Beniin

"Beniin" uun öler spriikwiisen

Sölring   Öömrang   Fering   Halunder   Halifreesk   Mooring   Wiringhiirder   Karhiirder   Gooshiirder

Tekst üüb Fering

Flag faan Beniin

Beniin [beˈniːn], amtelk Republiik faan Beniin (üüb Fraansöösk: Bénin [beˈnɛ̃] an République du Bénin) as en stoot uun a waast faan Aafrika. Uun a waast leit Toogo, uun a nuurd lei Burkiina Faaso an Niiger, uun a uast lei Nigeeria an uun a süüd de Golf faan Gineea. At lun hee 10.880.000. A hoodsteeden san Porto-Novo an Cotonou.

Geografii

Geograafisk Laag

Beniin leit twesken 6° 25’ an 12° 30’ (faan a nuurd tu a süüd) an 0° 45’ und 4° (faan a waast tu a uast). De huuchst berig uun’t lun as a Mont Sokbaro, wat 658m huuch as.

Indialing faan Ferwalting

Beniin hee twaalew départements.

Nööm	Hoodsteed	Lidj
Alibori	Kandi	868.046
Atakora	Natitingou	769.337
Atlantique	Ouidah	1.396.548
Borgou	Parakou	1.202.095
Collines	Savalou	716.558
Couffo	Dogbo-Tota	741.895
Donga	Djougou	542.605
Littoral	Cotonou	678.874
Mono	Lokossa	495.307
Ouémé	Porto-Novo	1.096.850
Plateau	Sakété	624.146
Zou	Abomey	851.623

Steeden

Dön grat steeden san: Cotonou 779.314 lidj, Abomey-Calavi 452.811 lidj, Porto-Novo 267.200 lidj, Djougou 237.040 lidj, Parakou 206.667 lidj, Bohicon 149.271 lidj, Kandi 128.172 lidj, Lokossa 106.081 lidj, Ouidah 91.688 lidj an Natitingou 91.341 lidj.

Befölkring

Biljing

At feeighaid faan leesen an skriiwen wiar 2008 41% oner woksen lidj. Uun grünjskuulen wiar 2006 1.356.818 skuuljongen an 31.103 liarpersonaal. Uun boowerskuulen wiar 2004 344.890 studenten an 14.410 liarpersonaal. Uun huuchskuulen wiar 2006 42.603 studenten. At hoodhuuchskuul as det Université Nationale du Bénin, wat uun Cotonou as

Histoore

Beniin wurd 1. August 1960 faan Frankrik suwereen. Hubert Maga wiar de iarst president faan 1960 ap tu 1963 an faan 1970 ap tu 1972.

Det iarst presidentskap faan Hubert Maga

Hubert Maga wiar premier-minister föör’t suwereniteet. Unn Janewoore 1963 wurd Daniel Dessou, en beamte faan Sakété, ambroocht. San muurdiger, Christophe Bokhiri, en deputiarten, wurd ferhaftet, man kurt diarefter freileet. Det feruursaaget faan somer 1963 swaar ünrau. Christophe Soglo, a föörmaan faan a generoolstaap, störtet 28. Oktuuber at regiaring uun en putsch am. Soglo wurd a föörmaan ap tu Janewoore 1964 faan en auergungsregiaring.

Öler stootsboowenhööd

Öler stootsboowenhööd wiar Christophe Soglo (1963-1964, 1965-1967), Sourou-Migan Apithy (1964-1965), Justin Ahomadégbé-Tomêtin (1965, 1972), Tahirou Congacou (1965), Jean-Baptiste Hachème (1967), Maurice Kouandété (1967, 1969), Alphonse Alley (1967-1968), Émile Derlin Zinsou (1968-1969), Paul-Émile de Souza (1969-1970), Mathieu Kérékou (1972-1991, 1996-2006), Nicéphore Soglo (1991-1996), Thomas Boni Yayi (2006-2016). A president, wat at lun nü hee, as Patrice Talon.