en historio
dum decembro:
50, 100 e 200 yari ante nun …
7 di decembro 1972. Apollo 17, la lasta spaconavo en qua homi voyajis a la luno, lansesis. La navo portis Eugene Cernan, Ronald Evans e geologo Harrison Schmitt; Cernan e Schmitt arivis ye la surfaco di la luno ye 11 di decembro, dum ke Evans esis en orbito cirkum la luno. La du facis tri exkursi en specala vehilo; dum ca exkursi li kolektis specimeni di petro e facis altra taski. Singla exkurso duris cirkume sep hori. La tota disto di voyajado en la vehilo esis 35,9 km; la maxim granda disto de lia navo esis 7,6 km. Li livis la luno ye 14 di decembro, e li arivis retroe ye Tero, en la suda Pacifiko, ye 19 di decembro.
8 di decembro 1922. En Berlin, la piktisto Lucian Freud naskis. Ilua patro esis Austriana arkitekto Ernst L. Freud, ed ilua avulo esis la psikiatriisto Sigmund Freud. De 1933 la familio rezidis en Anglia. De 1942 til 1943 il studiis arto ye la kolegio Goldsmiths. Ilua frua pikturi montris influo di surealismo; de la 1950-yardeko il produktis portreti, kustumale postulante multa tempo de la persono piktita. Kelka de ilua pikturi esis vendata ye aucioni po plura milion dolari.
10 di decembro 1822. En Liège, la kompozisto César Franck naskis. De 1858 il esis orgenisto di kirko en Paris, e ganis reputo pro sua improvizadi ye la orgeno. De 1872 il esis docero ye la Konservatorio di Paris. En 1886 il kompozis sonato por violino e piano, por la violinisto Eugène Ysaÿe; ol esis en la repertorio di Ysaÿe dum la sequanta 40 yari. La unika simfonio di Franck produktis diversa opinioni ye olua unesma pleado en 1888, ma eventuale divenis populara. Il mortis en 1890 pro plevrito, kelka monati pos ke il sufris hazardala kapo-vunduro en strado di Paris, quo semblante domajis ilua saneso.
|
|
|
Kunlaborez! +/-
 München, e la parko ube eventas Oktoberfest. München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|
