en historio
dum marto: 50, 100 e 200 yari ante nun …
18 di marto 1973. Kometo Kohoutek deskovresis. La kometo esis nomizata por la deskovrinto, Cheka astronomo Luboš Kohoutek. Ol atingis perihelio ye 28 di decembro di ta yaro. Astronomi supozis ke ol venis de la Oort-nubo, ye la fora extremajo di la sunala sistemo, e ke, esante olua unesma vizito a la interna sunala sistemo, ol produktus multa lumo kande ol proximeskus la suno. Tamen, quankam ol esis videbla sen teleskopo, ol deceptive ne produktis multa lumo; astronomi supozas ke ol venis de la Kuiper-zono, ye simila disto kun la fora planeti.
22 di marto 1923. En Strasbourg, la aktoro e mimisto Marcel Marceau naskis. Il studiis ye skolo di dramato en Paris, e pose esis membro di la kompanio di Jean-Louis Barrault, ube il komencis kariero kom mimisto. En 1947, ye la Théâtre de Poche en Paris, il kreis la karaktero Bip, klauno portanta striizita jerzeo e domajita silka chapelo, kostumo signifikanta la frajileso di la vivo. Il pleis sua mimado, quan il nomizis "l'arto di silenco", en Usa en la 1950-yardeko, e pose en multa loki en la mondo. Il anke aparis en kelka filmi.
19 di marto 1823. Agustín de Iturbide abdikis kom Imperiestro di Mexikia. Il esis generalo, e kreis politikala e militara koalisuro qua dominacis México en septembro 1821. Mexikia ganis ne-dependeso de Hispania; il proklamesis kom Imperiestro, e regnis de 19 mayo 1822. Republikani ne esis kontenta pri Iturbide kom Imperiestro, e republikani en la Kongreso refuzis preparar konstituceso di Mexikia qua havis rolo por imperiestro. Pos la abdiko, Iturbide exilesis en Europa. Ula politikisti en Mexikia konvinkis il ke il devas retrovenar; ma ye ilua retroveno en julio 1824, il arestesis ed exekutesis.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|