އަދަދު ނޭންގޭހައި ގިނަ ދިވެހިންނާއި އެއްޖިންސުން ގުޅުން ހިންގި ބަންގްލަދޭޝްގެ އެމްޑީ އަލަމްގިރިގެ މައްސަލަ ފަޅައިއަރައި އެންމެ ގިނަ ދިވެހިން ފާއިތުވި ދެމަހެއްހައި ދުވަހު ދައްކަން ޖެހުނު ވާހަކައަކީ އެއީ ކަމަށް ވެއްޖެއެވެ. ކޮމިޝަނަރ އޮފް ޕޮލިސް މުހައްމަދު ހަމީދު ވެސް އިއްޔެ މީޑިއާގައި ވިދާޅުވި ގޮތުގައި އަލަމްގިރި އާއިއެކު އެއްޖިންސުން ގުޅުން ހިންގި މީހުންގެ ތެރެއިން 38 މީހެއްގެ ވީޑިއޯގެ މައްސަލަ ފުލުހުން ތަހްގީގު ކުރަމުން އެބަގެންދެއެވެ. އޭގެތެރެއިން ތިން މީހަކު ތިބީ ފުލުހުންގެ ބަންދުގައެވެ. މިމައްސަލައިގައި ޖުމްލަ 18 މީހެއްގެ ޕާސްޕޯޓް ހިފަހައްޓައިފިއެވެ. ހަގީގަތަކީ މިމައްސަލަ ފުލުހުންގެ ސަމާލުކަމަށް ފުރަތަމަ އައީ މިދިޔަ މާޗް މަހުއެވެ. ގިނަ އަދަދެއްގެ ފިރިހެނުން އެއްޖިންސުން ގުޅުން…
