Degemer

Donemat deocʼh er Wikipedia, an holloueziadur digor ha digoust, frank a wirioù ha liesyezhek, hag a cʼhall bezañ gwellaet gant an holl 76 187 pennad emeur o sevel bremañ e rann vrezhonek an holloueziadur. Wikipedia evit ar pellgomzerioù hezoug Istor · Skiantoù · Douaroniezh · Arzoù · Skiantoù an Den · Yezhoù

Pennad ar miz Pladenn Nebra Pladenn Nebra zo ur gantenn arem a zo war-dro 32 cm he zreuzkiz. Goloet eo gant ur verglenn c'hlas hag arouezioù aour : gwelet a reer warni ar pezh a seblant bezañ an heol pe al loar en he c'hann, ul loargresk ha stered (ar Pleiadezed sur a-walc'h). An taolennadur koshañ eus bolz an oabl e vefe. Dizouaret eo bet ar bladenn e miz Gouere 1999 e Nebra e Saks-Anhalt (Alamagn). Eus -1600 kent JK e vije, da lavaret eo oadvezh an Arem (etre henoadvezh an Arem ha krennoadvezh an Arem). Miret eo e mirdi rannvroel ar ragistor Halle (Saks-Anhalt). Kavet eo bet ar bladenn, a-gevret gant traoù all, gant furcherien guzh. Adkavet eo bet war-lerc'h en ur marc'had etrebroadel a hendraoù. Er penn kentañ e soñje da henonourien zo e oa bet graet gant ur falser bennak, ar pezh a voe dislavaret gant ar C'harbon-14. Kavet e voe ivez e teue an arem eus gwazhennoù Alpoù Aostria a servije e-pad oadvezh an Arem. Mod all e voe adkavet klezeier ha kelc'hioù-brec'h eus an oadvezh-se. Ganto e voe posupl brasjediñ pe oad e oa. A-drugarez da zizoloadenn ar bladenn e c'hellomp anavezout spisoc'h gouiziegezh steredoniel an Europeaned en oadvezh an Arem. Gouiziekoc'h e oa steredoniourien Europa ar mare-se eget ar pezh a veze kredet betek-henn eta. Ret e oa gortoz ur skrid babilonian ar VIvet kantved kt JK evit kaout un diskouezadur ken splann. (muioc'h...)

Keleier Un tamm sell war red an darvoudoù Doare ar 6 a viz Kerzu 2022 ha Keleier ar vro. Lula 21 a viz Du : kren-douar en enez Jawa, en Indonezia ; 272 den zo lazhet hag ouzhpenn 1000 den all zo gloazet. 20 a viz Du : deroù Kib vell-droad ar bed e Qatar. 15 a viz Du : hervez ar Broadoù Unanet eo aet ar bed en tu all da 8 miliard a annezidi. 13 a viz Du : gant ur gwalldaol e kreiz kêr Istanbul, e Turkia,ez eus lazhet c'hwec'h den ha gloazet 80 den all. 9-11 a viz Du : arme Rusia, taget gant hini Ukraina, a rank kuitaat kêr Kherson e su ar vro. 1añ a viz Du : gant strolladoù eus an tu-dehoù eo aet ar maout e dilennadegoù kannaded Israel ha gant Benyamin Netanyahou e vo savet ur gouarnamant diwar emglev etrezo. 31 a viz Here : Lula (skeudenn) zo dilennet da brezidant Brazil evit an drede gwech. 20 a viz Here : Liz Truss a zilez he c'harg a gentañ ministr ar Rouantelezh-Unanet. 17 a viz Here : dilennet eo Ulf Kristersson da gentañ ministr Sveden, da-heul un emglev etre strolladoù eus an tu-dehoù. 14 a viz Here : ouzhpenn 40 den a varv e tarzhadenn ur vengleuz glaou e hanternoz Turkia.

Keleier ar Wiki War gresk e talc’h ar Wikipedia brezhonek da vont, goustad, ha tremen 76 000 pennad zo bremañ. En 81vet renk emaomp bepred e-touez ar raktresoù Wikipedia [1], evit an niver a bennadoù, etre an telougoueg hag ar swahili. Evit gouzout hiroc'h : An Deizlevr. E renkadur an holloueziadurioù hervez danvez ar pennadoù emaomp atav en 81vet plas [2], etre ar c'hurdeg sorani hag ar yiddish. Ne labouromp ket a-walc'h da wellaat ar pennadoù a zo bet boulc'het, hag un toullad pennadoù diazez a vank c’hoazh d’hor Wiki-ni [3], evel buhezegezh, nerzh pe vaksin ha meur a hini all c'hoazh. Taolit ur sell ouzh roll ar pennadoù a ra diouer d’ar Wiki-mañ. Gallout a ra pep hini ac’hanomp klask sevel ar pennadoù a vank dimp. Mankout a ra dimp ivez pennadoù hir (n'hon eus nemet 33 evit ar mare). Evit kaozeal diwar-benn kement tra a denn d'ar Wikipedia brezhonek, gouzout petra zo nevez, reiñ ho soñj, kit bep an amzer d'ober un dro betek Tavarn ar wikipedourien. Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù ma vank traoù enno, pe ma'z eus mankoù enno. Ma n’oc’h ket asur eus an doare da ober, sellit ouzh Skoazell:Penaos kemmañ ur bajenn, pe c’hoazh ouzh Wikipedia:Fazioù stankañ. E-touez ar raktresoù kar da hini Wikipedia, emañ hini ar Wikimammenn, un dastumad levrioù brezhonek, kuit a wirioù, pe c’hoazh hini ar Wikeriadur. Kit da deurel ur sell outo !

A bep seurt A bep seurt Porched ar gumuniezh (Amañ e kavo ar re nevez ar pep retañ da c'houzout, hag alioù ha skoazell evit kregiñ ganti) Tavarn ar wikipedourien : demata, kafeta, marc'hata, teodata ha chopinata An Deizlevr Pennadoù nevez. Ar pennadoù nevez-voulc'het gant hon c'henlabourerien. N'int ket peurechu, ha gallout a rit reiñ ho skoazell da gas anezho da benn. Roll ar porchedoù Erbedennoù war live ar yezh Goulenn diverkañ ur pennad pe ur rummad Ar fazioù yezh stankañ a vez graet gant ar genlabourerien ha penaos diwall diouto. Goulenn ur pennad Pennadoù a ra diouer d'ar Wiki-mañ Termenadurezh ha dibaboù pleustrek evit ar wiki Danvez pennadoù da vezañ klokaet Labour kumuniezhel Fazioù zo marteze e pajennoù ar wikipedia. Amañ e vint renablet, e pajenn ar reizhadennoù da ober e-barzh yezh ar wikipedia

Ur raktres deus ar Wikimedia Foundation eo Wikipedia Commons Bank roadennoù liesvedia MediaWiki Diorren poelladoù Meta-Wiki Kenurzhiañ Wikilevrioù Levrioù ha testennoù frank Wikiroadennoù Diaz anaoudegezh Wikikeloù Keloù digor Wikipedia Holloueziadur Wikiarroud Dastumad arroudennoù Wikimammenn Al levraoueg dieub Wikispesad Roll ar spesadoù bev Wikiskolveur Binvioù frank evit deskiñ Wikeriadur Geriadur & tezorus