en historio
dum septembro: 50, 100 e 400 yari ante nun …
15 di septembro 1972. En Reykjavík, la 2ma Prezidanto di Islando, Ásgeir Ásgeirsson, mortis evante 78 yari. Kom membro di la Progresiva partiso il elektesis a la Alþingi, la parlamento di Islando, en 1923, ed en 1931 il divenis Ministro di Financo. En 1937 il membreskis a la Sociala Demokrata partiso. En 1952 Prezidanto Sveinn Björnsson mortis, ed Ásgeirsson elektesis kom Prezidanto, recevante 46,7% de la voti kompare a 44,1% por Bjarni Jónsson. Il ri-elektesis sen opozanti en 1956, 1960 e 1964; il ne partoprenis en la elektado en 1968.
1 di septembro 1922. En Genova, la aktoro Vittorio Gassman naskis. Dum yuneso il rezidis en Roma, ed ibe il studiis ye la Nacionala Akademio di Dramatala Arti. Dum periodo il pleis en diversa dramati ye la Teatro Eliseo en Roma. Il unesmafoye aparis en filmo en 1946, en Preludio d'amore. Il esis sucesoza en la teatrala kompanio di Luchino Visconti; il pose esis membro di la teatro nazionale, e kun Luigi Squarzina il esis fondanto e direktanto di la Teatro d'Arte Italiano, produktante la unesma kompleta versiono di Hamlet, da William Shakespeare, en Italia. Il aparis en multa filmi en Italia e kelka en Usa.
6 di septembro 1622. Survoye a Hispania, pulsita adsur rifo en uragano, 56 km weste de Key West en nuntempa Florida, la Hispana galiono Nuestra Señora de Atocha naufrajis; omnu dronesis ecepte tri maristi e du sklavi. La Atocha portis granda quantesi de kupro, arjento, oro, gemi ed altraji de la portui Cartagena (en nuntempa Kolumbia) e Portobelo (en nuntempa Panama). La navo Santa Margarita, simile kargita, esis perdita en la sama tempesto; olua kargajo lore esis parte salvata, tamen la Atocha esis ne trovata til 1985. La perdo di la kargajo di la Atocha e la Santa Margarita detrimentis la ekonomio di Hispania dum plura yari. La restaji di la navo Atocha esis trovata ye 20 di julio 1985, da Usana deskovristo Mel Fisher (1922–1998). Il esis serchanta ca navo dum multa yari; il ja deskovrabis plura naufrajinta navi en la maro apud Florida, Usa.
|
|
|
Kunlaborez! +/-
München, e la parko ube eventas Oktoberfest.
München esas chef-urbo di Germana stato Bavaria. Segun statistiki de 2015, ol havis 1 450 381 habitanti. Lua tota surfaco esas 310,43 km². Ol esas la 3ma maxim populoza urbo di Germania, dop Berlin e Hamburg. Lua metropolala regiono habitesas da 6 milion personi.
Talpo esas familio di mamiferi mikra (longeso de 15 til 20 cm, pezo de 100 til 125 grami, qui manjas precipue insekti e lombriki, en regioni di temperema klimato. Li exkavas tuneli en humida sulo, videbla kom sulo-monteti.
Tale nomizita Equatorala e tropikala foresti existas en 4 kontinenti: Amerika (la maxim vasta surfaco), Afrika, Azia ed Oceania, jacanta aproxime inter la Tropiko di Kankro e la Tropiko di Kaprikorno. Foresti Equatorala, tropikala ed anke subtropikala okupas entote cirkume 17 milioni km², o 20% de la tota emersita surfaco de la planeto.
|
|