Wim Kok
Willem "Wim" Kok (Bergambacht, 29 septimber 1938 - Amsterdam, 20 oktober 2018) wie in Nederlânske politikus dy't fan 1994 oant 2002 minister-presidint wie fan twa opinoar folgjende kabinetten-Kok (de saneamde 'Pearske' kabinetten) en teffens minister fan Algemiene Saken.
Libbensrin[bewurkje seksje | boarne bewurkje]
Wim Kok rekke oan it wurk as fakbûnsman by it boubûn NVV. Hy wie sekretaris en foarsitter, letter waard er ek foarsitter fan de FNV. Yn 1986 stapte er oer nei de polityk en waard fraksjefoarsitter fan de Partij fan de Arbeid yn de Twadde Keamer. Fan 1989 oant 1994 wie er minister fan Finânsjes yn it twadde en tredde kabinet-Lubbers en teffens fise-premier.
Koks twadde 'Pearske' kabinet stapte tiisdei 16 april 2002 op, in moanne foar de ferkiezings. Reden dêrfoar wienen de konsekwinsjes fan it 'Drama fan Srebrenisa', nei it iepenbier meitsjen fan it Srebrenika-rapport troch it NIOD. Nei de ferkiezings fan 2002 naam Kok ôfskied fan de aktive polityk en stapte oer nei it bedriuwslibben.
Hy naam sûnt dy tiid kommissariaten oan, ûnder oaren by Shell, KLM, ING en de Ynternasjonale Krisisgroep. Kok wie fan 2009 oant en mei 2013 presidint fan de Klup fan Madrid, in organisaasje besteande út eardere steatshaden en regearingslieders, om oer de hiele wrâld de demokrasy te befoarderjen. Wim Kok stoar op 20 oktober 2018 yn syn wenplak Amsterdam yn de âldens fan 80 jier yn it sikehûs oan de gefolgen fan in hertkwaal.
Keppeling om utens[bewurkje seksje | boarne bewurkje]
- Dr. W. (Wim) Kok, Parlement.com
- Keninklike Bibleteek - dossier Wim Kok
- Nederlânsk fakbûnslieder
- Nederlânsk politikus
- PvdA-politikus
- Twadde Keamerlid
- Nederlânsk minister fan Finânsjes
- Nederlânsk minister fan Steat
- Fise-premier fan Nederlân
- Premier fan Nederlân
- Foarsitter fan de Jeropeeske Rie
- Nederlânsk bestjoerder
- Nederlânsk sosjalist
- Ridder Grutkrús yn de Oarder fan Oranje-Nassau
- Persoan berne yn 1938
- Persoan stoarn yn 2018