Concepto

Un concepto ye una representación cheneral y abstracta d'a realidat d'un obchecto u d'una situación. No ye un sinonimo exacto de noción car ye més abstracto. Concepto vién d'o participio pasato latín conceptus d'o verbo concipere, que significa « contener qualquecosa de tot », « formar-se ell mesmo ». O concepto se distingue doncas tamién d'a cosa representata por este concepto, d'a palabra, d'a noción, u d'o enunciato verbal, que ye o significant d'este concepto mental.

Os diferents filosofos no sont necesariament d'acuerdo sobre que ye exactament un concepto, més allá d'a definición cheneral, ecara que se puede dibuixar ciertas linias centrals. Asinas, un concepto ye a sobén una ideya cheneral (o concepto de can aplega a totz os cans existents u posibles), pero no necesariament (en Leibniz, a noción completa expresa a substancia individual y no li corresponde en exclusiva. Tamién un nombre propio puet ser considerato, seguntes ciertas teorías filosoficas, como expresión d'o concepto d'individuo).

En idioma aragonés a palabra concepto ye un cultismo a l'egual que concepción. Una palabra patrimonial que se remonta a lo mesmo orichen ye concieto, con un significato diferent de tot.