en historio
dum novembro 50, 100 e 150 yari ante nun …
7 di novembro 1972. En Usa, Richard Nixon, di la Republikana partiso, ri-elektesis kom prezidanto, vinkante George McGovern, la kandidato di la Demokrata partiso. Nixon esis populara prezidanto en 1972, e recevis plu kam 60% de la voti, un de la maxim granda majoritati en la historio di Usa. Esabis poka rivaleso por la nomineso di Nixon kom Republikana kandidato. Senatano McGovern, de Sudal Dakota, divenabis la Demokrata kandidato pos vinkir Edmund Muskie, Hubert Humphrey e Shirley Chisholm.
4 di novembro 1922. En Egiptia, arkaeologo Howard Carter deskovris gradi duktanta a la sepulteyo di Tutankhamon. Il pose trovis plura chambri di la tombo. Rare pri anciena tombi, la kontenajo ne esis furtita en antiqua epoko. L'avanchambro kontenis multa objekti, inkluzanta la elementi di quar chari. La nura ornizita chambro esis la sepultochambro, en qua pikturi montris la rejo kun diversa dei. Quar orizita ligna santuarii cirkondis la sarkofago. Interne di la granita sarkofago esis tri sarki di diminutanta grandeso, e l'internala sarko esis ora e kontenis la kadavro di la rejulo.
13 di novembro 1872. En Le Havre, Francia, la piktisto Claude Monet komencis krear la pikturo Impression: soleil levant. Ol esis un de sis pikturi montranta la portuo ye diversa tempi di la jorno e ye diversa vidpunti. En aprilo 1874 ol inkluzesis en expozo en Paris. Kritikisto di arto, Louis Leroy, skribis artiklo pri l'expozo en jurnalo, kun titulo L'Exposition des Impressionnistes, en qua il opinionis ke la pikturo da Monet esas tipala exemplo di nova stilo. La vorto "impresionismo" balde divenis la nomo di movado en arto.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|