Post longa procedo, kun tri kandidatiĝoj, unu retiriĝo kaj multaj diskutoj, ni ĝojas nun anonci al vi, kie okazos la 80a Internacia Junulara Kongreso de TEJO (IJK). Vere malfacilis elekti inter Litovio kaj Tanzanio, ĉar ambaŭ prezentis taŭgan kongresejon kun unikaj avantaĝoj; en Aruŝo en Tanzanio eblus kongresi en neniam antaŭe vizitita regiono, kunlabori kun UEA, kaj vidi nekredeblan naturon; aliflanke en Ŝventojo eblus esti geja. Tial ni tre fieras, ke ni sukcesis trovi kompromison, kiu donas la avantaĝojn de ambaŭ eblecoj.
Restas nur kelkaj semajnoj (precize 120 tagoj) ĝis la 108a Universala Kongreso de Esperanto, la plej granda kunveno de Esperantistoj el la tuta mondo, kiu okazos ĉi-jare en la bela itala urbo Torino. La kongreso okazos de la 29a de julio ĝis la 5a de aŭgusto 2023 kaj ties ĉeftemo estas “Enmigrado kaj kunfluo de homaj valoroj”. Jam preskaŭ 900 homoj el 55 landoj aliĝis – kaj ĝuste nun estas la plej bona tempo aliĝi, se vi ankoraŭ ne faris – ĉar la 31an de marto finiĝos la dua, malplikosta aliĝperiodo. Por aliĝi bv. iri al la koncerna paĝo: 
Lastatempe venis la decido de la Eŭropa Komisiono pri nia kandidatiĝo por la administra subvencio (sub la fonduso Erasmus+). Rilate tion, kun granda plezuro mi informas vin, ke ni ricevis trijaran kadran akreditiĝon, kiu permesas al ni kandidatiĝi por la administraj subvencioj de 2023 ĝis 2025, kaj ke nia subvencipeto por 2023 estas aprobita kun la aljuĝita sumo de 125.000€ elspezebla dum unujara periodo. Efektive, tiu sumo estas multe pli alta ol kion la organizo antaŭe petadis kaj lasos nin en eĉ pli bona financa pozicio ol kie ni estis en la sama periodo de 2022.
La 76a sesio de la Internacia Kongresa Universitato (IKU) kune kun la ligita Scienca Kafejo (SK) okazontaj dum la UK en Torino ofertos pli ol 20 prelegojn, preskaŭ same kiel la rekorda IKU en Lillo. Kiel en Montrealo, ankaŭ la IKU- kaj SK-prelegoj en Torino estos hibridaj kaj registritaj.
Antaŭ 120 jaroj, la 23an de marto 1903 naskiĝis Antanas Poška (1903-1913-1992), litovia kaj sovetunia antropologo, arkeologo, vojaĝanto, ĵurnalisto kaj esperantisto; li realigis siajn vojaĝojn per Esperanto, parolis en Esperanto-programoj de Litovia Radio (Kaŭno), estis prezidanto de Litova Esperanto-Asocio antaŭ ties likvido en 1940, prezidanto de la Vilna Esperanto-klubo en la 1960aj jaroj.
La 21an de marto, okaze de la Monda Tago de Poezio en pluraj landoj oni diversmaniere omaĝas sialandajn kaj sialingvajn poetojn. Ankaŭ ni en Esperantujo fieras pri niaj poetoj. Kaj inter ili aparte elstaras Kálmán Kalocsay (1891-1976), kiu laŭ William Auld, «… kvazaŭ mem ellaboris la tutan “tradician poezion” en Esperanto … Sonetoj ekzistis en Esperanto antaŭ Kalocsay, sed li konsekvence kaj konvinke montris la plenan eblecon de la formo; li enkondukis la rondelon kaj la baladon; li la unua montris la belon kaj virtuozecon de la terza rima. Dank’ al li, oni povas diri, ke jam en 1931 (Streĉita kordo kaj Rimportretoj) la esperanta poezio estis teĥnike egala al ĉiuj naci-lingvaj. Ĉio estis ne nur ebla, sed pruvite ebla».
La 2-5an de novembro 2023 en Fortalezo (Brazilo) samtempe okazos kvar kongresoj: 10a Tutamerika Kongreso de Esperanto, 57a Brazila Kongreso de Esperanto, 41a Brazila Esperantista Junulara Kongreso, 8a Cearaa Kongreso de Esperanto. La kongresa temo estas “Homaj rajtoj, solidareco kaj memdetermino de popoloj”.
