Empira Rômana
![](http://web.archive.org./web/20231130112557im_/https://upload.wikimedia.org/wikipedia/commons/thumb/0/00/Roman_Empire_Trajan_117AD.png/320px-Roman_Empire_Trajan_117AD.png)
Ny Empira Rômana dia ny empira lehibe indrindra tamin' ny Andro Taloha. Ny renivohiny dia i Rôma ary mifototra amin' ny tany manodidina ny Ranomasina Mediteranea ilay empira. Nitoetra nanomboka tamin' ny 27 tal. J.K. hatramin' ny fanonganana ny emperora farany tamin' ny taona 476 ny Empira Rômana. Amin' ny teny latina izy dia atao hoe Imperium Romanum.
Ny empira no dingana fahatelo teo amin' ny tantaran' i Rôma Taloha. Ny vanimpotoana faha mpanjaka ny voalohany, faha repoblika ny faharoa ary faha empira ny fahatelo.
Ny fiteny ôfisialin' ny Empira Rômana dia ny fiteny latina. Na dia izany aza, nitazona ny fiteny grika taloha ho fiteny ôfisialy miaraka amin' ny fiteny latina ny faritra atsinanana ao amin' ilay empira.
Naharitra dimanjato taona ny tapany andrefan' ny Empira Rômana. Ny faritra atsinanana izay ahitana an' i Grisy sy i Torkia ankehitriny dia mbola naharitra mihoatra ny arivo taona. Taorian' ny fitontonganan' ny Empira Rômana Andrefana dia Empira Bizantina no anaran' ilay Empira Rômana Atsinanana, ary i Kônstantinôpla no renivohiny.
Tantara[hanova | hanova ny fango]
![](http://web.archive.org./web/20231130112557im_/https://upload.wikimedia.org/wikipedia/commons/thumb/e/ea/Roman_Republic_Empire_map.gif/220px-Roman_Republic_Empire_map.gif)