Sodan del Sud

Pels articles omonims, vejatz Sodan (omonimia).

Devisa nacionala: Justícia, libertat, prosperitat
capitala populacion (an)	Juba 250 000 abitants (estimacion 2008)
Superfícia	619 745 km²
Populacion	8 260 490 (2008)
Independéncia - Jorn	(de Sodan) 9 de julhet de 2011
Ora	UTC+3
Còde telefonic	+249

Sud-Sodan o lo Sodan del Sud o oficialament la Republica de Sodan del Sud es un estat d'Africa, independent dempuèi lo 9 de julhet de 2011. Confronta Sodan al nòrd, Etiopia a l'èst, Quenha e Oganda al sud-èst, lo Còngo Oriental al sud-oèst e Centrafrica a l'oèst.

La capitala es Juba.

Lo gentilici es sud-sodanés, -esa.

Es dividit en 10 estats.

Istòria

Article detalhat : Istòria de Sodan.

Fins a l'independéncia dau Sodan dau Sud lo 9 de julhet de 2011, son istòria es liada a aquela de Sodan. Lo país obtenguèt rapidament son adesion ai Nacions Unidas (14 de julhet), a l'Union Africana (27 de julhet), au FMI e la Banca Mondiala (18 d'abriu de 2012). Salva Kiir, lo cap de l'Armada Populara de Liberacion de Sodan, ne'n venguèt president.

Lo 23 de julhet de 2013, una crisi politica opausèt Salva Kiir a son vicepresident, Riek Machar, que foguèt destituit après l'anóncia de seis ambicions presidencialas. Lei tensions entre lei partisans dei dos òmes s'agravèron e lo 15 de decembre, de combats acomencèron entre lei dos camps dins la capitala. Lei fòrças de Salva Kiir ne'n gardèron lo contraròtle e divèrsei caps politics foguèron arrestats. Pasmens, Riek Machar capitèt de s'enfugir. La guèrra civila se generalizèt alora ambé la presa de posicion de diferenteis etnias ò faccions de la guerilha independentista devesidas per de dissensions ancianas en favor d'un dei dos camps. De combats saunós entraïnèron la mòrt de 50 000 personas e lo desplaçament de 1,8 milions de refugiats de decembre de 2013 a junh de 2015.

Economia

De veire Economia de Sud-Sodan