Գրյուներ Զի (գերմ.՝ Grüner See, կանաչ լիճ), լիճ, որը գտնվում է Ավստրիայի դաշնային պետությունում՝ Շտիրիա շրջանի Տրագյոսգյուղում։ Շրջապատված է Խոխշվաբլեռներով և անտառներով[1]։ «Գրյուներ Զի» անվանումը առաջացել է լճի ջրիզմրուխտյա կանաչ գույնից[1]։ Մաքուր և թափանցիկ ջուրը կարստե լեռների ձնհալի արդյունք է, այն ունի 6-7 °Cջերմաստիճան[1]։ Ձմռանը ջրի խորությունը կազմում է 1-2 մետր, իսկ լճիը շրջապատող տարածքը օգտագործվում է որպես շրջապատող այգի[2]։ Այնուամենայնիվ ամռանը, երբ ջերմաստիճանը բարձրանում է և ձյունը սկսում է հալել լճի լողավազանը լցվում է ջրով[2]։ Գրյուներ Զին հասնում է իր մաքսիմում խորությանը մայիսի, հունիսամիսներին (մոտավորապես 12 մետր), հաստատվել է, որ այն ամենագեղեցիկ տեսքն ունի այս ժամանակահատվածում[1]։ Հուլիսին ջուրը սկսում է նահաջել[2]։ Լճում պահպանվում են ֆաունայի տարբեր տեսակներ՝ խխունջներ, խեցգետիններ, ոչ մեծ ծովախեցգետիններ, ճանճիթրթուռ և կարմրախայտի զանազան տեսակներ[1]։ Բուսականությունը (ֆլորան) հարուստ չէ, քանի որ լճի հատակը քարքարոտ է[1]։ Բացի այդ լճի խորությունը փոփոխական է, ինչը պայմանավորված է ջրի ներհոսքով, որն առաջանում է ձնհալքի պատճառով[1]։ Լիճը հանրաճանաչ է սուզորդների շրջանում, որոնք սուզվելիս զննում են Գրյուներ Զին շրջապատող կանաչ մարգագետինը, հատկապես հունիսին, երբ լիճը հասնում է իր մաքսիմում խորությանը[1][2]։ Այդ ժամանակ ջրի տակ են գտնվում կամուրջը և զբոսայգու նստարանը[1]։
Bretschko G (1966)։ «Der Grüne See bei Tragöß, Steiermark. Ein Beitrag zur Karstlimnologie»։ Internationale Revue der gesamten Hydrobiologie und Hydrographie (German) 51 (5): 699–726։ doi:10.1002/iroh.19660510503