Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum septembro: 50, 100 e 150 yari ante nun …
11 di septembro1973. Salvador Allende, prezidanto di Chili, mortis dum militala stroko. Il esis politikisto depos la 1930-yardeko, kande il esis prezidanto di la Socialista Partiso di Chili. En 1938 il divenis Ministro di Saneso en la guvernado di Pedro Aguirre Cerda. Pos plura esforci, il sucesis divenar prezidanto pos la elekto di 1970: ye 24 di oktobro 1970, la Kongreso di Chili selektis il kom prezidanto. En septembro 1973 il esis forpulsata de l'ofico en militala stroko direktata da Augusto Pinochet. Militala guvernado sequis, di qua Pinochet esis prezidanto.
1 di septembro1923. En Japonia eventis granda tertremo. La urbi Tokyo e Yokohama esis destruktata, e vicina regioni esis severe domajata. Cirkume 140.000 homi mortis. Multa homi mortis pro granda fairi, qui developis pro ke la tertremo eventis kande repasti esis preparata. Forta venti grandigis la fairi. Multa etnala Koreani esis masakrata, pro falsa rumori ke li prenas avantajo di la evento. Pos la destruktado, sugestesis ke nova precipua urbo kreesez altra-loke. Tamen, Tokyo esis rikonstruktata, kun plura parki qui esus refuji en futura tertremi. De 1960, la dato 1 di septembro esis "Dio di la preventado di dizastri", por memorigar la dizastro ed avertar pri la importo di preparemeso.
9 di septembro1873. En Baden proxim Wien en Austria, la teatrala direktisto Max Reinhardt naskis. Il unesmafoye aparis kom aktoro en 1890. De 1894 il rezidis en Berlin, divenante membro di la kompanio di Deutsches Theater di qua Otto Brahm esis direktisto, ed en 1904 Reinhardt divenis olua direktisto. Il esis jeranto di altra teatri en Berlin, til dek-e-un en 1930; il anke esis jeranto di la Theater in der Josefstadt en Wien de 1924 til 1933. De 1920 il kreis filmi, kom direktisto e kelkafoye kom produktisto. De 1938 il rezidis en Britania, e pose en Usa; en Hollywood il apertis la Reinhardt School of the Theatre. Il mortis en New York en 1943.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.
