Roti
 Manéka roti sing diwènèhi ragi | |
| Hawa ajangan | ditambahaké selé, susu kenthel manis, utawa mentega |
|---|---|
| Woworan pokok | trigu lan banyu |
 [[wikibooks:Special:Search/Buku masakan: Rotiꦫꦺꦴꦠꦶ|Buku masakan: Roti ꦫꦺꦴꦠꦶ]]  [[commons:Special:Search/Rotiꦫꦺꦴꦠꦶ|Médhia: Roti ꦫꦺꦴꦠꦶ]] | |
Roti iku panganan kang digawé saka glepung trigu, banyu lan ragi.[1] Babonané adonan diuléni lan dinengké supaya bisa ngembang.[1] Yèn wis ngembang roti kang isih awujud adonan banjur dibakar ing oven.[1]
Wong Jawa jaman saiki wis padha séneng roti amarga praktis lan gampang dienggo.[1] Yèn jaman biyèn wong Walanda kang nggawa roti ing Tanah Jawa.[1]
Roti Tawar[besut | besut sumber]
Roti tawar, yaiku roti kang rasané tawar utawa nétral.[1] Roti tawar akèh jinisé.[1] Amèh saben warung roti dodol roti tawar.[1] Roti iki lumrahé kanggo sarapan lan diwènèhi selé utawa keju, susu lan coklat.[1] Roti tawar uga kena dipangan nganggo ''margarin'' utawa mentéga.[1] Saliyané dipangan langsung, roti tawar uga kena dipanggang utawa dibakar.[1] Roti tawar uga kena dadi bahan baku jajanan kaya ta, resoles roti.[1]
French bread/baguette[besut | besut sumber]
Roti iki uga diarani roti tongkat amarga dhapuré lonjong dawa mirib tongkat.[1] Roti tongkat lumrahé digawé garlic bread utawa bruschetta utawa langsung dipangan nganggo sup.[1]
Plan au levain[besut | besut sumber]
Roti iki kalebu jinis roti Prancis. Dhapuré bunder lan kulité atos.[1] Digawé saka adonan asem.[1] Adaté dicawisaké kanggo panganan pambuka.[1] Roti iki dipangan nganggo mentéga utawa dipangan nganggo sup.[1]
Frankenbrot[besut | besut sumber]
Roti kang asalé saka Jerman iki dhapuré dawa kaya roti tongkat utawa baguette, nanging ora dhuwur.[1] Roti iki digawé saka glepung rye.[1]
Health whole wheat[besut | besut sumber]
Roti kang digawé saka glepung gandum iki duwé warna coklat.[1] Roti iki duwé tèkstur kang ngétokaké kulit-kulit gandum.[1] Roti Healt whole wheat kalebu roti kang nyéhataké amarga duwé serat kang dhuwur.[1]
White bread[besut | besut sumber]
Roti iki yaiku roti tawar kaya kang lumrahé didol ing toko-toko, nanging isih wujud wujud kang gedhé durung dikethok-kethok utawa diiris-iris.[1]
Toast bread[besut | besut sumber]
Roti tawar kang akèh didol ing toko-toko.[1] Roti iki wis diiris-iris lan akèh sing didol ing supermarket.[1] Roti iki bisa dipangan langsung lan bisa uga dipanggang.[1]
Roti séhat/roti gandum[besut | besut sumber]
Roti jinis iki padha kaya whole wheat bread, nanging wis diiris-iris.[1] Diarani roti séhat jalaran digawé saka glepung gandum.[1] Rasané rada kasar amarga seraté dhuwur.[1]
Roti Gandum[besut | besut sumber]
Roti gandum uga kalebu roti kang akèh sing golèk.[2] Roti gandum bisa ngundhakaké kaséhatan.[2] Saliyané iku roti gandum duwé serat luwih akèh tinimbang roti putih biyasa.[2] Mangan roti gandum bisa gawé wareg nganti suwé.[2]
Roti gandum digawé saka gandum yaiku kang diarani whole wheat flour utawa whole wheat coarse tegesé glepung gandum wutuh kang nalika digiling mung dibuwang kulit kang njabané.[2]
Ing pasaran ora kabéh roti gandum padha.[2] Ana kang nganggo whole wheat flour namung sithik lan diwénéhi warna karamél supaya katon mirib roti gandum asli.[2] Roti gandum kang kualitasé apik duwé ciri-ciri.[2]
- Pori ''remah'' kang wernané peteng lan duwé butiran-butiran coklat kang asalé saka kulit ari gandum.[2]
- Kulit roti (crust) luwih peteng lan luwih kasar.[2] Roti kang biyasa kulité kuning emas lan rata.[2]
- Ana tulisan 100% whole wheat flour ing wadhahé.[2]
Roti gandum luwih séhat amarga ngandhut serat kang luwih akèh tinimbang roti putih.[2] Serat pangan apik kanggo saluran pancernan, ngurangi risiko diabetes, lan kanker kolon.[2]
Padha kaya roti putih, roti gandum bisa awet nganti 3-5 dina ing suhu ruwang.[2] Supaya luwih awèt roti gandum bisa disimpen ing kulkas.[2] Yèn kepéngin dipangan cukup diangetaké ing microwave supaya empuk manèh.[2]
Energi ngluwihi sega[besut | besut sumber]
Roti gandum kalebu sumber ènergi kang luwih apik tinimbang sega lan mi.[2] Yèn 100 gram sega ngandhut ènèrgi kang akèhé 178 kalori lan 100 gram mi ngandhut ènèrgi 86 kkal, nanging roti gandum kang cacahé 100 gram bisa ngandhut ènèrgi kang cacahé 248 kalori.[2] Saliyané ngandhut ènèrgi kang akèh, serat kang ana ing roti gandum uga luwih apik saéngga bisa nahan ngelih luwih suwé.[2] Roti gandum lan roti putih padha-padha roti kang digawé saka gandum nanging roti putih digawé saka trigu yèn roti gandum digawé saka tepung gandum.[2]
Trigu yaiku asil panggilingan wiji gandum kang paling njero utawa endosperm, yèn glepung gandum yaiku asil panggilingan wiji gandum wutuh kang mung dibuwang kulit njabané, saéngga ngandhut serat kang luwih akèh tinimbang glepung trigu putih.[2]
Roti gandum kang asli yaiku roti kang kagawé saka 100 persèn glepung gandum.[2] Roti gandum kang kualitasé apik bisa dititik saka ''remah'' kang wernané peteng lan ana butiran-butiran coklat asil saka kulit ari wiji gandum.[2] Roti gandum asli uga bisa dititèni saka kulit roti utawa crust kang luwih peteng, yèn roti putih wernané kuning rada emas.[2]
Roti gandum ngandhut serat kang akèhé tikel enem saka roti putih.[2] Saliyané iku, roti gandum uga ngandhut karbohidrat lan ènèrgi kang luwih sithik katimbang roti putih.[2] Iki kang marakaké roti gandum bisa njaga bobot awak kang idhéal.[3]
Roti Buaya[besut | besut sumber]
Roti buaya utawa roti baya yaiku roti kanggo seserahan ing upacara ngantèn adat Betawi.[4] Roti baya iki dawané kurang luwih 50 cm.[4] Roti iki digawa ngantèn lanang kanggo seserahan.[4] Roti iki nggambaraké kasetyan pasangan ing pernikahan lan supaya bisa urip lan mati bareng tégesé tansah nyawiji.[4]
Asal mulané roti baya iki yaiku masarakat Betawi kainspirasi kéwan baya kang mung kawin sapisan saumur-umur.[4] Masarakat Betawi percaya mitos iki turun temurun.[4]
Miturut masarakat Betawi roti nglambangaké ékonomi kang mapan.[4] Tégesé saliyané duwé kasektèn, pasangan uga tansah mapan uripé, mulya lan suksès.[4]
Roti Daging[besut | besut sumber]
Roti daging yaiku roti kang isiné olahan daging.[5] Daging kang dianggo isi bisa daging pitik, sapi, lan kebo.[5] Ana uga kang diarani roti daging beluk[5]
Gladri Roti[besut | besut sumber]
-
roti rol -
roti cane -
roti tandoor -
roti gambang -
roti porc -
roti sole -
roti shiva -
roti prata curry -
roti masala trafasie -
roti wrap trafasie -
roti isi daging -
roti john -
roti panggang -
roti mandarin -
roti kering
Cathetan sikil[besut | besut sumber]
- ↑ a b c d e f g h i j k l m n o p q r s t u v w x y z aa ab ac ad Kompas.com(diundhuh tanggal 1 Mèi 2011)
- ↑ a b c d e f g h i j k l m n o p q r s t u v w x y z aa Femina Online Archived 2010-08-04 at the Wayback Machine.(diundhuh tanggal 1 Mèi 2011)
- ↑ Kompas - Roti Gandum(diundhuh tanggal 1 Mèi 2011)
- ↑ a b c d e f g h Kompas Megapolitan(diundhuh tanggal 2 Mèi 2011)
- ↑ a b c Tabloid Nova[pranala mati permanèn](diundhuh tanggal 2 Mèi 2011)
Pranala njaba[besut | besut sumber]
- Cara gawé roti Archived 2012-06-22 at the Wayback Machine.