2022թ․ հունվարի 1-ից դեկտեմբերի 31-ը Razm.info մասնագիտացված կայքին հայտնի է դարձել Ադրբեջանի զինված ուժերի և հարակից ուժային կառույցների առնվազն 149 կորստի մասին, որոնցից առնվազն 81-ը սպանվել է սեպտեմբերի 13-14-ին ՀՀ վրա հարձակման ժամանակ։
[ԹԱՐՄԱՑՈւՄ] Սեպտեմբերյան մարտերից դուրս մեզ հայտնի 68 կորստից մարտական են 4-ը։ Նրանցից երկուսի մահվան պատճառ է նշվում հայկական կողմի կրակը, մյուս երկուսինը՝ ականի պայթյունը։ Կորուստներից առնվազն 30-ը պայմանագրային զինծառայողներ են, այդ թվում՝ պահեստազորի 1 գնդապետ և 4 փոխգնդապետ։ [ԹԱՐՄԱՑՈւՄ]
Ադրբեջանի ուժային կառույցներում գրանցված ինքնասպանությունների հայտնի թիվը 20 է, որը բավական բարձր է նախորդ տարիներին հայտնի դարձած ցուցանիշներից (համեմատության համար. 2021թ․ գրանցվել է ինքնասպանության 9, 2020թ․՝ 5 դեպք)։ Covid-19-ից մահացել է 1 մայոր։
[ԹԱՐՄԱՑՈւՄ] Մեր հայտնաբերած 149 կորստից Ադրբեջանը պաշտոնապես հայտարարել է միայն 142-ի մասին, իսկ մնացածների մասին տեղեկացել ենք ադրբեջանական ընդդիմադիր լրատվակայքերից, սոցցանցերից։ [ԹԱՐՄԱՑՈւՄ]
Ադրբեջանի ԶՈւ 2022թ. կորուստները՝ ըստ Ռազմինֆոյի (ներառյալ սեպտեմբերյան պատերազմի կորուստները).
| Ամիս | Մարտական | Ոչ մարտական | Անհայտ |
| Հունվար | 1 | 9 | – |
| Փետրվար | – | 1 | – |
| Մարտ | – | 2 | – |
| Ապրիլ | – | – | – |
| Մայիս | – | 4 | – |
| Հունիս | – | 10 | – |
| Հուլիս | – | 6 | – |
| Օգոստոս | 2 | 8 | – |
| Սեպտեմբեր | 81 | 3 | – |
| Հոկտեմբեր | – | 5 | – |
| Նոյեմբեր | – | 7 | – |
| Դեկտեմբեր | 1 | 9 | – |
| Ընդհանուր | 85 | 64 | – |
2022թ․ Ադրբեջանի ուժայինների կորուստների անվանացանկը՝ այստեղ։
Հարկ է նշել, որ Ադրբեջանը հետևողականորեն թաքցնում է իր կորուստները (հատկապես 2014թ․ օգոստոսյան մարտերից հետո), դրանց մի մասը բացահայտվում են ամիսներ կամ նույնիսկ տարիներ անց (օրինակ)։ Ամենայն հավանականությամբ կան կորուստներ, որոնք հայտնի չեն Ռազմինֆոյին։
Հավելենք, որ 2021 թվականին Ռազմինֆոյին հայտնի է դարձել Ադրբեջանի զինված ուժերի և հարակից ուժային կառույցների առնվազն 78 կորստի մասին։