LIMIAR: Poétic@, aventura e corrosión
Everything we write
will be used against us
or against those we love.
ADRIENNE RICH
Sovint, quan rellegeixo els meus poemes,
penso que, ben mirat, allò que he escrit
no ha pas modificat el ritme de les coses.
MIQUEL MARTÍ I POL
Os poetas, numa enorme fila que ultrapassa já a esquina
do quarteirão seguinte, aproveitam o momento de espera
para preencherem cuidadosamente o formulário.
GONÇALO M. TAVARES M.
Druída, sacerdote, máxico poeta
artífice único da cerimonia
MARÍA XOSÉ QUEIZÁN
baldeiro os artistas esgotaron os signos
enchen cadros de negro e vermello
liñas que non levan a ningures
espazos pechados coma o lenzo
lenzos que non son lenzos
madeiras papeis ferros
MIGUEL VÁZQUEZ FREIRE
Vén do poema da páxina 74 de Transición (Ed. Franouren, 2011)
A poesía é unha arma
cagada de futuro.
Fuches tu, fuches tu,
o que a fuches cagar ao palleiro;
fuches tu, fuches tu,
que aínda levas os versos no cu.
o ruído elástico das pombas ao voaren
Banda sonora ♦♦
A Poesía morreu, longa vida á Poesía.
LAWRENCE FERLINGHETTI
A poesía é un xénero
tan sublime
que non atopa lectores
para tanta grandeza.
♦♦
Dous versos resultaron danados
A ironia ensina a sabotar uma frase
GONÇALO M. TAVARES
Era poeta pero non sabía explicar
os seus libros.
Ninguén soubo se carecía
de discurso ou consideraba que a especie
non debe recrearse
nas miudezas do mundano.
o ruído elástico das pombas ao voaren
Escribo poemas por pracer.
Escribo poemas con pracer.
Escribo poemas por compracer
a un dos que tamén
son
eu.
Soy un escritor deleznable
pienso en la literatura
soy un pequeño burgués
las directivas
no puedo obedecerSAÚL YURKIEVICH
Para que serve a poesía,
pregúntame erguendo a man
no aire con decisión
entre os demais adolescentes.
Calo durante uns instantes,
contrariado e dubitativo.
É a pregunta máis estúpida
de todas cantas me fixeron.
–Para que ti poidas preguntarmo
e eu teña
que pensalo–,
respóndolle sentindo
ese alivio
que produce
unha mexada urxente.
A poesía…
Poeta: problemas de
eneurese cos versos?
Chama ao 601.666.999
A verdadeira poesía é
aquela que fala dos sentimentos,
dixo sentíndose auténtico.
E, coas súas palabras,
baleiroume
de contidos.
(Diagnóstico: incapacidade sensitiva permanente)
o ruído elástico das pombas ao voaren
A poesía,
pero que é a poesía.
Máis dunha insegura resposta
deuse a esa pregunta.
E eu non sei, e sigo sen saber, e a isto me agarro
coma a un oportuno pasamáns.
W. SZYMBORSKA
?
♦♦
Poeta en paro ofrécese para escribir versos.
Non me apetece escribir
os versos máis serios esta noite;
escribir, por exemplo,
a poesía anda perplexa e
cabalga o desconcerto
no trazo da túa/miña man.
Só quero escribir
de nada.
Iso é todo.
Non me apetece, é certo,
pero talvez os escriba.
Aínda que se poña tan rimbombante
a poesía e tan enorme o baleiro
que a miña alma se contente
con saber que escribo.
A P. N., claro
COMO HEI VIVIR MAÑÁ SEN A LUZ TÚA? *
* [Cita da páxina 53 desprazada en ciberatentado con poebomba]
Se escribise un poema
no tempo
en que é capaz de resistir
unha mosca
debaixo da auga,
a miña obra
tería a resistencia do cosmos
pero entraría na categoría
das cousas molestas.
O poeta e último Premio Cervantes, Antonio Gamoneda, defendeu hoxe o carácter minoritario da poesía, xa que, na súa opinión, trátase dunha condición que garante, a diferenza doutros xéneros literarios como a narrativa, que «non teña que obedecer as leis de mercado e poida ser libre».
http://www.elmundo.es/elmundo/2006/12/02/cultura/1165078003.html
libertad, libertad, sin ira libertad
guárdate tu miedo y tu ira
porque hay libertad, sin ira libertad
Cando liberamos a narrativa?
Mans á obra, narradores do mundo!
Non temos lector@s e por iso
estamos a salvo das tentacións do mundo.
Pechade, por favor, as portas
da poesía.
Que non nos vexan os inimigos.
Na liña do horizonte somos
un diminuto punto
invisible
de silencio.
Somos un ourizo
que sabe protexerse.
O cambio climático poderá
destruír o mundo, pero
@s poetas sempre
estamos a salvo.
Sobrevivimos.
Sobrevivimos
A poesía é coñecemento,
digo en público.
E canto máis escribo
menos certezas teño.
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
certezas
Ver Subversións, páxina 177
♦♦ Contradictio
A erótica da poesía
sedúceme.
Por iso case sempre
escribo
empalmado.
Pero nunca me corro.
Problemas de virilidade?
Chama ao 601.666.999
Verde que te quero verde
FEDERICO GARCÍA LORCA
Noto
que a madureza
enche
os meus poemas
co pouso
resabido,
escéptico
e acedo
da retranca e
con todo
preferiría
a insultante
inconsciencia
do poema
aínda verde.
O que máis me inspira
é o arrecendo concentrado
que desprenden os teus versos.
Úloos, aspíroos, lámboos
suavemente e reléoos,
masturbándome
acompañado dun poema
escrito da túa man.
Nunca vin versos tan tanxibles
e con tanta chispa de la vida.
Corro
polo teu corpo.
Viaxo
sen sentido.
LUPE GÓMEZGrabo versos de colores fríos en tu piel
ELENA MEDEL
O libro non toca
os grandes temas
da poesía
nin pertence
á alta literatura,
escribiron nunha crítica
sobre o seu último poemario
na sección máis sublime
dunha revista ilustrada.
Desde aquel día, cada vez
que elixe o tema
dos poemas,
apálpalles a altura
tenteándoos cos dedos,
pon á súa beira
a cinta métrica
Onde ole a merda, ole a existencia
ANTONIN ARTAUD
Cando non me saen
os poemas
lembro
os momentos
en que estou
estrinxido.
Por máis forza
que faga
só consigo
que asome un delicado
fío de merda.
-:-)
o ruído elástico das pombas ao voarenHabía un poeta moi pequeniño que escribiu un verso
e chegou un poeta pequeniño que o reescribiu
e chegou un poeta pequeno que o reescribiu
e chegou un poeta mediano que o reescribiu
e chegou un poeta grandeiro que o reescribiu
e chegou un poeta grande que o reescribiu
e chegou un poeta moi grande que o reescribiu
e chegou un poeta enorme que o reescribiu
e chegou o Gran Poeta que o reescribiu
e cando o rematou, co esforzo, desintegrouse
porque era unha creación virtual
e en realidade tamén era un poeta
moi pequeniño
e se esta historia che parece curta
volveremos volveremos a empezar.
Había un poeta moi pequeniño que escribiu un verso
e chegou un poeta pequeniño que o reescribiu
e chegou un poeta pequeno que o reescribiu
e chegou un poeta mediano que o reescribiu
e chegou un poeta grandeiro que o reescribiu
e chegou un poeta grande que o reescribiu
e chegou un poeta moi grande que o reescribiu
e chegou un poeta enorme que o reescribiu
e chegou o Gran Poeta que o reescribiu
e cando esta historia estaba a piques
de volver de volver a comezar
chegou unha poeta
que escribiu
un poema novo.
O eu
e o un
son dúas
manifestacións dun
mesmo poeta.
O ti e o el
son dous disfraces
dun mesmo poeta.
O nós son varias pendanterías
dun mesmo Poeta.
Cal é a máis arrepiante das cousas arrepiantes?
Un pedante que quere mostrarse relaxado
GOETHE
Ligazón poética
_________
Entre 35 e 55,5 puntos: es un verdadeiro poeta (poeta maldito)
Entre 10 e 35 puntos: es un poeta
Entre 0,5 e 10 puntos: escribes poesía
Ver cita na páxina 45
Ver Transición, páxina 74
Do you think I’m sexy?
Do you think I’m poetic?
-:-)
http://www.youtube.com/watch?v=Hphwfq1wLJs
Mi madre dice: escribes y no ganas ningún premio.
No puedo prostituir el valor de lo poético,
la relación atroz que tiene con el dolor,
con lo mágico, lo terrible.
MARCELO MORALES
Hai algún rebelde con causa?
Ver posible solución na cita da páxina 38
—Gústame moito ese poema teu que non di nada.
—Cal?
plas
plas plas
plas plas plas
plas plas plas plas
plas plas plas
plas plas
plas
pl
p
e afogou
o poeta
♦♦
Fomos
ficando
sós.
Os versos.
Ficando.
Os poetas.
Ficando
Nós.
Ficando.
Ficando.
Ficando.
S.O.S.
Ver Persianas, pedramol e outros nervios, páxina 61
Prognóstico do tempo: anúnciase unha
cicloxénese explosiva para esta fin de semana.
Poesía do Acougo
O pozo dos soños
Silencio
Enerxía
Equilibrio
Orientación
Espazo
Harmonía
Poética Feng Shui
A dimensión máis pura da poesía
Nota: sugarfree poetrygum.
Non deixes de probala!
Evitar o poema da páxina 89 de Tortillas para os obreiros
a flor da poesía renace da crise bancaria
a flor da ironía renace da crise poética
ligazón: 79Xentil lírica miña, vexo no movemento
dos vosos versos a dozura do lume
que me ensina o camiño que ao ceo conduce;
e quero, como eterno costume,
onde unicamente Poesía é a miña compañía,
que o meu corazón sobre vós se debruce.
Complementar coa instalación poética da páxina 32Rebelde con causa
«Cando se pertence á poesía, a ese escándalo case amoral da poesía, todo o mundo admira aos malditos»
http://www.xornal.com/artigo/2010/01/17/suplementos/contexto/carlos-oroza-poesia-no-vocacion-fatalidad-escoge-victimas/2010011700461400203.html
o ruído elástico das pombas ao voaren
—Isabel –pregunteille–,
sabes se os polifenois das uvas
producen efectos retardantes
sobre a oxidación
da poesía?
—Estamos a estudar
–respondeume contundente–
se a inhibición puidese proceder
dos compostos fenólicos
dos propios
poetas.
http://museodomar.xunta.es/gl/explora/290/neuston-experimento-1-explorando-a-interface?pg=2
Fidelidade? –díxolle ela
cun bico–.
Eu só
son fiel a min mesma.
Á poesía,
tampouco.
Poeta en paro ofrécese para escribir versos.
es a ilusión con que te creo
MARÍA XOSÉ QUEIZÁN
A poesía
non produce.
Engana.
Autocomprace
a quen a escribe.
Escribir é unha fraude.
DAVID RODRÍGUEZ
Confrontar cos poemas da páxina 84
A poesía agacha
no seu sangue
a palabra hipócrita
dos curas pederastas;
é vella, burlona,
barriguda
e está corrupta
desde
o primeiro
ata o
último
verso
de deus e do carallo.
http://franalonso.blogspot.com.es/2014/01/a-xeito-de-poema-pornografico.html
Confrontar cos poemas da páxina 84Pero que son os poetas?
Coñezo xente que escribe versos e recita versos
e se chaman poetas,
pero eu na vida escribín senón sangue,
nin recitei nada
que antes non se untase en cuspe
ANTÓN LOPO
atento contento con tanto poeta
atento con tanto poeta contento
atento poeta con tanto contento
poeta contento con tanto atento
poeta contento con tanto atento
poeta contento con tanto atento
Ai Deus, e se contentará?
para os poetas, para as poetas, para os críticos, para as críticas, para @s hackers,
It´s the Real Thinge para nada, para ninguén, para nós, para os algoritmos, para os ciberokupas, para os ciberxornalistas, para os ciborg, para os consumistas, para os crackers, para os cybergoth, para os cyberpunk, para os hackers, para os hiperactivos, para os hipermercados, para os histriónicos, para os informáticos, para os metabuscadores, para os metapoetas, para os modernos, para os poetisos,para os políticos, para os prácticos, para os pragmáticos, para os programadores, para os publicistas, para os robots, para os técnicos, para os tecnócratas, para os tecnólogos, para os teóricos, para os top-model, para os twitteiros, para os usuarios, para os wikipedas, para obama, para osama,
Nota: absterse os ignorantes, feridos, duros, imbélices e escuros
(Texto xerarquizado polo procesador de textos word, en sentido descendente e a partir da categoría de parágrafos e con manipulación puntual de tipo obama)
♦♦
No es más hondo el poeta en su oscuro subsuelo.
RAFAEL ALBERTI*
Un poeta escribe debuxando malabarismos ao longo dunha liña recta trazada no aire.
Outro poeta escribe brincando dun lado a outro da mesma liña recta e na mesma dirección pero tentando non tocala.
Abaixo, o cemento.
eses son os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
os imprescindibles
—cales?
Quen teña a verdade poética
que tire o derradeiro verso.
E aínda que Deus quixo vestirte con panos de materia, o Espírito levou tan alto o teu corazón, ata arrobarte eternamente en éxtase.
ALDA MERINI
http://www.youtube.com/watch?v=hI5xOZAJFIA
Dispuxo os poetas
no escenario,
contounos
sinalando co dedo, e
dixo:
—Un poeta nacional,
cantos versos tira mal?
E o elixido contestou:
—Dez.
—1, 2, 3, 4, 5, 6, 7, 8, 9 e 10.
Expulsado.
Complementar coa cita da páxina 14
O poema caeu
nun pozo.
Cos versos fixeron fuá.
Arremoto piti poto
Arremoto piti pa
a salvo
quero estar.
♦♦
Poema complementario ao da páxina 40
A poesía é
como a democracia,
fai augas pero non ten
alternativas.
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A política é viscosa
A poesía é
Ligazón poética
no me ensucie las palabras
no les quite su sabor
y límpiese bien la boca
si dice revolución.
MARIO BENEDETTI
Escríbase o boceto do poema.
Adóbese con recursos.
Bátase contra o corazón.
Déixese levedar o tempo dun salaio.
Salfírase con dúas pingas poecrème.
Déixese repousar.
Déitese sobre un leito de versos brancos.
Sírvase morno e cremoso,
con retrogusto brûlé.
Saboréese.
Esencia poética
en estado puro.
Poesía Crème Express!
PARA O TEU POEMA ÚNICO
PROBA A FÓRMULA! ♦♦
Posmodernidade,
o verso que limpa máis limpo.
Cómprao.
♦♦
Poeta en paro ofrécese para escribir versos
en calquera estilo
Folla en branco.
Un poeta perdido.
Deixou de amar.
♦♦
Ligazón poética
Non falo para os ruís e poderosos
C. E. FERREIRO
Nin pronuncio nin me pronuncio.
Para quen escribimos @s poetas galeg@s de agora?
Silencio silente silandeiro amor
dazado.
Para quen recitamos @s poetas galeg@s de agora?
O ruído do meu tempo enmudeceu_me
n/a miña lingua.
Escribimos e cando escribimos parece que estamos S.O.S.
Recitamos e cando recitamos parece que estamos S.O.S.
Silencio silente silandeiro amor
dazado.
Menos mal que tivemos a Pondal!
Menos mal que tivemos a Pondal!
Escribimos e só quedan poetas.
Recitamos e só quedan poetas.
poetas*
*Nota: Detéctanse versos perdidos
Confrontar coa instalación poética da páxina 83
♦♦ Escoitar «Galegonía»Os meus versos de mocidade e de morte
–os meus versos, que ninguén le!–,
no po dos andeis dispersos
–que ningunha man toca!–
MARINA TSVIETÁIEVA
Título [narrativa]
Os soños do vampiro
Crepúsculo
O alquimista
Os piares da terra
Título [poesía]
Poemas malditos
Poétic@
Solpores do corazón
Exemplares
70.000.001
70.000.000
50.050.505
5.467.879
Exemplares
222
99
67
Coñeces a poética de Second Life?
15 millóns de persoas rexistradas.
Entra no metaverso.
http://secondlife.com
PPP
OOOOOO
EEEEEEE
SSSSSSSSSS
ÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍIÍÍÍÍÍ
AAAAAA
AAAAAA
AAAAAA
AAAAA
AAAA
AAAA
AAAA
AAA
AAA
AAA
morreu no día de hoxe tendo recibido os Santos Sacramentos,
longa vida á poesía.
D.E.P.
eu es
eu es tou
eu es tou na
eu es tou na ra
eu es tou na ra zón
au to a fir ma ción
au
to po é ti ca
A poesía é algo así nalgunhas persoas durante un
certo tempo algo no interior
Non ten nada que ver con nada
RYSZARD KAPUSCINSKI
Pessoa finxía.
Eu, ademais,
son un farsante.
A miña
poesía
é toda
pura
mentira.
E mátame o silencio
de non dicir verdade?
No amor, na poesía, a neve non é a loba de xaneiro
senón a perdiz da primavera.
RENÉ CHAR
Ver Persianas, pedramol e outros nervios, páxina 21
Nicholas Roerich dixo
onde hai paz hai cultura
onde hai cultura hai paz.
Un poeta dixo
a poesía tamén é utopía.
(2001)
Tócame e constrúome,
constrúesme.
Criatura da diferenza.
Simpático estrañamento
eternamente no útero.
Poeta.
Dentro do nada só
hai tempo,
conxelado.
A voz é tempo.
O pensamento é tempo.
A vida, an ocean time.
A morte, tempo detido.
Death is time,
silencio, que tamén é tempo.
Sería posible o nada
sen o tempo ou
xa non sería nada?
POEMA
Cuando ya no nos queda nada,
el vacio de no quedar
podría ser al cabo inútil y perfecto.
JOSÉ ÁNGEL VALENTE
Ligazón poética
Con indiferenza,
recoñezo
a miña sombra
no pracer
da banalidade.
boca boca
cabo cabo cabo cabo cabo cabo cabo cabo cabo cabo
bocaboca
boca a boca 
aboca a boca
abocaboca
abocaaboca
abocaseca
a boca seca
poeta
con las palabras vaciadas ¿que hacemos?
¿las damos que nos las llenen
o las rellenamos?
SAÚL YURKIEVICH
Ver Transición, páxina 49.
Eu non escribo
sonetos
porque
son
neto
dun
soneto.
El sempre foi un poeta
maldito.
Perdón, está
mal dito:
El sempre foi
un poeta.
—Que libro che gustaría escribir que aínda non escribiches?
—Gustaríame abordar, nun ensaio, cousas intrascendentes, esas ás que a historia da cultura ou do pensamento non lle prestan atención, pero que están na cotianidade da nosa vida diaria e que, en definitiva, nos condicionan moito máis do que parece.
Atlántico Diario, 19/10/08, Entrevista a F. Alonso, por Manuel Vidal Villaverde
http://noticiasdefranalonso.blogspot.com.es/2008/10/fran-alonso-gustariame-abordar-nun.html
Calquera tentación pode afastarme deste oficio do verso
W.B. YEATS
EEUU si que son poeta.
Donde va, triunfaSi clamáis, se oye como el rugir del león.
RUBÉN DARÍO
Son un puto poeta
corrompido
polo mercado.
Son un puto poeta
corrompido
polo tempo.
Outros deciden por min.
Escribo ás ordes
millonarias da industria salvaxe
nunha potentísima
lingua minorizada.
Non teño dignidade.
Por iso,
presento a miña dimisión.
A miña dimisión,
poetas.
Véndese libro de poemas, case rematado, pulido,
con citas, 73 páxinas, 3.600 euros.
Complementar coa cita da páxina 14
♦♦
Nin se move, nin se nota, nin traspasa
Co frío pónseme
pequena
e engrullada,
encollidiña, moldeable e amorosa
coma unha miñoca ante a morte.
Nesa posición, indefensa,
gústame acariciala,
sentir o seu tacto,
as súas cartilaxes xelatinosas
abeiradas entre as mans
até que, pouco a pouco,
coa calor do sangue,
recobra a forza indomesticable
e aburrida
que a predispón
para o sexo.
Para o verso.
Que por que onde quen
escribo cando
como
así que escribo coa boca
chea.
Gústache escribir?
Complementar co poema da páxina 58A un lector: Non te fíes do poema,
fillo da ausencia,
nin é intuición
nin é pensamento,
é o latexo do abismo.
MAHMUD DARWIX
(pobreza léxica)
A miña poesía
ten menos palabras
por impago.
♦♦ 1.000 mg (Iolanda Zúñiga)
♦♦
Ligazón poética
Véndese libro de poemas, case rematado, pulido,
con citas, 76 páxinas, 4.000 euros.
Os poemas non deben comezar e acabar nun mesmo. O autor é un mediador (…). Debe ser humilde e permeable, deixar que o maremagnum das posibilidades creativas o sobrepase, (…) debe ceder o lugar de poeta ás voces do seu contorno, a polifonía é necesaria á hora de dinamizar a creatividade.
ELIAS KNÖRR
Despois dunha tarde escribindo poemas
métome na ducha
e só sinto
estancarse no embigo a auga morna que vén
da tubería.
LUÍSA CASTRO
Que se precisa para ser poeta?
Por enriba de todo hai que ser moi pouca cousa. Ser tan pouca cousa que sexas capaz de dicir «eu», que non che dea vergoña dicir «eu». Toda a poesía está fundamentada no eu, no sentimento, nas impresións, na sensibilidade individual, e iso é algo que a sociedade tende a limitar, porque é a súa función, e a arte ten que expandir. Un poeta non pode ser poeta se non di «eu».Entrevista a L. CASTRO, por Belén Fortes en The Barcelona Review: http://www.barcelonareview.com/31/s_lc_ent.htm
Confrontar co poema da páxina 14
Confeso que non me sinto só.
Sei que eu son varios eus,
que me conforman,
compartindo
soidades.
E todos pelexamos por facernos
un lugar.
E volve á casa polo Nadal.
O eu dun poeta (psicoloxía?) é unha secesión: non substitúe, non transporta, non traslada o sentido.
CHUS PATO
O eu
morr eu?
a poesía
ía ía ía ía ía ía ía ía ía ía
e regresou
agora que ecoa a a a a a aa a a aa aa aaa aaaaaaaaaaa
e (non) revive ive ive ive ive ive ive ive ive ive ive ive ive IVE,
que aumenta en tempos de crise
(It’s a revival)
I’m death?
E se son poeta,
cando frego os pratos?
I’m a full-time poet
Ser poeta
limita o potencial pleno de un.
GREGORY CORSO
Isa é poeta
e por iso é poetisa.
Iso é poeta
e por iso non é poetiso.
A poesía
tamén
é
iso.
♦♦
♦♦
♦♦
Podo prometer
e
prometo
ou
non é un interlocutor
válido
a poesía
nos orzamentos xerais do Estado.
o ruído elástico das pombas ao voaren
«Hai unha poesía que actúa como fundamento das patrias e sen a cal non poderiamos entender o odio», apunta o pensador esloveno Slavoj Zizek (Liubliana, 1949). Por iso, propón: «Necesitamos controlar a poesía, tras cada limpeza étnica hai un poeta».
El PAÍS: «Detrás de cada limpieza étnica hay un poeta»
* Política da Opinión
o ruído elástico das pombas ao voaren o ruído elástico das pombas ao voaren o ruído elástico das pombas ao voaren o ruído elástico das pombas ao voaren
Complementar coa instalación poética da páxina 54 Complementar co poema da páxina 60…PERO NON HAI NINGUÉN PARA ESCOITARME.
En cada mot m´hi jugo l´existència
Aquí che deixo, meu peito canso, aquí
che deixo,
aquí che deixo neste branco papel trillado, neste
percuro das horas.
MARÍA MARIÑO
♦♦
Confrontar cos poemas das páxinas 42 e 43
As razóns da poesía
LEONOR SILVESTRI
cultural@clarin.com
–Audre Lorde, a poeta e activista feminista lesbiana negra, sostén que a poesía é o xénero literario menos burgués porque un poema pode ser escrito mesmo entre as quendas de traballo nunha fábrica, a diferenza dunha novela que require gran cantidade de tempo ocioso.http://www.clarin.com/suplementos/cultura/2006/12/02/u-01320044.htm
Cando a ira se espalla polo peito
hai que frear a lingua lingoreteira.
SAFO
Poeta, irmá: as palabras
–mesmo se queremos ou non–
permanecen de seu no tempo.
ADRIENNE RICH
Radical or so-called innovative literary writing faces (& that means faces up to) the facts of life in the digital age.
BRUCE ANDREWS
Deus é o mellor
e máis perfecto personaxe
de ficción
da historia da humanidade.
anonimo said
vaia merda de poema.
medulio said
así está o nivel da poesía galega
unidad said
los nacionalistas sois unos irrespetuosos
lusitania said
é muito estranha, a poesia da Espanha
Os seus versos
non atoparon destinatario.
O poema con asunto «auxilio»
foi devolto polo servidor.
Revise o seu enderezo electrónico
ou, se cre que pode deberse a un erro
de comunicación,
póñase en contacto co seu
servidor.
http://www.baleiro.com
Páxina non atopada
o ruído elástico das pombas ao voarenAs nosas perdas: entre dous e oito caídos
por día,
unha decena de feridos,
vinte casas,
cincuenta oliveiras
e mais o defecto estrutural que
viciará o poema, o drama e o cadro.
MAHMUD DARWIX
http://www.poesia.com
Sentímolo,* Ten a certeza de que existe este nome de dominio?
O seu rexistro probablemente estea caducado.
Ollo, zona hacker!
Ligazón poética
PRAGMATISMO FEMINISTA
:–)–8
—Gústanme as túas tetas –díxolle el.
A muller prendeu o bluetooth,
guindoullas sobre o peito
e marchou sen elas.
ECUMENISMO DO MACHO IBÉRICO
Difunde isto a través de RT:
( o ) ( o )
Son dúas grandiosas tetas!
Sorry, your account has been disabled. [?]
Desactivada.
Desactivada.
Desactivada.
Google Accounts: I’m getting a message that says ‘Sorry, your account has been disabled.’
In most cases, accounts are disabled because of a perceived violation of either the Google Terms of Service or product-specific Terms of Service.
♦♦ Ligazón poética
Esta tristeza que trago
Foi de vós que a recebi.
AMÁLIA RODRIGUES
A páxina Solitari@s non existe
ou mudou o seu enderezo :–(
Se ignora a nova ubicación
e o seu corazón é permeable
e depresivo prema nesta ligazón.
Desexa un avatar distinto ao solicitado?
Non desprecie unha oportunidade para mellorar!!
Recios como as patacas, como as pedras,
sen conciencia, a palabra e o verso resístense.
SYLVIA PLATH
Poetízame
Movistar
ven 25
«Inspiración» xa está dispoñible
23.17
♦♦ Comunicabas (minuto 1:20)
Cantos na procura de palabras
para poboar o silencio do libro
JEAN-JOSEPH RABEARIVELO
Ver Persianas, pedramol e outros nervios, páxina 21
vendo a bo prezo software para reparar poemas defectuosos
vendo a bo prezo software para a deconstrución poética
55678,mnbvcxz´çkjhgfdsaazxcvbnm,.-+`poiuytrewq 12345678904556<z9042ñ xcvbnm
55678,mnbvcxz´çkjhgfdsaazxcvbnm,.-+`poiuytrewq 12345678904556<z9042ñ Unha para o estómago
xxcvbnm1223+-*/=7896+335588424
SOLUCIÓN: Ver poema da páxina 105
Gym-sberg
Eu mirei os mellores
cerebros da miña xeración
estrompados contra o plinton
O LEO
Cada vez
que tento
achegarme a ti,
o teu firewall
impídeme o paso.
Se queres seguir
navegando
pola miña poética
debes cambiar
a túa configuración
e facerte
accesible
para min.
Ligazón poética
ruído
ruptura intertextualidade
desafío conectividade/connotación incerteza
transfronteirizo nov@s lector@s palabrasglobo
incrustación ex-presión multimedia hiperignoto
pantallazo globalizacion tuiteo
paradigmatic
iNversos
repolo de betanzos
Cóbreme unha espesa nube,
tal preñada de tormentas,
tal de soidás preñada
ROSALÍA DE CASTRO
Asunto: Salvemos a poesía
Un virus moi perigoso
está a encher os versos de sentimentos
está a encher os versos de revolución social
pretende equiparar os versos á liberdade
pretende equiparar os versos ao pensamento
está a empregar os versos para fuxir das leis do mercado
está a empregar os versos para escandalizar
está a empregar os versos para obter prevendas e
notoriedade.
Se non o eliminas, o virus procederá á confusión total de conceptos n@s receptor@s
Procede do seguinte xeito:
–Fai clic no verso sospeitoso
–Se non os atopas, emprega a función BUSCAR; ARQUIVOS OU CARPETAS.
–Unha vez localizado, envíao á PAPELEIRA DE RECICLAXE. A continuación preme ELIMINAR.
POR FAVOR DIFUNDE ESTA MENSAXE
♦♦
Vin as mellores mentes da miña xeración abducidas, vencidas, entregadas, embebidas de cocacola, arrastrándose coma tolos tras as proclamas de paulo coelho na procura da felicidade, culturetas de suplemento literario extasiados no celestial deslumbramento do mercado, na fascinación das pantallas, dos monitores, renegando do verso dos poetas, da destreza intelectual, renunciando a si mesmos, descridos hipócritas, conformistas, merda disposta en estiba, merda por baixo e por riba, merda a dereita e á esquerda. Todo acugulado de merda.
Asina contra eles:
http://www.petitioonline.com/contraamerda
Vimos as mellores mentes da nosa xeración
destruídas polo aburrimento nos recitais de poesía.
LAWRENCE FERLINGHETTI
Camuflouse discretamente
entre os millóns de resultados
dunha busca rápida.
Quixo confundirse entre eles…
…e mudou.
Gústame. A Cibrán Silleiro e a outros tres gústalles isto.
Se atopa un poema
titulado .exe non o lea;
fai desaparecer todos
os «es» dalgúns poemas.
Poeta en paro ofrecese para escribir
versos na rede en calquera estilo…
…ou para executar ciberatentados (garántese discreción)
anuncios gratis > Galicia > Pontevedra > Redondela > Gratis > Gratis en Galicia > Gratis en Pontevedra > Gratis en Redondela > emprego > emprego en Galicia > emprego en Pontevedra > emprego en Redondela – Pontevedra
Y el poeta dijo al morir:
sinto deixar este mundo
sen escribir un poema profundo.
Este poemario
déixame espido
coma a un internauta con webcam;
déixame indefenso
coma a un cidadán ante a súa entidade bancaria.
A miña vida como poeta
rematou.
Estou morto.
Os versos assemelham-se a um corpo
quando cai
JOSÉ TOLENTINO MENDONÇA
poetas
poetas
poetas
poetas
poetas
poetas
poetas
poetas
poetas
poetas
poetas
poetas
poetas
poetas
Crítico/a,
os meus versos
foron devastados
por unha cicloxénese explosiva.
Non puiden facer máis
na reconstrución
tediosa do poemario.
Sempre nos quedará París
Esta casa estuvo dedicada a la labranza y a la muerte.
En su interior cunden las ortigas, pesan las flores sobre las maderas atormentadas por la lluvia.
ANTONIO GAMONEDA
Véndese libro de poemas, extenso, totalmente rematado,
algo corrosivo, pulido, con citas, 119 páxinas,
8.000 euros.
✉
Contactar
Poeticamente político