en historio
dum januaro 50, 100 e 200 yari ante nun …
8 di januaro 1973. Luna 21, kosmosondilo di Soviet-Uniono, lansesis. Ol portis veturo, Lunohod 2, por explorar la surfaco di la luno; ol esis plubonigita versiono di Lunohod 1, portita a la luno per Luna 17 en 1970. Luna 21 dolce arivis sur la luno ye 15 di januaro, e, pos kelka hori, Lunohod 2 komencis explorar. Ol voyajis dum la lunala jorni, dum qua periodi la sunala paneli fortigis la baterii. La veturo prenis cirkume 80.000 televiziono-imajo ed 86 panoramala imaji, ante ke ol cesis funcionar ye 9 di mayo. Ol kovris cirkume 37 km.
11 di januaro 1923. En Palermo, Sicilia, rejulo Konstantinos la 1ma di Grekia mortis. Il naskis en Athina en 1868, unesma filiulo di rejulo Georgios la 1ma e rejino Olga; il esis la unesma membro di la rejala familio naskinta en Grekia. Il sucedis a la trono ye la morto di sua patro en 1913. Ye la komenco di la unesma mondomilio, pri qua Konstantinos volis ke Grekia esez neutra, il konfrontesis da la chefministro Eleftherios Venizelos; en 1917 il ed ilua unesma filiulo Georgios livis Grekia, ed ilua duesma filiulo Alexandros divenis rejulo. En 1920, pos la morto di Alexandros e la vinkeso di Venizelos en elekto, plebicito en Grekia favoris la retroveno di Konstantinos. Il regnis til 1922 kande, ye la vinkeso di Grekia en milito kontre Turkia, il abdikis e retretis a Palermo.
27 di januaro 1823. En Lille, Francia, la kompozisto Édouard Lalo naskis. Il studiis muziko ye la konservatorio en Lille, e de 1839 studiis en Paris. Il pose esis docisto en Paris e pleanto di violino ed alto. En 1865 il esis mariajata a kantistino Julie Besnier de Maligny; kurajigita da el, il kompozis operi, notinde Le Roi d'Ys, qua fondesis sur la Bretona legendo pri la dronita urbo Ys. Ilua operi ne esis bone recevata da kritikisti, ed il pose kompozis verki por mikra grupo e por orkestro. Ilua maxim sucesoza kompozuro esis Symphonie espagnole por violino ed orkestro, skribita en 1874 por Pablo Sarasate, qua unesmafoye pleis la verko en Paris en 1875.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|