Null
D Zahl Null isch d Aazahl vo de Elemänt inere lääre Aasammlig vo Objekt, mathematisch gsproche d Kardinalität vo de lääre Mängi. Wil Kardinalzahle (Aazahl vo de Elemänt vonere Mängi) mit spezielle Ordinalzahle identifiziert wärded, und d Null grad di chlinsti Kardinalzahl isch, wird d Null – im Gägesatz zum gängige Sprachgebruuch – au als ersti Ordinalzahl gwählt. Als ändlichi Kardinal- und Ordinalzahl wird si je nach Definition au zu de natürliche Zahle zellt. D Null isch s neutrale Elemänt bezüglich de Addition (Differenz vo zwei glyche Zahle) i vile Körper, wie öppe de rationale Zahle, reelle Zahle und komplexe Zahle, und e gängigi Bezeichnig für es neutrals Elemänt i vile algebraische Strukture, sogar wenn anderi Elemänt nid mit gängige Zahle identifiziert wärded. Als ganzi Zahl isch d Null Nachfolgeri vo de Minus-Eis und Vorgängeri vo Eis. Uf ere Zahlegrade trännt de Nullpunkt di positive von de negative Zahle. D Null isch die einzigi reelli Zahl, wo weder positiv no negativ isch. D Zahl Null isch e gradi Zahl.
Weblink[ändere | Quälltäxt bearbeite]
![](http://web.archive.org./web/20230930094233im_/https://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)