دەستپێک
ئەو ئینسایکڵۆپیدیا ئازادەی کە ھەموو کەسێک دەتوانێت دەستکاریی بکات. ھەنووکە ٥١٬٩٢٣ وتار بە کوردیی ناوەندی (سۆرانی) ھەن. |
پێڕستی وتارەکان • ڕێکخستنەکان
| ||||||
لەبارەی ویکیپیدیا • سیاسەت و ڕێساکان • فێرکاریی خێرا • فێرکاری بە وێنە • پرسیارە دووپاتکراوەکان • ڕێنماییی خێرا |
![](http://web.archive.org./web/20231103223109im_/https://upload.wikimedia.org/wikipedia/commons/thumb/a/ad/Angelina_Jolie_2_June_2014_%28cropped%29.jpg/130px-Angelina_Jolie_2_June_2014_%28cropped%29.jpg)
ئەنجلینا جۆولی (بە ئینگلیزی: Angelina Jolie، گۆکردن: /dʒoʊˈliː/؛ پێشتر: جۆولی پیت، لەدایکبووی ٤ی حوزەیرانی ١٩٧٥) خانمەکتەر، فیلمساز و چاکەکارێکی ئەمریکییە. براوەی چەندین خەڵاتە لەوانە؛ بەدەستھێنەری خەڵاتی ئۆسکار، ھەروەھا سێ خەڵاتی گۆڵدن گلۆبە. چەندجارێک وەک گرانترین ئەکتەر لە لوتکەی خانمەکتەرەکانی ھۆلیوود ناوی ھاتووە.
ئەنجلینا لەیەکەم فیلمیدا بە منداڵی لەپاڵ باوکی دەرکەوت، کاتێک لەفیلمی لووکین تو گێت ئاوت (١٩٨٢)ی دەرھێنەر جۆن ڤۆیت (باوکی) بەشداربوو، بەڵام ژیانی کارکردنی لە فیلم دوای دە ساڵ لەو فیلمە دەستیپێکرد، ئەمەش کاتێک بەفیلمێکی تێچوو کەم بەناوی سایبورگ ٢ (١٩٩٣)، دواتر لەیەکەم ڕۆڵی سەرەکی خۆیدا بەفیلمی ھاکەرز (١٩٩٥) بەشداربوو. دواتر لەچەند فیلمێکی ژیاننامەیی بەشداربوو لەوانە؛ جۆرج والاس (١٩٩٧) و جیا (١٩٩٨)، کە بوونە جێگای بایەخی ڕەخنەگران، ھەروەھا بەھۆی بەشداریکردنی لەفیلمی گێرل، ئینتەرپتد (١٩٩٩) ئەوا خەڵاتی ئۆسکاری پێدرا وەک باشترین کچەئەکتەری پاڵپشت. دواتر بەشداربوو لە فیلمی لارا کرۆفت: تۆمب ڕایدەر (٢٠٠١) بە کارەکتەری یاری ڤیدیۆیی لارا کرۆفت، ئەمە وایکرد ناو و ناوبانگی بگاتە لووتکەی کچەئەکتەرەکانی ھۆلیوود. دواتر بەردەوامی بە فیلمە ئاکشنەکانی دا بەبەشداربوونی لەفیلمەکانی؛ مستەر & مسز سمیت (٢٠٠٥)، وانتد (٢٠٠٨) و ساڵت (٢٠١٠)، ھەروەھا پێشوازییەکی باشی وەرگرت لەلایەن ڕەخنەگرانەوە کاتێک لە دوو فیلمی درامی دەرکەوت بەناوەکانی؛ ئە مایتی ھارت (٢٠٠٧) و چێنجلین (٢٠٠٨)، کە ئەمەی دووەم، وایکرد جوولی ببێتە پاڵێوراوی خەڵاتی ئۆسکار وەک باشترین خانمەئەکتەر. گەورەترین سەرکەوتنی بازرگانی ئەو، لە فیلمی مالیفیسنت (٢٠١٢) بوو. لە دەیەی ٢٠١٠، ئەنجلینا کارەکانی لەسینەما فراوانترکرد بۆ دەرھێنان، سیناریۆنووسین، بەرھەمھێنان لەفیلمەکانی ئن زە لاند ئۆف بلەد ئەند ھەنی (٢٠١١)، ئەنبرۆکن (٢٠١٤)، فێرست زەی کیلد مای فازەر (٢٠١٧).
لە پاڵ کارکردنی لەفیلم، جۆولی خەریکی کارە مرۆڤایەتییەکانە، بۆ ئەوەش خەڵاتی جان ھەرشۆلتی مرۆڤایەتی پێدراوە، ھەروەھا شانازی قەدیس میخائیل و قەدیس جۆرج (DCMG) وەرگرتووە، لەگەڵ چەند خەڵاتی دیکەش. ئەنجلینا لە چەندین بوار کاردەکات، لەوانە ژینگە، پەروەردە، مافەکانی ژنان، و دیارترین کاریشی وەک کەسایەتی چاکەکار کاردەکات لەگەڵ کۆمیساریای باڵای نەتەوە یەکگرتووەکان بۆ پەنابەران (UNHCR).
خوێندنەوەی زیاتر...
- ٧ی تشرینی یەکەم – حەماس ئۆپەراسیۆنی باھۆزی ئەقسای(لەوێنەکەدا) ڕاگەیاند و چەکدارەکانی توانییان سنووری ئیسرائیل ببەزێنن و زیاتر لە ٥٬٠٠٠ مووشەک ئاڕاستەی ناوچەکە بکەن.
- ١٨ی ئەیلوول – لە کردەوەیەکی تیرۆریستیدا دەنیز ھێڤی ئەندامی کۆنگرەی نەتەوەیی کوردستان لە بەرامبەر نوێنەرایەتیی کەنەکە لە ھەولێر تیرۆرکرا.
- ٣٠ی ئاب – لە گابۆن، عەلی بۆنگۆ دوای ماوەیەکی کەم لە دووبارە ھەڵبژاردنەوەی وەک سەرۆک، بە کودەتایەکی سەربازی لە پۆستەکەی دووردەخرێتەوە.
- ٢٣ی ئاب – بەھۆی کەوتنەخوارەوەی فڕۆکەیەک لە ھەرێمی ئۆبلاستی تڤێری ڕووسیا، یەڤگێنی پریگۆژین سەرۆکی گرووپی ڤاگنەر و ٩ کەسی دیکە گیانیان لەدەستدا.
- ١٨ی ئاب – لە بەڕیتانیا، لوسی لێتبی بەھۆی کوشتنی حەوت کۆرپەلە و ھەوڵدان بۆ کوشتنی شەشدانەی دیکە، سزای زیندانی ھەتاھەتایی بەسەردا سەپێنرا.
- مانگی ئاب – گەورەئاگرێک لە ویلایەتی ھاوایی، ئەمریکا سەریھەڵدا، و بەھۆیەوە تا ئێستا ١١٠ کەس مردوون.
- ٢٠ی تەممووز – بەھۆی لافاو و ڕۆچوونی زەوی لە کۆریای باشوور زیاتر لە ٤٠ کەس گیانیان لەدەستداوە و ٦ کەسی دیکەش بێسەروشوێنن.
- ١ی تەممووز – بەھۆی کوژرانی ھەرزەکارێکی تەمەن ١٧ ساڵە لەلایەن پۆلیسی فەڕەنساوە، چەندین خۆپیشاندان و ئاژاوە لەم وڵاتە ڕوویدا.
- ٢٤ی حوزەیران – لە ڕووسیا، گرووپی ڤاگنەر لە حکوومەت یاخی دەبێت.
![](http://web.archive.org./web/20231103223109im_/https://upload.wikimedia.org/wikipedia/commons/thumb/d/dd/M%C3%BC%C5%9Fir_Gazi_Mustafa_Kemal_Pa%C5%9Fa%2C_Bal%C4%B1kesir%2C_1923.png/100px-M%C3%BC%C5%9Fir_Gazi_Mustafa_Kemal_Pa%C5%9Fa%2C_Bal%C4%B1kesir%2C_1923.png)
- ١٨٠٥ – ھێزەکانی ناپۆلیۆن بۆناپارت ھێرشیان کردە سەر ئۆتریش.
- ١٩١١ – بۆ یەکەمجار لە مێژوودا، لە لایەن فڕۆکەکانی سوپای ئیتالیاوە، بۆمب لە فڕۆکەوە بۆ بۆردومانکردن بەکارھێنرا.
- ١٩٢٢ – محەممەدی شەشەم دواھەمین سوڵتانی عوسمانی لەسەر حوکم لاچوو.
- ١٩٢٢ – مستەفا کەمال ئەتاتورک (لە وێنەکەدا) بڕیاریدا سیستمی حوکمڕانیی تورکیا بکرێتە کۆماری.
- ١٩٥٩ – یەکەم ژمارەی گۆڤاری ھیوای کوردستان لە شاری سلێمانی بڵاوکرایەوە، کە لەلایەن ڕێکخراوی یەکێتیی قوتابیانی کوردستانەوە دەرچوو.