Boalache

Lo boalache ye un tributo que los ganaders pagaban por los suyos bueis. Los infanzons en yeran exentos de lo pago.

En bells casos ye sinonimo de boyalar, como podemos veyer en textos escritos en aragonés d'as comunidatz aragonesas:

Que como ella haya un heredamiento el qual es clamado el Puerto Cansadon, termino de la Puebla de Sancta Maria de Val Verde, aldea de Teruel, el qual caye al vent del boalage et deffesa del conceio de la dita aldea, assin que si su ganado con el qual laura el dicho heredamiento hoviese a ir al boalaie de la dicha aldea le tornaria a grant danyo et confusion el menoscabo d'ela e de su ganado et encara...

En la toponimia de la provincia de Teruel se troba actualment Bolage u Boalage como microtoponimo en puestos referius a antigos boyalars: Boalaje del Majo (Mosqueruela), Bolage (Albentosa), El Bolage (Cedriellas, Mosqueruela, Olba, Villel). Este tipo de formacions toponimicas plega dica las comarcas churras: El Bolaje (Exerica); y la provincia de Zaragoza: Alto del Bolage (Arandiga), Barranco el Bolage (Morés)

Iste articlo ye un borrador. Enamplando-lo aduyarás a amillorar a Biquipedia.