Lahti
Lahti (Fins uitspraak: [ˈlɑxti]; Sweeds: Lahtis) is 'n stad en munisipaliteit in Finland. Die is geleë aan die suidpunt van een van Finland se grootste meerstelsels (die Vesijarei-paijanne) ongeveer 100 km noordoos van Helsinki. Dit is 'n uitstekend uitgelegde moderne stad en is eers in 1878 gestig. Vandag is dit die middelpunt van Finland se meubelbedryf; ander nywerhede lewer sellulose, papier, laaghout en vuurhoutjies (al hierdie produkte kom van hout uit die woude om die stad), skoene en glas.
Lahti is op vier na die grootste stad in Finland; sy inwonertal, wat in die laaste dekade of twee sterk gestyg het, is tans meer as 100 000. Lahti is ook die belangrikste wintersportsentrum in Finland en beskik oor 'n hoë springtoring vir skiërs.
Bronnelys[wysig | wysig bron]
- KENNIS, 1980, ISBN 079810824X, volume 2, bl. 273
Eksterne skakels[wysig | wysig bron]
Wikimedia Commons het meer media in die kategorie Lahti.- Amptelike verslag vir die 1952 Somer Olimpiese Spele. pp. 62–3.
- Stad Lahti – Amptelike stad webwerf
- Lahti Gids – inligting vir besoekers.
- Lahti streek -Inligting oor woon, sake en reis.
- Lahti inligting Geargiveer 2 Augustus 2012 op Wayback Machine -Nuus, gebeure, sake en ander inligting.
- Lahti video - dokumentêr oor die stad Lahti
