Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum februaro 50, 100 e 150 yari ante nun …
10 di februaro1974. Mars 4, kosmosondilo di USSR, fotografis Marso dum ke ol preterpasis la planeto. Ol lansesis ye 27 di julio 1973; la skopo esis enirar orbito cirkum Marso por studiar ol per diversa instrumenti. Tamen pro malfunciono ol ne povis enirar orbito, e preterpasis la planeto, ye minima disto 1884 km. Mars 5, lansita ye 25 julio 1973, atingis Marso ye 12 di februaro 1974; ol sucesoze eniris orbito e studiis la planeto til 28 februaro, kande ol cesis funcionar.
12 di februaro1924. En New York, la koncerto-peco Rhapsody in Blue, da George Gershwin, esis unesmafoye pleyata, Gershwin pleyante la piano. La muzikisto Paul Whiteman demandabis koncerto-peco de lu en novembro 1923, por projetata koncerto di jazo; malgre ke Gershwin ne aceptis lo, pro manko di tempo, la expektata verko esis anuncata frue en januaro. Gershwin dum kelka semani kompozis la verko, por du piani, e Ferde Grofé aranjis ol por piano ed orkestro. La kompozuro balde divenis famoza, ed esis importanta kom un de la inicianti di la "Ero di Jazo".
15 di februaro1874. Ernest Shackleton, explorero di Antarktika, naskis en Kilkea, proxim Dublin, Irlando. Il esis membro di la unesma expediciono di Robert Falcon Scott ad Antarktika, de 1901 til 1904. Il esis duktisto di expediciono ad Antarktika, de 1907 til 1909: Shackleton e tri altra membri atingis lia maxim proxima disto, 180 km de la suda polo, quo tatempe esis la maxim fora sudala poziciono atingita da irgu. Ilua maxim famoza expediciono ad Antarktika esis de 1914 til 1916: il intencis irar trans Antarktika, de la Weddel-maro a la Ross-maro. Frue en 1915 la navo divenis kaptita en la glacio di la Weddell-maro, ante ke la voyajo sur tero povis komencar; pos pasir la vintro di 1915 sur la glacio, la navo esis aplastata. Pos plura aventuri, omna membri dil expediciono esis salvata en 1916.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.
