In this article
ಎಚ್ಚರವಹಿಸಿ,ನಿಮ್ಮ ಮಗು ಈಗ ಹೊಸದನ್ನು ಅನ್ವೇಷಿಸುತ್ತದೆ!
ಹ್ಯಾಪಿ ಬರ್ತ್ ಡೇ, ಬೇಬಿ! ಈಗ, ನಿಮ್ಮ ಮಗು ಹೆಚ್ಚು ಸ್ವತಂತ್ರವಾಗಿ, ಹಾಸ್ಯಪ್ರಜ್ಞೆ ಬಳಸುತ್ತದೆ, ಮತ್ತು ಎಲ್ಲಕ್ಕಿಂತ ಹೆಚ್ಚಾಗಿ, ನಿಮ್ಮನ್ನು ಪ್ರೀತಿಸುತ್ತಿರುವುದನ್ನು ಹೇಳಲು ಕಲಿಯುತ್ತದೆ.ನಿಮ್ಮ ಮಗು ಈಗಲೂ ನಿಮ್ಮನ್ನು ಬಿಟ್ಟಿರಲು ಬಯಸುವುದಿಲ್ಲ. ಇದು ಸ್ವಾಭಾವಿಕ. ಗುಡ್ ಬೈಗಳಿಗೆ ಸಾಕಷ್ಟು ಸಮಯವಿರುವಾಗ, ಮಗುವಿಗೆ ಹೊಂದಿಕೊಳ್ಳಲು ಸಮಯ ಬೇಕಾಗುತ್ತದೆ.
ನಿಮ್ಮ ಮಗು ಸರಿಯಾದ ಪದಗಳನ್ನು ಹೇಳಿದಾಗ ಅದ್ಭುತವೆನಿಸುತ್ತದೆ. ಆದರೆ ಪದಗಳನ್ನು ಬಳಸಿ ಮಗು ಏನು ಬಯಸುತ್ತದೆ ಅಥವಾ ಏನು ಅನುಭವವಾಗುತ್ತದೆಂದು ಹೇಳಲು ಸಮರ್ಥವಾಗಿರುವುದಿಲ್ಲ. ಕೆಲವೊಮ್ಮೆ ಮಗು ಶಾರೀರಿಕ ಭಾಷೆ ಬಳಸುತ್ತದೆ. ಮಗು “ಮೇಲೆ” ಎನ್ನಲು ಕೈ ಮೇಲೆತ್ತಬಹುದು ಅಥವಾ “ಅದು ಏನು?” ಎಂದು ಕೇಳಲು ಬೆರಳನ್ನು ತೋರಿಸಬಹುದು.
ಮಗು ಅನೇಕ ವಸ್ತುಗಳಿಗೆ ಒಂದೇ ಪದ ಬಳಸಬಹುದು. ಮಗುವಿನ ಧ್ವನಿಯನ್ನು ಗಮನಿಸಿ. ವಿವಿಧ ಸನ್ನೆಗಳನ್ನು ಬಳಸಿ ವಿವಿಧ ಮಾರ್ಗಗಳಲ್ಲಿ ಒಂದೇ ಪದವನ್ನು ಹೇಳಬಹುದು.
ಮಗು ತನ್ನ ಹೆಬ್ಬೆರಳು ಮತ್ತು ತೋರುಬೆರಳಿನ ನಡುವೆ ಈಗ ಸುಲಭವಾಗಿ ವಸ್ತುಗಳನ್ನು ಹಿಡಿಯಬಲ್ಲದು. ನೆಲದ ಮೇಲಿರುವ ವಸ್ತುಗಳನ್ನೆತ್ತಿ ಬಾಯಿಯಲ್ಲಿ ಹಾಕಿಕೊಳ್ಳಬಹುದು. ಯಾವುದೂ ಅಪಾಯ ಉಂಟುಮಾಡುವ ವಸ್ತು ನೆಲದ ಮೇಲಿಲ್ಲ ಎನ್ನುವುದನ್ನು ಖಚಿತಪಡಿಸಿಕೊಳ್ಳಿ.
ಮಗು ನೀವು ಮಾಡುವ ಪ್ರತಿಯೊಂದು ಕೆಲಸವನ್ನೂ ಗಮನಿಸುತ್ತಿರುತ್ತದೆ. ಮಕ್ಕಳು ದೊಡ್ಡವರನ್ನು ಅದರಲ್ಲೂ ಪೋಷಕರನ್ನು ಅನುಕರಿಸಲು ಬಯಸುತ್ತಾರೆ. ಅವರು ಹೀಗೇ ಕಲಿಯುತ್ತಾರೆ. ಮಗು ನಿಮ್ಮ ಪದಗಳನ್ನು ಮತ್ತು ನಿಮ್ಮ ಭಾಷೆಯ ಶಬ್ದವನ್ನೂ ಅನುಕರಿಸುತ್ತದೆ.
ಮಗುವಿಗೆ ಈಗ ಹೆಚ್ಚು ಹಲ್ಲು ಬಂದಿರುತ್ತದೆ. ಅವುಗಳನ್ನು ಮೃದು ಬ್ರಿಸಲ್ ಇರುವ ಬ್ರಶ್ ಮತ್ತು ಸ್ವಲ್ಪ ಪ್ರಮಾಣದ ಟೂತ್ ಪೇಸ್ಟ್ ನಿಂದ ಸ್ವಚ್ಛಗೊಳಿಸಿ.
ನಿಮ್ಮ ಮುದ್ದು ಮಗುವನ್ನು ನೋಡಿ, ನೀವು ಒಟ್ಟಾಗಿ ಪ್ರಯಾಣಿಸಿದ ದೂರವನ್ನು ನೆನಪಿಸಿಕೊಳ್ಳಿ – ಪುಟ್ಟ ಅಸಹಾಯಕ ನವಜಾತ ಶಿಶುವಿನಿಂದ ಶಕ್ತಿಶಾಲಿ 1 ವರ್ಷದವರೆಗೆ.
ಜಂತು ಹುಳುಗಳು: ಅವಳನ್ನು ಹೇಗೆ ರಕ್ಷಿಸಲಿ?
ಕೊಳಕಾದ ನೆಲದಿಂದ ಅಥವಾ ಅಸುರಕ್ಷಿತವಾದ ನೀರಿನಿಂದ ಜಂತುಹುಳುಗಳು ನಿಮ್ಮ ಮಗುವಿನ ದೇಹವನ್ನು ಸೇರಬಹುದು, ಅವುಗಳು ಅವಳನ್ನು ಅಸ್ವಸ್ಥಗೊಳಿಸಬಹುದು.ನಿಮ್ಮ ಮಗು ನೆಲದ ಮೇಲೆ ಮಲಗಿಕೊಳ್ಳುವ ಮೊದಲು, ತೆವಳುವ ಮೊದಲು ಅಥವಾ ಆಟವಾಡುವ ಮೊದಲು ನೆಲವನ್ನು ನೀರು ಮತ್ತು ಸೋಪಿನಿಂದ ತೊಳೆಯಿರಿ, ಇದು ಅವಳನ್ನು ಸುರಕ್ಷಿತವಾಗಿರಿಸಲು ನೆರವಾಗುತ್ತದೆ. ನಿಮಗೆ ನೆಲವನ್ನು ಸ್ವಚ್ಛಗೊಳಿಸಲು ಸಾಧ್ಯವಾಗದಿದ್ದರೆ, ಸ್ವಚ್ಛವಾದ ದೊಡ್ಡದಾದ ಹಚ್ಚಡ (ರಗ್ಗು) ಅಥವಾ ಚಾಪೆಯನ್ನು ನೆಲದ ಮೇಲೆ ಹಾಸಿ.
ನಿಮ್ಮ ಮಗು ಬೆಳೆಯುತ್ತಾ ಹೋದಂತೆ ಅವಳು ಮನೆಯ ಹೊರಗೆ ಆಟವಾಡಲು ಬಯಸಬಹುದು, ಆದರೆ ಕೆಲವು ಸ್ಥಳಗಳಲ್ಲಿ ಜಂತು ಹುಳುಗಳ ಸಮಸ್ಯೆಯಿರುತ್ತದೆ. ಮಣ್ಣು ಮತ್ತು ಕೆಸರಿನಿಂದ ಜಂತುಹುಳುಗಳು ನಿಮ್ಮ ಮಗುವಿನ ಹೊಟ್ಟೆ ಸೇರಿ ಅವಳಿಗೆ ಹೊಟ್ಟೆ ನೋವು, ಕೆಮ್ಮು ಮತ್ತು ಜ್ವರವನ್ನು ತರಿಸಬಹುದು.
ದಪ್ಪ ಕಾಲುಚೀಲ, ಚಪ್ಪಲಿ ಅಥವಾ ಶೂಗಳು ನಿಮ್ಮ ಮಗು ಹೊರಗೆ ನಡೆಯಲು ಆರಂಭಿಸಿದಾಗ ಅವಳನ್ನು ರಕ್ಷಿಸಲು ನೆರವಾಗಬಹುದು. ಸೋಪು ಮತ್ತು ಸ್ವಚ್ಛವಾದ ಸುರಕ್ಷಿತವಾದ ನೀರಿನಿಂದ ಅವಳ ಕೈಗಳನ್ನು ತೊಳೆಯಿರಿ. ಅವಳ ಉಗುರುಗಳನ್ನು ಕೂಡ ನಿಯತವಾಗಿ ಸ್ವಚ್ಛಗೊಳಿಸುವುದು ಅತ್ಯಂತ ಮುಖ್ಯವಾಗಿದೆ. ಇದರಿಂದಾಗಿ ಅವಳು ತನ್ನ ಕೈಗಳನ್ನು ಬಾಯಿಯೊಳಗೆ ಇಟ್ಟುಕೊಂಡಾಗ ಜಂತುಹುಳಗಳು ಅವಳ ದೇಹದೊಳಗೆ ಹೋಗದಂತೆ ತಡೆಯಲು ನೆರವಾಗಬಹುದಾಗಿದೆ.
ನಿಮ್ಮ ಮಗುವಿಗೆ ಜಂತುಹುಳುವಿನ ಸೋಂಕು ಕಾಣಿಸಿಕೊಂಡಿದ್ದರು, ಅದು ನಿಮ್ಮ ಗಮನಕ್ಕೆ ಬಂದಿರುವುದಿಲ್ಲ. ಜಂತುಹುಳು ನಾಶಕ ಔಷಧಿಗಳು ನಿಮ್ಮ ಮಗುವಿನ ಹೊಟ್ಟೆ ಸೇರಿದ ಯಾವುದೇ ಜಂತುಹುಳುಗಳನ್ನಾದರೂ ಸಾಯಿಸುತ್ತದೆ. ಆದಕಾರಣ ಅವಳಿಗೆ ಜಂತುಹುಳುಗಳ ಸೋಂಕು ತಗುಲದಿದ್ದರೂ ಕೂಡ ಜಂತುಹುಳು ನಾಶಕ ಔಷಧಿಯನ್ನು ತೆಗೆದುಕೊಳ್ಳುವುದು ನಿಮ್ಮ ಮಗುವಿಗೆ ಸುರಕ್ಷಿತವಾಗಿದೆ. ನಿಮ್ಮ ಮಗುವಿಗೆ 1 ವರ್ಷ ತುಂಬಿದ ಬಳಿಕ ಅವಳಿಗೆ ಜಂತುನಾಶಕ ಔಷಧಿಯನ್ನು ಪ್ರತಿ 6 ತಿಂಗಳಿಗೊಮ್ಮೆ ನೀಡಿ.
ಭವಿಷ್ಯಕ್ಕಾಗಿ ಶುಭಾಶಯಗಳು.
