Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum oktobro 50, 100 e 200 yari ante nun …
20 di oktobro1973. En Australia, la operodomo di Sydney oficale apertesis da Rejino Elizabeth la 2ma. La projeto esis ideo di Eugene Goossens, direktisto di muziko-konservatorio en Australia. En 1957 esis konkurso por la desegno di nova opero-domo; 233 arkitekti konkursabis; la sucesanto esis Dana arkitekto Jørn Utzon. Konstruktado komencis en 1959. La suportanta strukturo esis kompleta en 1963; la tekto, kun skaliatra segmenti di qui la fabrikado esis desfacila, esis kompleta en 1967. Utzon demisionis en 1966, pro deskonkordi inter la organizuri en la projeto. Ula parti di la desegno, partikulare la internajo, qua facesis dum la lasta fazo di la konstruktado, diferis de la desegno di Utzon. La opero-domo esis kompleta en 1973.
27 di oktobro1923. En New York, la piktisto Roy Lichtenstein naskis. Il studiis arto ye la Universitato di Ohio, e pose esis docisto pri arto. La unesma expozo di ilua pikturi eventis en 1951. Ilua frua verki influesis da expresionismo e kubismo. Pose, de 1960 til 1965, il produktis ilua maxim famoza pikturi, imaji derivita de kartuni en populara edituri. Tala pikturo esas Whaam! (1963), granda diptiko montranta, en stilo di kartuno, kombato-aeroplano pafanta vers enemika aeroplano. La Tate-galerio kompris ol en 1966, e nuntempe ol expozesas en la galerio Tate Modern en London.
25 di oktobro1823. En Wien ye la Theater am Kärntnertor, la opero Euryanthe, da Carl Maria von Weber, esis unesmafoye pleata. Il esis komisata en 1821 krear opero por ta teatro, ed il selektis Helmina von Chézy kom la libretisto. La rakonto fondesis sur romano di la 13ma yarcento. La verko esis bone recevita ye la komenco, ma ol pleesis nur duadek-foye; esis kritiki pri la libreto e la longeso di la opero. Ol esas frua exemplero di romantikismo, ed anticipis la operi di Richard Wagner. Gustav Mahler, direktisto di la statal opero en Wien, produktis modifikita versiono en 1903, ma nur kin pleadi eventis. Nuntempe, ol esas apene konocata, tamen la uverturo esas ofte pleata.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.
