Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum januaro 50, 100 e 150 yari ante nun …
24 di januaro1974. En Brisbane, Australia, inundado eventis pos tri semani di ne-cesanta pluvo. Plu kam 6.700 domi sufris; 16 homi mortis. La maxima alteso di la inundo esis 6,6 metri. Plu alta inundi eventabis en la 19ma yarcento, ma pro la plu granda habitantaro en 1974 ca evento esis plu grava. Pos la dizastro, la projetita Digo Wyvenhoe, intencita por provizar la urbo per aquo, esis konstruktata anke egardante la prevento di inundi.
21 di januaro1924. Vladimir Ilyich Lenin mortis. De 1921 il sufris pro mala saneso. En mayo 1922 il sufris vaskulala cerebrala stroko; dum periodo il ne povis parolar ed il paralizesis ye la sinistra latero. Rezidante en sua domeni ye Gorki, il granda-grade risaneskabis en julio, ma en decembro il sufris duesma stroko. Malgre lua mala saneso, il duris parto-prenar la aktuala politiko, e kritikis Iosif Stalin, qua dum la absenteso di Lenin plufortigis sua politikala influo. En marto 1923 Lenin sufris triesma stroko; il ne povis parolar, ed esis parte paralizita ye la dextra latero. Il lente risaneskis ye Gorki, ma ye 21 januaro 1924 il divenis komata, e mortis. De 23 til 26 di januaro, ilua kadavro oficale jacis en Moskva, vidita da cirkume milion trauranti.
4 di januaro1874. En Křečovice en Bohemia, la kompozisto e violinisto Josef Suk naskis. Il esis studento di Antonín Dvořák, ed en 1898 il esis mariajata ad ilua filiino Otilie. Ilua maxim bone konocata verko esas la Serenado por Kordii, Op. 6. Dvořák, remarkinte traito melankolia en la kompozuri di Suk, avizis ke il skribez ulo plu gaya. Suk, atencema pri ca avizo, produktis ca Serenado en 1892. Ol unesmafoye pleesis ye la Konservatorio di Praha en 1895.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.