjoni li ġbarna jew iddeduċejna dwarek fid-Data Tiegħek ta' X u titlob l-aċċess għal informazzjoni addizzjonali hawnhekk.

• Tista' tniżżel kopja tal-informazzjoni tiegħek, bħall-posts tiegħek, billi ssegwi l-istruzzjonijiet hawnhekk.

Biex nipproteġu l-privatezza tiegħek u nżommu s-sigurtà, aħna naġixxu biex nivverifikaw l-identità tiegħek qabel ma nagħtuk l-aċċess għall-informazzjoni personali tiegħek jew nikkonformaw ma' xi tħassir, portabbiltà, jew xi talba oħra rrelatata. Nistgħu, f'ċerti sitwazzjonijiet, niċħdu t-talba tiegħek għall-aċċess, il-korrezzjoni, jew il-portabbiltà, pereżempju, nistgħu nirrifjutaw l-aċċess fejn inti ma tkunx kapaċi tivverifika l-identità tiegħek.

Jekk issegwi l-istruzzjonijiet hawnhekk, il-kont tiegħek jiġi ddiżattivat u d-data tiegħek tidħol fil-kju għat-tħassir. Meta jiġi ddiżattivat, il-kont tiegħek ta' X, inkluż l-isem tal-wiri, l-isem tal-utent, u l-profil pubbliku tiegħek, ma jibqgħux viżibbli fuq X.com, X għal iOS, u X għal Android. Sa 30 jum wara d-diżattivazzjoni xorta jkun possibbli li tirrestawra l-kont tiegħek ta' X jekk ikun ġie ddiżattivat aċċidentalment jew bi żball.

Tista' tieħu ħsieb is-settings tal-privatezza u karatteristiċi oħra tal-kont tiegħek hawnhekk. Jekk tibdel is-settings tiegħek jista' jgħaddi ftit taż-żmien biex l-għażliet tiegħek jiġu jidhru b'mod sħiħ fis-sistemi tagħna. Tista' tinnota wkoll xi bidliet fl-esperjenza ta' X tiegħek jew xi limitazzjonijiet fil-kapaċità tiegħek li taċċessa ċerti karatteristiċi skont is-settings li tkun aġġustajt. Tista' wkoll tieħu ħsieb settings addizzjonali meta tinteraġixxi ma' xi kontenut u karatteristiċi f'partijiet differenti tal-pjattaforma, bħal jekk Space jiġix irrekordjat, jew jekk il-vidjows li ttella' jistgħu jitniżżlu minn oħrajn.

X taderixxi mal-Prinċipji Awtoregolatorji tal-Alleanza tar-Reklamar Diġitali għar-Reklamar tal-Imġiba Online (imsejjaħ ukoll "reklamar ibbażat fuq l-interessi") u tirrispetta l-għodda tal-għażla tal-konsumatur tad-DAA biex inti tagħlaq ir-reklamar ibbażat fuq l-interessi f'https://optout.aboutads.info/.

Biex tibgħat talba rrelatata mal-aċċess, il-modifika jew it-tħassir tal-informazzjoni tiegħek, jew informazzjoni ta’ xi ħadd ieħor jekk inti l-aġent awtorizzat tagħhom, inti tista’ wkoll tikkuntattjana kif indikat fit-taqsima Kif Tikkuntattja lil X tal-Politika tal-Privatezza tagħna hawn taħt. Nistgħu nitolbuk tibgħat informazzjoni addizzjonali għall-verifika.

X qieset bir-reqqa r-raġunijiet legali li jippermettulha li tiġbor, tuża, taqsam u tipproċessa bi kwalunkwe mod ieħor l-informazzjoni tiegħek. Jekk trid tidħol aktar fil-fond biex issir taf iktar u tifhem aħjar l-isfumaturi, aħna nħeġġuk tiċċekkja din l-informazzjoni addizzjonali dwar l-ipproċessar tad-data. U le, aħna ma nbigħux l-informazzjoni personali tiegħek. 
 

Hekk kif inti tuża lil X biex tipparteċipa bla xkiel f'konversazzjonijiet globali ma' nies f'pajjiżi madwar id-dinja kollha, X trid iċċaqlaq l-informazzjoni bejn iż-żewġ naħat tal-fruntieri u lejn pajjiżi differenti madwar id-dinja biex tappoġġja s-servizz sikur u affidabbli li tistenna inti. Pereżempju, jekk tgħix fl-Ewropa u qed titkellem ma' xi ħadd fl-Istati Uniti, l-informazzjoni trid tiċċaqlaq bejn dawk il-pajjiżi biex tagħti dik l-esperjenza – dak tistenna inti mingħandna.

Aħna nużaw ukoll iċ-ċentri tad-data u l-fornituri tal-cloud, u ninvolvu l-affiljati tagħna u l-imsieħba ta' partijiet terzi u l-fornituri tas-servizz li jinsabu f'ħafna partijiet tad-dinja biex inkunu nistgħu nagħtu s-servizzi tagħna. Qabel ma nċaqalqu d-data bejn il-pajjiżi aħna nqisu r-riskji li jistgħu jiġu jaffettwaw id-data u niddependu fuq affarijiet bħall-klawżoli kuntrattwali standard, fejn applikabbli, biex niżguraw li d-drittijiet tad-data tiegħek jiġu protetti. Jekk id-data tiġi maqsuma ma’ parti terza, aħna nirrikjedu li huma jużaw l-istess protezzjonijiet rigward id-data tiegħek li aħna nutilizzaw direttament.