Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum decembro: 50, 100 e 300 yari ante nun …
3 di decembro1973. Pioneer 10, kosmosondilo di Usa lansita en marto 1972, atingis Jupitero, e dum 60 dii ol studiis la planeto. En junio 1983 ol pasis la orbito di Neptuno (qua lore esis plu fore de la suno kam Plutono). Tale ol divenis la unesma homala konstrukturo qua livis la sunala sistemo. La misiono oficale finis ye 31 di marto 1997; ol lore atingabis disto 67 astronomiala unaji de la suno. En 2003, la lasta signalifi di Pioneer 10 recevis. Ol esis 12 miliard km, 80 astronomiala unaji, de Tero, e depos 27 di aprilo 2002 ol ne sendabis utila informeso. Voyajante ye olua nuntempa rapideso, ol esos plu distanta kam la vicina stelo Proxima Centauri pos 26.118 yari.
27 di decembro1923. En Paris, Gustave Eiffel mortis evante 91 yari. Il studiis ye la École Centrale des Arts et Manufactures, e recevis diplomo en 1855. Dum sequanta yari il desegnis ponti por fervoyi. Il divenis nedependanta konsultata injenioro en 1865, ed en 1868 il formacis sua propra kompanio. Sequanta projeti inkluzis ponto super la fluvio Douro en Portugal, e la strukturo por la Statuo di Libereso, qua transportesis ad Usa. En 1884 il adhereskis a projeto por konstruktar turmo, intencita kom notenda strukturo por la Exposition Universelle di 1889. La fundamento kreesis en 1887, e Turmo Eiffel esis kompleta en marto 1889.
22 di decembro1723. En Köthen, la kompozisto e muzikisto Carl Friedrich Abel naskis; ilua patro esis muzikisto en la orkestro di la korto di Köthen. Carl esis skolano en Leipzig, ed il docesis da Johann Sebastian Bach. Pro la rekomendo di Bach, il divenis membro en 1743 di la orkestro di la korto di Dresden. En 1759 il iris a London, ed esis membro di la chambro-orkestro di Rejino Charlotte, spozino di George la 3ma. Johann Christian Bach, filiulo di J S Bach, arivis en London en 1762; il ed Abel divenis amiki, e li establisis koncerti di qua la admisati pagis aboni, la unesma tala koncerti en Anglia. Ca koncerti duris til la morto di J C Bach en 1782.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.
