封面
时新图文
绍兴市是中国浙江省下头个一个地级市,古代个辰光叫作越州、会稽、山阴,简称越,有2500年个历史。绍兴老早是古代越人个聚居地,春秋辰光成为越王勾践个国都,以此地为基础,成就东亚霸主个地位。到战国辰光,楚国征服越国。绍兴也受到个辰光楚国文化个交关影响,战国末期秦国征服楚国后,楚国大将个儿子项羽逃到会稽,从小来勒绍兴长大。后头伊带八千江东子弟,横扫北方中原,呒有敌手。到六朝辰光,绍兴成为东南地区个重镇,交关有名望个门阀侪来勒山阴,会稽两个地方。永和九年,江南门阀望族来勒山阴个兰亭聚会,书圣王羲之写出兰亭集序,成为东方书法个代表作品。绍兴个繁荣持续辰光相当长,从隋唐一脚到明朝,涌现交关名士。绍兴师爷也成为帝国官场当中个标准配置。
新闻
- 6月16号,苏州轨道交通11号线第一趟开展万人免费试乘活动。
- 6月15号,2022年亚洲运动会个圣火火种勒拉杭州良渚遗址采集。
- 5月28号,中国东方航空MU9191航班从上海虹桥国际机场出发飞往北京首都国际机场,是中国商飞C919客机头一趟商业飞行(图)。
- 5月11号,世界卫生组织宣布猴痘疫情弗再构成国际关注个突发公共卫生事体。
- 5月5号,世界卫生组织宣布2019新型冠状病毒肺炎事体弗再构成国际关注个突发公共卫生事体。