Kategorio: WooCommerce

Jen, la komenco de PDFa konsila dokumento pri WooCommerce, havebla ĉe: https://eo.wordpress.org/vu-konsiletoj/

Aŭtomata numerado de SKU-oj

Se allogas vin la eblo aŭtomatigi var-numeradon de SKUoj, per Booster por WooCommerce, konatiĝu kun la ŝablono.
Ŝablono de SKU-numero: {category_prefix}{prefix}{sku_number}{suffix}{category_suffix}{variation_suffix} =
prefikso de kategorio + prefikso + cifera parto de SKU + sufikso + kategoria sufikso + sufikso de variaĵo.

Se vi ofertas multajn simplajn varojn, la senpaga versio funkcias bone.

Se vi havas vendejon Vestaĵoj Por Vi kaj ofertas sportĉemizon (en kategorio Sporto) en 3 versioj: malgranda, mezgranda kaj granda, kaj vi volas malsamajn SKUojn por ĉiuj grandoj…..
Vi decidas uzi ĝeneralan prefikson por SKUoj kiu estas mallongigo de via vendejo: VPV. Vi pensas, ke vi ne uzos ĝeneralan sufikson. Vi decidas ekspluati la fakton, ke aldono de kategoria sufikso estas senpaga, do vi entajpas sufikson SPO por la kategorio Sporto.
Vi malkovras, ke “Variaĵoj de variaj varoj” havas opcion nur “SKU same kiel patra varo” en la senpaga versio.
Vi malridetas, ĉar vi vere volis havi malsamajn SKUojn por ĉiu grando de tiu ĉemizo.
La SKU devos esti simila al: VPV1SPO por ĉiu grando de via sportĉemizo!
Sed iru al viaj variaĵoj en tiu ‘afiŝo’ de varo kaj permane donu la deziratajn SKUojn al ĉiu variaĵo. Ĉiaokaze, ĉiu variaĵo ricevas unikan ID-on.

Do, vi devis doni SKUon por la variaĵoj permane en la senpaga versio.

P.S. Mi komencos meti konsiletojn en malsama loko.

Varia varo

Vi volas krei variaĵojn de varo. Ni diru, ke via varo estas ĉemizo. Iru al Varoj -> Aldoni novan.
Iru al la skatolo Vardatumoj. Elektu ‘Varia varo’. Iru al ‘Atributoj‘. Apud la vortoj ‘Propra vara atributo‘ alklaku la butonon ‘Aldoni’. Entajpu nomon, eble Grando, se temas pri etaj, mezgrandaj kaj grandaj ĉemizoj. En la skatolo Valoro(j), vi povas entajpi Malgranda|Mezgranda|Granda. Jes, apartigu valorojn per tiu vertikala strio.
Alklaku ‘Konservi atributojn’.
Iru al ‘Variaĵoj‘. Elektu krei variaĵojn el kombinoj de tiuj atributoj, ĉar vi jam aldonis la bezonatajn informojn.
Ŝvebigu la muson super ĉiu variaĵo kaj vidu la sagon aperi apud ĉiu (kun movilo kaj eblo forigi la variaĵon). Alklaku la sagon kaj vi povas ebligi stokadon de tiu variaĵo, doni ekzemplerojn en stoko, malsaman SKU-on al tiu variaĵo, bildon de tiu variaĵo, ktp.
Memoru konservi viajn ŝanĝojn post ĉiu paŝo.
Ho, kaj dum vi estas en Variaĵoj, vi povas elekti defaŭltan variaĵon. Tiu estos ŝargita kaj vidita kiam kliento vizitas tiun varon. Tiu eblo estas ĉe ‘Defaŭltaj valoroj por formularo:‘ Se vi ne elektas defaŭltan, la vara bildo aperos (alŝutu varan bildon! – tiu skatolo troviĝas al la dekstro) kaj la falmenuo diros ‘Elekti opcion’.

Por uzantoj de WooCommerce, Vu-komercistoj: konsileto 1:

Malfermo de administraj rigardoj

Kiam vi alklakas al WooCommerce en la administra panelo de WordPress, tuj rigardu al la supro. Ĉu vi vidas langeton “Ekranaj agordoj”? Alklaku kaj marku ĉiujn skatolojn, por ricevi plenan administran tabelon.

Se vi uzas Booster por WooCommerce, iru al Agordoj de Booster, trovu kaj ebligu la modulon Administra breto en Retpoŝto k. divers. Vi ricevos novan breton je la supro de la administra panelo de WordPress.

Poste, ĝisu vian familion. Vi estos perdita dum jaroj en amaso da ebloj kaj ecoj de Booster.

Ĵusa traduko de Booster por WooCommerce. Booster aldonas pliajn funkciojn kaj eblojn tajlori kaj proprigi WooCommerce laŭplaĉe. La detaloj: https://eo.wordpress.org/plugins/woocommerce-jetpack/ . Notu, ke la traduko ankoraŭ enhavas mistajpojn kaj eble miskomprenojn. Mi elsarkos tiujn…

Kaj nun la interfaco de PayPal Express Checkout – Rapida pago per PayPal – por WooCommerce estas en Esperanto. Mia instalo de WooCommerce aŭtomate venigis ĝin; mi ne instalis ĝin aparte.

Waterwoo PDF permesas aldonon de filigrano (akvomarko) de propra teksto al paĝoj de PDFoj. La kromprogramo funkcias nur por WooCommerce.
La programo aldonas filigranon je la momento de alklako de elŝuta ligilo. Tio donas la eblon krei filigranon de la nomo de kliento, aŭ de iu alia informo de la kliento.
La kromprogramo estas alte pritaksita kaj nun estas en Esperanto.
Sed du notoj – 1) se vi ne konas la anglan, la koncizkodoj estos konfuzaj, do jen:
[FIRSTNAME] = [PERSONANOMO], [LASTNAME] = [FAMILIANOMO], [EMAIL] = [RETPOŜTADRESO], [PHONE] = [TELEFONNUMERO], [DATE] = [DATO]
2) se vi havas kaj volas konservi ligilojn en la PDF, ne uzu Waterwoo PDF.

Pagoservo Stripe por WooCommerce ricevis hezitan tradukon. Per Stripe, vendejo povas akcepti kreditkartojn.
Notu, ke ĉiu traduko rilate al WooCommerce devos estis polurita.

Traduko de PDFaj fakturoj kaj pakoslipoj por WooCommerce estas havebla: https://eo.wordpress.org/plugins/woocommerce-pdf-invoices-packing-slips/.
Ne ĉiu priskribo estas enesperantigita, sed se vi jam provas la vendan kromprogramon WooCommerce, tiu ĉi kromprogramo por fakturoj kaj pako-slipoj estas preta provi.