Vicipaedia:Nuntii
(Redirectum de Vicipaedia:Novissima)
Jump to navigation
Jump to search
Nuntii[fontem recensere]
2022[fontem recensere]
- 8 Septembris: Obiit regina Britanniarum Elisabetha II anno aetatis suae nonagesimo septimo et regni sui septuagesimo primo. Cui successit filius rex Carolus III septuaginta tres annos natus.
- 6 Septembris: Elisabetha Truss prima ministra Britanniae nominata est.
- 30 Augusti: Moscuae obiit Michael Gorbačëv ultimus secretarius generalis, deinde praeses Unionis Sovieticae.
- 22 Iunii: Gravis terraemotus magnitudinis 5.9 in confinibus Afganiae et Pacistaniae accidit. Plus quam mille quingenti homines occisi sunt.
- 19 Iunii: Gustavus Petro, dux foederis Pacti Historici, praeses reipulblicae Columbiae electus est.
- 13 Iunii: E flumine Mecon in Cambosia maximus omnium umquam in aqua dulci relatorum piscium captatus est. Ille individuum speciei Urogymni polylepis est, cuius longitudo 3.98 metra, et cuius pondus paene 300 chiliogrammata est.
- 23 Maii: Secundum curatorem supremum Nationum Unitarum pro refugis copia profugorum in toto orbe terrarum numeratorum primum milies centena milia (100 000 000) superavit.
- 12 Maii: Primum imago foraminis atri in centro Viae Lacteae, galaxiae nostrae, siti et Sagittarius A* nominati edita est.
- 9 Maii: In insulis Philippinis Ferdinandus minor (Bongbong) Marcos per 59 centesima suffragiorum praeses repulicae electus est. Cuius pater Ferdinandus maior Marcos annis 1965 - 1989 pariter praeses Philippinarum fuit.
- 24 Aprilis: Emmanuel Macron iterum praeses rei publicae Franciae electus est.
- 28 Martii: Shanghaevi, maxima in urbe Sinarum, propter pandemiam COVID-19 omnes incolae (primum, sicut dictum est, per quattuor dies) includuntur.
Nota bene[fontem recensere]
Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.
Oportet nuntios etiam in paginam anni (e. g. in paginam 2022) inserere.