en historio
dum februaro 50, 100 e 150 yari ante nun …
19 di februaro 1973. En Luzern, Suisia, la violinisto Joseph Szigeti mortis. Naskinte, kom Joseph Singer, en Budapest en 1892, il rezidis de frua evo en Sighetu Marmației, de ube il recevis sua nomo. Evante 11 yari, il studiis la violino kun Jenő Hubay ye la Akademio Franz Liszt en Budapest. Ilua koncertala kariero komencis en 1905 en Berlin, ed il pose koncertis en diversa loki en Europa. De 1917 til 1925 il esis profesoro di la violino ye la Konservatorio di Genève. Il pose aparis multafoye en Europa, Usa ed Azia. En 1960 il retretis de publika pleadi; rezidante en Suisia, il devotigis su a docado.
9 di februaro 1923. En Australia, Billy Hughes demisionis pos sep yari kom chefministro. Naskinte en London en 1862, il migris evante 22 yari ad Australia, ed en 1894 il elektesis, kom membro di la Labor-partiso, a la legifala asembluro di New South Wales. En 1901 il elektesis a l'unesma federala parlamento, e divenis membro di l'administraro en 1904. Il sucedis Andrew Fisher kom chefministro en oktobro 1915. Pro disputo inter la Labor-partiso pri konskriptado dum la milito, il livis la partiso e divenis chefo di la nova Nacionala partiso. Ye la federala elekto di decembro 1922, la partiso perdis olua majoritato, e koalisis kun la Country-partiso, qua postulis la demisiono di Hughes.
25 di februaro 1873. En Napoli, Italia, la kantisto Enrico Caruso naskis. De 1895 il aparis en operi en diversa teatri en Italia. En 1900 il ganis kontrato kun opero-domo La Scala, en Milano, ed ibe debutis kom Rodolfo en La bohème da Giacomo Puccini. En 1902 ilu registragis kansoni por gramofono; la diski esis populara, e to augmentis la famo di Caruso. Il unesmafoye aparis en Metropolitan Opera en New York en 1903, ed il pose ofte aparis en Usa. En 1918 il mariajis kun Dorothy Park Benjamin, de richa familio di New York. Il mortis ye 2 di agosto 1921 pos sufrinta dum plura monati pro grava maladesi.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|