7. júlí

7. júlí er 188. dagur ársins (189. á hlaupári) samkvæmt gregoríska tímatalinu. 177 dagar eru eftir af árinu.

Atburðir

• 1162 - Sjóorrusta við eyna Sekk í Noregi milli manna Hákonar herðabreiðs Noregskonungs og Erlings skakka. Hákon féll í orrustunni.
• 1211 - Suðurlandsskjálfti reið yfir á Íslandi. Margir bæir hrundu og 18 manns fórust.
• 1307 - Játvarður 2. varð konungur Englands.
• 1456 - Dómstóll skipaður af Kalixtusi 3. páfa felldi dóminn yfir Jóhönnu af Örk úr gildi og lýsti hana saklausa.
• 1578 - Háskólinn í Vilníus, elsti háskóli í Eystrasaltslöndunum, var stofnaður.
• 1637 - Hornsteinn var lagður að Sívalaturni í Kaupmannahöfn.
• 1874 - Á Akureyri var vígður fyrsti spítali bæjarins, Gudmanns Minde, sem var til húsa í Aðalstræti 14. Það er elsta tvílyfta íbúðarhús á Íslandi, reist 1836.
• 1915 - Konur á Íslandi fögnuðu nýfengnum kosningarétti sínum með hátíðarfundi á Austurvelli. Sama dag stofnuðu þær Landspítalasjóð Íslands.
• 1922 - Lúðrasveit Reykjavíkur var stofnuð upp úr lúðrafélögunum Hörpu og Gígju og er hún elsta starfandi lúðrasveit á Íslandi.
• 1941 - Bandaríkjaher kom til landsins og tók við vörnum þess af Bretum. Síðustu hermennirnir fóru héðan í apríl 1947.
• 1966 - U Thant, aðalritari Sameinuðu þjóðanna kom í tveggja daga heimsókn til Íslands.
• 1974 - Kútter Sigurfari var settur á byggðasafnið í Görðum á Akranesi.
• 1974 - Vestur-Þýskaland vann heimsmeistarakeppnina í knattspyrnu þegar lið landsins sigraði Hollendinga 2-1.
• 1978 - Salómonseyjar fengu sjálfstæði frá Bretlandi.
• 1981 - Sandra Day O'Connor var skipuð dómari við hæstarétt Bandaríkjanna fyrst kvenna.
• 1983 - Ray Charles skemmti á Broadway ásamt 25 manna hljómsveit.
• 1984 - Langanesganga var haldin til að mótmæla byggingu ratsjárstöðvar Bandaríkjahers.
• 1990 - Fyrstu tónleikar Tenóranna þriggja voru haldnir í Böðum Caracalla í Róm.
• 1991 - Tíu daga stríðinu í Slóveníu lauk með Brioni-samkomulaginu.
• 1999 - Hicham El Guerrouj setti heimsmet í míluhlaupi í Róm.

• 2001 - Uppþotin í Bradford hófust eftir að félagar í National Front stungu mann af asískum uppruna utan við krá í Bradford.
• 2004 - Síðasta einkaleyfið á Lempel-Ziv-Welch-samþjöppunaralgríminu rann út.
• 2005 - Hryðjuverkin 7. júlí 2005: Fjórar sjálfsmorðssprengjuárásir urðu 56 manns að bana í London.
• 2007 - Heimsmet var slegið í vatnsbyssuslag á Landsmóti UMFÍ í Kópavogi. Fyrir þessu stóðu SPK og útvarpsstöðin FM957.
• 2007 - Live Earth-tónleikar voru haldnir í 9 borgum um allan heim til að vekja athygli á umhverfismálum.
• 2007 - Svissneska félagið New Open World Corporation kynnti „Sjö nýju undur veraldar“: Kínamúrinn, Petru í Jórdan, Cristo Redentor í Brasilíu, Machu Picchu, Chichen Itza, Colosseum í Róm og Taj Mahal á Indlandi.
• 2008 - Fundur átta helstu iðnríkja heims hófst á Hokkaídó í Japan.
• 2012 - Fyrstu frjálsu þingkosningarnar í Líbýu áttu sér stað.
• 2017 - Samningur um bann við kjarnavopnum var samþykktur af 122 ríkjum.
• 2021 - Jovenel Moïse, forseti Haítí, var myrtur á heimili sínu.

Fædd

• 1753 - Jean-Pierre Blanchard, franskur uppfinningamaður (f. 1809).
• 1817 - Christen Andreas Fonnesbech, danskur forsætisráðherra (d. 1880).
• 1860 - Gustav Mahler, austurrískt tónskáld (d. 1911).
• 1887 - Marc Chagall, rússneskur málari (d. 1985).
• 1896 - Katrín Thoroddsen, læknir og alþingiskona (d. 1970).
• 1901 - Vittorio De Sica, ítalskur kvikmyndaleikstjóri (d. 1974).
• 1907 - Robert A. Heinlein, bandarískur rithöfundur (d. 1988).
• 1924 - Benedikt Gröndal, stjórnmálamaður, forsætisráðherra Íslands (d. 2010).
• 1929 - Margrét Guðnadóttir, íslenskur læknir og prófessor við Háskóla Íslands (d. 2018).
• 1930 - Tadao Kobayashi, japanskur knattspyrnumaður.
• 1940 - Ringo Starr, breskur tónlistarmaður.
• 1946 - Joe Spano, bandarískur leikari.
• 1949 - Shelley Duvall, bandarísk leikkona.
• 1951 - Shigemi Ishii, japanskur knattspyrnumaður.
• 1959 - Billy Campbell, bandarískur leikari.
• 1968 - Jorja Fox, bandarísk leikkona.
• 1968 - Danny Jacobs, bandarískur leikari.
• 1969 - Joe Sakic, kanadískur fyrrum íshokkíleikmaður.
• 1969 - Shiro Kikuhara, japanskur knattspyrnumaður.
• 1972 - Kirsten Vangsness, bandarísk leikkona.
• 1976 - Þórlindur Kjartansson, íslenskur stjórnmálamaður.
• 1984 - Sigurður Arent Jónsson, listamaður.

Dáin

• 1145 - Ketill Þorsteinsson, Hólabiskup (f. 1075).
• 1162 - Hákon herðabreiður, Noregskonungur.
• 1304 - Benedikt 11. páfi (f. 1240).
• 1307 - Játvarður 1. Englandskonungur (f. 1239).
• 1770 - Högni Sigurðsson prestafaðir, íslenskur prestur (f. 1693).
• 1901 - Johanna Spyri, svissneskur rithöfundur (f. 1827).
• 1930 - Arthur Conan Doyle, skoskur rithöfundur (f. 1859).
• 1944 - Emil Thoroddsen, íslenskt tónskáld (f. 1898).
• 1965 - Moshe Sharett, forsætisráðherra Ísraels (f. 1894).
• 1967 - Vivien Leigh, bresk leikkona (f. 1913).
• 1973 - Veronica Lake, bandarísk leikkona (f. 1922).
• 1977 - Jakobína Johnson, vesturíslensk skáldkona (f. 1893).
• 2006 - Syd Barrett, breskur tónlistarmaður og einn stofnenda Pink Floyd (f. 1946).
• 2014 - Eduard Shevardnadze, forseti Georgíu (f. 1928).
• 2014 - Alfredo Di Stéfano, argentínsk-spænskur knattspyrnumaður (f. 1926).
• 2017 - Guðni Baldursson, íslenskur aktívisti (f. 1950).
• 2021 - Jovenel Moïse, forseti Haítí (f. 1968).