Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum julio 50, 100 e 250 yari ante nun …
9 di julio1973. Turmo Ještěd, proxim Liberec en Chekia, oficale apertesis. Ol esas konatra televiziono-transmisanto, restoreyo e hotelo sur la somito di Monto Ještěd. Konkurso por desegnar nova strukturo sur la monto eventis en 1963, pos la destruktado pro fairo di la antea ligna kabani. Konstruktado di la sucesoza desegnuro da Karel Hubáček duris dum plura yari; esis teknikala desfacilaji pro la severa klimato ye la somito di Monto Ještěd. En mayo 1971 la transmisanto komencis funcionar, e pos la equipado di la hotelo e restoreyo, la turmo apertesis en 1973. En 2006 ol oficale divenis nacionala kulturala monumento.
23 di julio1923. Charles Dupuy, qua tri-foye esis chefministro di Francia, mortis evante 71 yari. Il naskis en Le Puy-en-Velay, Arvernia, e divenis inspektisto di skoli, tale saveskante la stando di edukado en Francia. En 1892 il divenis ministro di publika instruktado en la ministraro di Alexandre Ribot. Il sequis Ribot kom chefministro de aprilo 1893 til decembro di ta yaro, kande il demisionis e pose elektesis kom prezidanto di la chambro. Il divenis chefministro, ye la duesma foyo, en mayo 1894. Il esis akompananta la Franca prezidanto Marie François Sadi Carnot en junio 1894 kande Carnot asasinesis. Il esis kandidato por la prezidanteso, ma ne elektesis, e duris kom chefministro til januaro 1895. Il esis chefministro, ye la triesma foyo, de novembro 1898 til junio 1899.
29 di julio1773. En Guatemala esis severa tertremo; ol esis la maxim forta di serio de tertremi qui eventis de mayo til decembro 1773. Esis multa destruktado en la urbo Antigua Guatemala, qua ye ta tempo esis la precipua urbo di Central Amerika. Cirkume 500 homi mortis, ed esis pose plu kam 600 morti pro hungro e maladeso. Pos la tertremo di 1717, la autoritati konsiderabis movar la precipua urbo ad altra loko, ma la movo ne eventis; cafoye, Antigua Guatemala ne ri-konstruktesis, e Guatemala-urbo fondesis kom la nova precipua urbo.
Nuuk (Dane: Godthåb) esas la chef-urbo e maxim populoza urbo di Dana autonoma teritorio Grenlando. Ol ank esas la centro ekonomiala e kulturala dil insulo. Jacanta 64°10'53" norde e 51°41'39" weste e distanta 240 kilometri sude dil Arktika Polala Cirklo ol esas la maxim nordala chef-urbo de la mondo. Segun statistiki de 2020, ol havis 18 326 habitanti, equivalanta a cirkume 1/4 de tota habitantaro Grenlandana. Lua tota surfaco esas 690 km².
Dezerto AtakamaDezerto esas regiono ube pluvo-quanto esas multe eskarsa e, konseque, la vivo esas multe desfacila. Cirkume un triimo de la kontinentala surfaci esas dezerto o mi-dezerti. Existas dezerti en amba lateri del Equatoro. Ank existas dezerti en Antarktika.