Yen

Gant ar ger Yen e tegouezher amañ. Evit sterioù all ar ger, gwelit Yen (disheñvelout).

Yen
日本円 (e japaneg)

ur bilhed 2000¥ a skeudenn Shureimon

Kod ISO 4217

JPY

Implijet e

Japan

Monc’hwezh

−1.8%

Andon

The Statistics Bureau and the Director-General for Policy Planning, 2009 Jun. est.

Rannadur

1/100

sen

1/1000

rin

Arouez

¥

Plural

Liester ebet ez eus e yezh ar moneiz-mañ.

Pezhioù

1¥, 5¥, 10¥, 50¥, 100¥, 500¥

Bilhedoù

1000¥, 2000¥, 5000¥, 10000¥

Bank-kreiz

Bank Japan

Lec'hienn

www.boj.or.jp

Mouler

National Printing Bureau

Lec'hienn

www.npb.go.jp

Ar moneiz japanat ofisiel eo ar yen. Krouet e oa e miz Du 1870 e-lec'h ar ryō (両). JPY eo e god ISO. Ar yen a veze rannet e sen, hag e rin zoken (1/1000), n'int ket implijet abaoe 1954 avat.

D'an 11 a viz Du 2009 e talve un euro 134,5 yen.^[1]

Doare skrivañ[kemmañ | kemmañ ar vammenn]

E arouez grafek e latin a zo ¥. E japaneg e skriver 円 a zo ur stumm eunaet eus an doare-skrivañ kozh 圓. 円 a vez distaget « en » e japaneg (/en/). Ar skrivadur « yen » a zeu eus romanekadur an doare-skrivañ kozh sinaat-ha-japanat ne zalc'h ket kont eus emdroadur an distagadur. « En » e japaneg a dalv kement a « kelc'h » — evel e sinaeg yuan pe e koreeg won, ur gerdarzh heñvel ganto eta.

Pezhioù moneiz[kemmañ | kemmañ ar vammenn]

1 yen
5 yen
10 yen

50 yen
100 yen
500 yen

Bilhedoù[kemmañ | kemmañ ar vammenn]

bilhedoù kozh 100, 500, 1000 ha 5000 yen (tu mat)

bilhedoù kozh 100, 500, 1000 ha 5000 yen (tu gin)

Seizh seurt bilhedoù a vez graet ganto hiriv an deiz (2006), gant un dalvoudegezh a 1 000, 2 000, 5 000 ha 10 000 yen. Ar bilhedoù 100 ha 500 yen n'int ket anezho ken.

Tri eus ar seizh-mañ a oa roet o mon ganto adalek ar 1añ a viz Du 1984 :

- ar bilhedoù 1 000 yen, skeudenn a reont ar skrivagner Sōseki Natsume (1816-1867),
- ar bilhedoù 5 000 yen, skeudenn a reont Inazo Nitobe (1862-1933),
- ar bilhedoù 10 000 yen, skeudenn a reont Yukichi Fukuzawa (1835-1901).

Ar bilhedoù 2 000 yen ne vez ket kavet kement anezho dre e oant lakaet er-maez diwezatoc'h, d'an 19 a viz Gouere 2000.

Bilhedoù nevez 1 000, 5 000 ha 10 000 a oa lakaet e-barzh d'ar 1añ a viz Du 2004, 20 vloaz goude ar re all eta, evit klokaat reizhiad surentez ar bilhed nevez 2 000 yen :

- ar bilhedoù 1 000 yen a skeudenn ar mezeg Noguchi Hideyo (1876-1928)
- ar bilhedoù 5 000 yen a skeudenn ar skrivagnerez Ichiyo Higuchi (1872-1896)
- ar bilhedoù 10 000 yen a skeudenn c'hoazh Yukichi Fukuzawa (1835-1901). Cheñchet eo bet tresadenn an tu mat avat, n'eo ket ur fazan ken met ur feniks, tennet eus templ Byōdō-in (平等院) e Kyōto, ar memes hini a zo war ar pezhioù 10 yen.