Albisteak
Moodle 4.0 hemen da!
(https://moodle.com/news/moodle-4-is-here/ webgunetik itzulita)
Ongi etorri erabiltzailearen esperientzia berri batera – Moodle 4.0 hemen da!
Harro gaude Moodle LMS 4.0 kaleratzea eta mundu osoko Moodle-ren 300 milioi erabiltzailerentzat esperientzia hobetua iragartzeaz.
Ongi etorri fresko eta intuitiboa den itxura eta sentsazio garaikide berrira, fitxen bidezko nabigazioarekin eta ikastaro-esperientzia birdefinitu batekin, hezitzaileei ikastaroak sortzea eta editatzea eta ikasleei ikastaroaren lana lehenesteko eta burutzea errazten diena.
Martin Dougiamas, Moodle-ren sortzaile eta zuzendari nagusiak dioenez, “Moodle-ren sortzaile gisa gure lana plataforma ahalik eta errazena eta erabiltzeko sinpleena dela ziurtatzea da, kode irekiko teknologiarekin eta lineako ikaskuntzako praktika onekin dugun konpromisoa mantenduz. Ez dago Moodlen ezaugarri sakonekin alderatzen duen plataformarik, baina badakigu jendeak teknologiarekin harremanetan jartzeko modua goitik behera aldatu dela gaur egun gure esperientzia hartzen duen softwarearekin. Bertsio honek aldaketa horiei aurre egiten die eta gure komunitateak eskatzen dituen hobekuntzei erantzuten die, gauza harrigarriak modu intuitiboagoan egiteko ahalmena eman diezaiegun”.
Irakurri osoa »GCompris 2.0 argitaratu da
Jarduera berri eta hobetu ugarirekin dator 2.0 bertsioa. Esteka honetan, euskaraz, aurkituko duzu argitalpenaren albiste ofiziala.
GCompris (wikian) kalitate handiko hezkuntza-software multzo bat da. Adin guztietako haurrak hezteko balioa du eta dibertsio ordu asko eskaintzen dizkie etxeko txiki eta ez hain txikiei.
Argitalpen honek mota askotariko 175 jarduera dakartza, zailtasun maila ezberdinekoak, adin eta gaitasun ezberdinei zuzenduak.
Bertsio berria 33 hizkuntzara itzulita dator, 26tan erabat itzulita, Euskara haien artean. Euskarazko itzulpenak goitik behera aztertu eta koherentzia eta zuzentasuna bilatuz berregin dira hizkuntzarekiko esperientzia naturalagoa eta atseginagoa egiteko.
KDE proiektu erraldoiaren aterkipean garatzen den GComprisek 20. urteurrena ospatzeko 1.0 bertsioa argitaratu zuen iaz.
GCompris software askea da, 1.1 bertsiotik AGPLv3 lizentziarekin argitaratzen da. Lizentzia askeari esker, zure beharretara egokitu dezakezu, hobetu, eta garrantzitsuena dena, leku guztietako haurrekin partekatu dezakezu. Hainbat plataformatan erabilgarri dago, baita sakelako telefonoetan ere.
Eskerrik asko Timothée Giet, Johnny Jazeix eta garapenean eta itzulpenean parte hartu duzuen guztiei.
Software hau atsegin baduzu, bere garapena sustatzeko doaintza egin dezakezu.
GCompris 1.0 argitaratu da
20 urte pasa dira GCompris ikusgarria sortu zenetik eta urteurrenean, garatzaileek 1.0 bertsioa argitaratu dute.
Bertsio berri honi buruzko xehetasunak (euskaraz) proiektuaren webgunean aurkituko dituzu.
GCompris kalitate handiko hezkuntza-software multzo bat da, 2 eta 10 urte bitarteko haurrentzako 100 baino jarduera gehiago dituena. Bota begirada bat pantaila-argazkiei software honek eskaintzen duen guztiari errepasoa emateko.
Software hau librea da (GPL-3.0+ lizentzia du) eta hainbat plataformatan erabilgarri dago, baita sakelako telefonoetan ere. Software librea izanik, zure beharretara egokitu dezakezu, hobetu, eta garrantzitsuena dena, leku guztietako haurrekin partekatu dezakezu.
Gustuko baduzu, dohaintza egin dezakezu bere garapena laguntzeko.
GCompris, KDEren proiektuen artean dago.
OHARRA: azken bertsio hau sistema eragile desberdinetako biltegietan argitaratzen ari da egunotan. Oraindik 1.0 bertsioa eskuragarri agertzen ez bazaizu, egun batzuk itxaron beharko ditu.
