Jraayn
![](http://web.archive.org./web/20230923065705im_/https://upload.wikimedia.org/wikipedia/commons/thumb/d/db/Rembrandt-A-Lion-Lying-Down-207063_detail.jpg/220px-Rembrandt-A-Lion-Lying-Down-207063_detail.jpg)
Jraayn a faam a vijual aat we smadi kiah yuuz difrah-difrah jraayn inschrument fi maak-maak piepa ar wah nex tuu-dimenshanal midiom. Inschrument ingkluud grafait pensl, pen ah ingk, ingk brosh, wax kola pensl, krayan, chaakuol, saidwaak chaak, pastel, difrah-difrah kain a roba, maaka, stailos, difrah-difrah metal (laka silvapaint) ah ilekchanik jraayn.
Di jraayn inschrument riliis wah sumaal amount a matiirial pan a soerfis, lef wah visibl maak. Di muos kaman supuot fi jraayn a piepa, alduo adaels matiirial, laka kiaadbuod, plastik, leda, kianvas, ah buod, kiah yuuz. Tempareri jraayn kiah mek pah blakbuod ar waitbuod ar akchuali liklmuos eniting. Di midiom a eba papila ah fondamental miinz a poblik expreshan rait chuu yuuman ischri. A wan a di simplis ah muos ifishent miinz fi komiunikiet vijual aidie.[1] Di hiizi avielobiliti a jraayn inschrument mek jraayn wan a di muos kaman aatistik aktiviti.
![](http://web.archive.org./web/20230923065705im_/https://upload.wikimedia.org/wikipedia/commons/thumb/5/59/Munich_-_Two_young_women_drawing_-_5814.jpg/220px-Munich_-_Two_young_women_drawing_-_5814.jpg)
In adishan tu di muo aatistik faam, jraayn noftaim yuuz ina komoershal iloschrieshan, animieshan, aachitecha, injinierin ah teknikal jraayn. Kuik, friyan jraayn, yuujali no inten az finish wok, sohtaim kaal skech. Aatis uu praktis ar wok ina teknikal jraayn kiah kaal jraafta, ar jraafsman.[2]
Refrans[change up | change up di source]
- ↑ Module 6: Media for 2-D Art, Saylor.org, akses 2 April 2012
- ↑ http://dictionary.reference.com/browse/draftsman