ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) ގެ ފަރުވާ ކުޑަކަމުން ދިވެހި ޕްރިމިއާ ލީގަށް ކޮލިފައިންއަށް ކުޅޭ ސެންޓްރަލް ލީގު ގުރޫޕް އީގެ މެޗުތައް ހުއްޓިއްޖެއެވެ. މ. ވޭވަށުގައި މުބާރާތް ހޯސްޓް ކުރާއިރު، މި މުބާރާތް އެންމެ ފުރަތަމަ ފެށުމަށް އެފްއޭއެމުން ނިންމީ 14 ނޮވެމްބަރުގައެވެ. ނަމަވެސް 12 ނޮވެމްބަރުގައި އެފްއޭމުން ވަނީ ރެފްރީންގެ ދަތިކަން ހުރުމާ ގުޅިގެން މުބާރާތް ފެށޭނީ 19 ގައި ކަމަށް ވޭވަށު ކައުންސިލަށް އަންގާފައެވެ. ނަމަވެސް އެފްއޭއެމްގެ ފަރުވާ ކުޑަކަމުން މުބާރާތް ފެށޭވަރުވީ މި މަހު 22 ގައެވެ. މި މުބާރާތުގައި ހަތަރު ޓީމެއް ވާދަކުރާއިރު ހުރިހާ ޓީމަކުން ވެސް ވަނީ ބޭރުން ކުޅުންތެރިން ހިމަނާފައެވެ. އެގޮތުން މ. މަޑުއްވަރީ…