1963

1963 сыл.

Туох буолбута

Тохсунньу

• Тохсунньу 18 — ССРС Киин тэлэбиидэнньэтин Оҕолорго аналлаах сүрүн эрэдээксийэтэ олохтоммут (Арассыыйаҕа оҕо тэлэбиидэнньэтин төрөөбүт күнүнэн ааҕыллар).
• Тохсунньу 19 — «Битлз» бөлөх Британияҕа улахан сэҥээриини ылбыт бастакы кэнсиэрэ Лондоҥҥа «Палладиум» эстрада тыйаатырыгар буолбут. Бөлөх 1957 сыллаахха төрүттэммитэ. Бу кэнсиэри биир сыл буолан баран АХШ тэлэбиидэнньэтэ көрдөрбүтэ, ол кэнниттэн аан дойдуга битломания саҕаламмыта.
• Тохсунньу 22 — Хас эмэ үйэ тухары өстөспүт Франция уонна Германия Елисейдээҕи бииргэ үлэлээһин туһунан дуогабар түһэрсибиттэр. Дуогабарга Франция бэрэсидьиэнэ Шарль де Голль уонна Арҕаа Германия канцлера Конрад Аденауэр илиилэрин баттаабыттар.

Кулун тутар

• Кулун тутар 8 — Кытай Арассыыйаны кытта 1858 сыллаахха түһэрсиллибит Айгуннааҕы сөбүлэҥи тохтоторун биллэрбит, сирдэрин төттөрү көрдөөбүт.

Алтынньы

• Алтынньы 8 — Саха телевидениетэ тиһигэ быстыбакка эфиргэ тахсыытын саҕалаабыт. Дьокуускайга телецентр тутарга диэн быһаарыы ылыллыбытын кэннэ 4 сылынан телевидение үлэтин саҕалаабыт.

Сэтинньи

• Сэтинньи 1 — Пуэрто-Рикоҕа аарыма улахан 304,8 м диаметрдаах Аресибо радиотелескоп үлэтин саҕалаабыт. 2016 сыллаахха Кытайга 500 м диаметрдаах FAST радиотелескоп тутуллуор дылы аан дойдуга саамай улахан этэ.
• Сэтинньи 23 — Британияҕа саамай өр салҕанар билим фантастикатын сериала «Доктор Кто» бастакы сиэрийэтэ көстүбүт.

Төрөөбүттэр

• Олунньу 7 — Тимофеев Ньургун Семенович, политик, 2005 - 2008 сылларга Ил Түмэн бэрэссэдээтэлэ.
• Муус устар 1 — Хатылаева Клавдия Филипповна — саха ырыаһыта.
• Ыам ыйын 8 — Потапова Елизавета Федотовна — П. А. Ойуунускай аатынан Саха академическай театрын артыыһа, театр уонна киинэ артыыһа.
• Ыам ыйын 30 — Жиркова Римма Романовна — саха түөлбэ тылларын үөрэппит диалектолог учуонай, филология билимин кандидата, хомусчут,
• Ыам ыйын 30 — Игорь Александрович Фролов — Саха сиригэр төрөөбүт суруйааччы.
• Бэс ыйын 8 — Игнатьева Ванда Борисовна — история билимин кандидата.
• Алтынньы 12 — Спиридонова Инна Егоровна — Саха сирин омуктарын сыһыаннаһыыларын чинчийэр социология билимин хандьыдаата.
• Алтынньы 12 — Сатоси Кон — анимацияҕа үлэлээбит дьоппуон режиссера.
• Алтынньы 18 — Афанасьев Афанасий Дмитриевич - СӨ үтүөлээх артыыһа.
• Сэтинньи 1 — Оглезнева Татьяна Николаевна — история билимин кандидата.
• Ахсынньы 3 — Артемьев Дмитрий Егорович - үҥкүүһүт, СӨ үтүөлээх артыыһа.
• Ахсынньы 4 — Сергей Бубка — Украина ураҕаһынан ыстанааччыта. Бубка алта сыл устата Аан дойду чемпионаттарын кыайбыта, Олимпиадаҕа кыһыл көмүс мэтээли ылбыта уонна ураҕаһынан ыстаныыга 35 аан дойду рекордун олохтообута.
• Ахсынньы 9 — Масако (төрүүрүгэр аата Масако Овада) — 2019 сылтан Дьоппуон ыраахтааҕыта.

• Ахсынньы 18 — Брэд Питт — Америка киинэ артыыһа, «Оскар» бириэмийэ икки төгүллээх лауреата.

Өлбүттэр

• Семенов Платон Саввич (1875—1963) — олоҥхоһут