2023

Die jaar 2023 is die huidige jaar, en 'n gewone jaar wat volgens die Gregoriaanse kalender op 'n Sondag begin het. Dit is die 23ste jaar van die 21ste eeu n.C.. Soos ander gewone jare het die jaar 12 maande, 52 weke en 365 dae.

Gebeure

• Slowenië is van voorneme om sy enigste kernreaktor af te skakel.
• Die "Compact of Free Association" tussen die Verenigde State van Amerika, die Gefedereerde State van Mikronesië en die Marshalleilande verval.
• Die Volksrepubliek China sal die Sowjetunie as staat met die langsdienende kommunistiese regering aflos. Die Sowjetunie het 74 jaar, vanaf 1917 tot 1991 bestaan, en die Volksrepubliek is in 1949 gestig.

• 1 Januarie – Swede neem die voorsitterskap van die Europese Unie by Tsjeggië oor.
• 1 Januarie – Kroasië skakel na die euro oor en word die 20ste land in die Eurosone.
• 1 Januarie – Luiz Inácio Lula da Silva word opnuut president van Brasilië.
• 25 Januarie – Chris Hipkins het Jacinda Ardern as eerste minister van Nieu-Seeland opgevolg.
• 4 Februarie – Die Amerikaanse Lugmag het 'n Chinese waarnemingsballon oor Amerikaanse gebiedswaters langs die kus van Suid-Carolina afgeskiet.
• 6 Februarie – Aardbewings van 7,8 en 7,5 op die Richterskaal saai verwoesting in Suid-Turkye en Noordwes-Sirië (episentrums onderskeidelik in Gaziantep en Elbistan).
• 15 Maart – Verkiesings vir die Nederlandse Provinsiale State.
• 4 April – In reaksie op die Russiese inval in Oekraïne in 2022 sluit Finland as 31ste lidland by die Noord-Atlantiese Verdragsorganisasie aan.
• 13 April – Lede van die FBI arresteer Jack Teixeira in Dighton, op aanklagte van een van die mees omvattende openbaarmaking van geklassifiseerde Pentagon dokumente in jare.
• 18 Mei – Hemelvaartsdag.
• 30 Mei – Verkiesings vir die Nederlandse Eerste Kamer deur die Provinsiale State.
• 8 September–28 Oktober – Die 10de Rugbywêreldbeker word in Frankryk aangebied.
• 5 Oktober–19 November – Die 13de Krieketwêreldbeker word in Indië aangebied.

2023 in fiksie

• Die hoofspeler uit die film Click (2006), Michael Newman (gespeel deur Adam Sandler) word na die jaar 2023 verplaas nadat hy met sy afstandbeheerder speel.

Sterftes

• 3 Januarie – Walter Cunningham, Amerikaanse ruimtevaarder (* 1932).
• 5 Januarie – Earl Boen, Amerikaanse akteur (* 1941).
• 8 Januarie – Adriaan Vlok, Suid-Afrikaanse politikus en apartheidkabinetsminister (* 1937).
• 9 Januarie – Melinda Dillon, Amerikaanse aktrise (* 1939).
• 10 Januarie – Jeff Beck, Britse musikant (* 1944).
• 10 Januarie – Konstantyn II, koning van Griekeland van 1964 tot 1974 (* 1940).
• 11 Januarie – Carole Cook, Amerikaanse aktrise (* 1924).
• 12 Januarie – Gerrie Coetzee, Suid-Afrikaanse bokser en wêreldswaargewigbokskampioen (* 1955).
• 12 Januarie – Frene Ginwala, Suid-Afrikaanse joernalis en politikus (oudspeaker van die Nasionale Vergadering) (* 1932).
• 12 Januarie – Piet de Jager, Afrikaanse regsgeleerde, wat veral bekendheid verwerf as rolprentmaker en digter (* 1953).
• 13 Januarie – Christo Viljoen, Suid-Afrikaanse ingenieur en akademikus (* 1937).
• 16 Januarie – Gina Lollobrigida, Italiaanse aktrise en fotojoernalis (* 1927).
• 17 Januarie – Sandra Seacat, Amerikaanse aktrise en leermeesteres (* 1936).
• 30 Januarie – Cindy Williams, Amerikaanse aktrise en vervaardiger (* 1947).
• 7 Februarie – Louis van Niekerk, Afrikaanse verhoog-, rolprent- en TV-akteur en ’n teaterregisseur (* 1935).
• 8 Februarie – Burt Bacharach, Amerikaanse komponis en liedjieskrywer (* 1928).
• 10 Februarie – Kiernan Jordan Forbes (AKA), Suid-Afrikaanse musiekkunstenaar en kletsrymer (* 1988).
• 15 Februarie – Raquel Welch, Amerikaanse aktrise en vervaardiger (* 1940).
• 19 Februarie – Jansen Panettiere, Amerikaanse akteur (* 1994).
• 3 Maart – Tom Sizemore, Amerikaanse akteur (* 1961).
• 5 Maart – Pedro Filho, Brasiliaanse reeksmoordenaar (* 1954).
• 5 Maart – Mark Pilgrim, Suid-Afrikaanse mediapersoonlikheid (* 1969).
• 9 Maart – Robert Blake, Amerikaanse akteur (* 1933).
• 10 Maart – Stephanie Kemp, Suid-Afrikaanse anti-apartheidsaktivis (* 1941).
• 14 Maart – Gloria Bosman, Suid-Afrikaanse sangeres (* 1973).
• 23 Maart – Marion Game, Franse aktrise (* 1938).
• 24 Maart – Gordon Moore, Amerikaanse sakeman en mede-stigter van Intel (* 1929).
• 5 April – Ian McIntosh, voormalige Zimbabwies-Suid-Afrikaanse rugbyafrigter (* 1938).
• 7 April – Ben Ferencz, 'n Amerikaanse aanklaer by die Neurenberg-verhore (* 1920).
• 11 April – Carol Locatell, Amerikaanse aktrise (* 1940).