Peji Rekutanga

Kwaziwai, Kwaziwai
Tikutambire kuWikipidhiya!
Duramazwi re mahara, chero munhu anogona kuuya achiwedzera ruzivo rwaanawo kana kushandura mazanhi emimwe mitauro kuisa muChishona. Parizvino tine zvinyorwa 8,254 zvakanyorwa ne Chishona.
Munoda kuona Wikipedhiya yedu senwadhi here? Dzvanyai Pano!

Taramhenyu

Musha uno ndewedu vatauri veChivanhu, mutauro weChiShona, muno muWikipedhiya. Wikipedhiya chinyorwa chepadanhautande chinounganidzwa ungwaru, ruzivo nohunyanzvi hwezvikamu zvese zveraramo remarudzi osezvayo erino pasi. Zvakanaka zvakadzama kwazvo kuti gapu rese iri reungwaru, ruzivo nohunyanzvi rive rinonyogwa mururimi rwaamai. Basa iri ngatiritange nhasi tigorisiirawo vana vedu navana vavowo, zvichingoenda, ziyenda nakuenda. Mutauro wedu isu vanhu hauna kugara uchinzi ChiShona kwete. Muchena ainzi Clement Doke ndiye akatanga kushandisa izwi rekuti ChiShona mugore ra1931. Mutauro wedu unonzi ChiVanhu. Parizvino, muno muWikipedhiya mune zvinyorwa zvinoita 8,287 zvakanyorwa mururimi gweChiShona. Munokokwa mese, ani naani zvake, kuti muwedzere zvinyogwa izvi. Vanyori, vadzidzisi nevadzidzi veChiShona muzvikoro zvikuru zvedzidzo munokokwa kuti mutitungamirire pabasa iri. Tinodaidza kunyanya zvikuru sei avo vadzidzi nevadzidzisi vari muboka rezvidzidzo zveChiShona paYunivhesiti yeZimbabwe uyewo avo vese vakapedza zvidzidzo zveChiShona pachikoro chikuru ichi. Kana muchida kuziva zvakawanda nezvehumwe yeWikipediya endai panzvimbo yemudandira iyi www.wikipedia.org Tsvakai muwedzere ruzivo rwenyu nezve Kuisa zvinyorwa zvemumwe mutauro rudzi muWikipedhiya
Zvinowanikwa Mudenhe Rino Mudenhe rino mune ruzivo rwakawanda nemashoko akawanda. Zvinotevera izvi muenzaniso wezvimwe zvinowanikwa pano paWikipidhiya. Vanhu vese vanemukanwa wekusvika pano vanokumbirwa kubatsira mukunyora uyewo mukukwenenzvera kuti zvinyorwa zvese zvinowanikwa pano zvive zvakanaka kwazvo uye zvichimirira chokwadi yemamiriro ezvinhu pasirino. Magwaro eZvitendero: Bhaibheri Zvidzidzo zvinowedzera ruzivo nekutesvera pfungwa Nhoroondo dzeChinyakare Masvomhu Matongerwo eNyika Ruzivo rwezvisikwa zvinorarama Ruzivo rwezvisikwa zvisingararami Ruzivo nohunyanzvi hwemichina Nhetembo dzemadzinza Nhevedzwa dzemvura Madzishe Nenzvimbo Dzohutongi Hwamadzishe Kunze kwemagwaro anyogwa pamusoro apa, Wikipedyiya rino rinemamwi magwaro mazhinji ari pamusoro penyaya dziri mumhando dzakasiyana nedzanyogwa pamusoro apo. Verengai chinyogwa chemuno muWikipeidhiya chomuenzaniso.	Nehanda Nyakasikana Aah! Nehanda Nyakasikana! Kunozove riniko, Isu VaNyai tichitambudzika; Mweya Unoera! Kunozove riniko, Isu VaNyai tichidzvinyirirwa? Ko, inga taneta wani nokunwa misodzi; Ko, toshirira kudzamara kuve riniko? Ko, inga panguva yechando miti inozvizorodza, Inokuhumuka mashizha yombowana rudekaro, Kwozoti nokuchena kwokunze yodombera; Mashizha yovawo nenhenhere inoyevedza; Shiri nemhuka nenyuchi dzokwezvwa nehwema, Ko, isu rugare ruchatisvika riniko? Vana vacheche vatinobereka, vawakatipa Iwe Samasimba, vanova ndivo vadyi venhaka dzedu, nhasi vokura vakasunzumara munyika yavo, Voshaya nzvimbo dzokurarama nokuzvidekadza? Apa nepapo pazere rufuse, Makumbo avo ane matuzu nokupfuviswa neriri pfumojena. Ko, vosvikepiko? Mudzimba dzose nomumisha yose vari kutandwa pamwe nokurohwa; Munzvimbo dzose nomumatare mose avanotongerwa, vari kungourayiwa senhunzi, Pasina chikonzero, pasina mhosva Pfuma yenyika nhasi yakatorwa vakagovana paukama hwavo vepfumojena. Nhasi vari kudya mafuta ayo nyika Isu tichidya nhoko dzezvironda Nhasi vari kudya, vakora sehochi Isu toondoroka sembwa ine gwembe Nhasi vagere murusununguko lsu todzipwa huro nemajoto Rusununguko, Nehanda, ndorupi? Hamungaburukirewo kwatiri here? Harahwa dzedu dzobatwa sepwere Munyika yawavapa, musiki mugoni! Havasisina rukudzo panyika. Havasisina chavanacho Dambudziko guru ndiro ravawira Baba mutsvene! Gomo rine ngoni! Hamungotinzwawo kuchema kwedu here? Tine chitadzo chakakura sei Chokubva matiramwa zvakadai? Nehanda Nyakasikana! Kunozova riniko? Isu VaNyai tichidzvinyirirwa Neriri pfumojena rasvika munyika. ~ Nhetembo iyi yakatogwa kubva mubhuku rinonzi, Feso, rakanyogwa naVaSolomon Mutswairo (mugore ra1956).
Kunowanikwa Ruzivo neZvigadzigwa Zvemutauro weChiShona Duramazwi RechiShona - duramazwi rakaitwa neve "ALLEX Project". Iri duramazwi rakaiswa mudandira neve "Norwegian Documentation Project" pavakange vakumbigwa kuita izvi neve "Allex Project". Shona Language - zvinyogwa zvaMartin Shumba Bumbiro rezvinyogwa zveChiShona - zvinoshandiswa kuongora mashandigo emashoko eChiShona. ALLEX Project - iyi ihumwe yechikwata chenyanzwi dzinoshanda pamwechete mukuongorora nokuunganidza ruzivo gwemutauro weChiShona. Chikwata ichi chinoshanda chiri paYunivhesiti yeZimbabwe chichitungamirigwa naVaChimhundu. African Languages Research Institute (ALRI) Nhaka yeVaShona - zvinyogwa zva Knowledge Chikuse Ethnologue - Shona (S10, sna) - mutauro weChiShona mudenhe reruzivo remutauro yepasirino Denhe remutauro weChiShona rinotaridza kuvakwa kweviitwa Nzvimbo mudandira inotaridza zvinotengeswa zvemutauro weChiShona Magwaro anobetsera vanotangisa kudzidza mutauro weChiShona Gwaro rinodzidzisa vanotangisa kudzidza mutauro weChiNdau

Chidzidzo cheMwedzi Unowu

VaNyatsimba Mutota (c.1400-1450) kana Mwenemutapa Mutota aive muvambi uye mutongi wokutanga weUhwami wa Mutapa. Mambo Mutota kana Hwami Mutota vaive mukororo waMambo na Mambokadzi weUmambo we Zimbabwe nyika yaive kumaodzanyemba yenzvimbo inonzi Masvingo nhasi, uye ndiko kwaakazvarwa. Akasika Uhwami wa Mutapa mugore ra1430 akave mutongi wekutanga, akaramba ariMambo kusvika pakufa kwake. Humambo hwake hwaive hwakabatana nezvikamu zvechamhembe cheZimbabwe yanhasi, nemaodzanyembaepakati peMozambiki yanhasi. Munguva yekutonga kwake, Mutapa yakambove muchinguva chekuwedzera zvemauto uye nezvekukunda dzimwe nzvimbo dzakasiyana kusvika kuGungwa re Indiya....(verengai zvakadzama).

Mamwe mapurojekti eWikipidhiya

Wikimidhiya Faundesheni iduramazwi rakazvimirira pazasi peWikimidhiya Faundesheni, zvzvinoreva kuti inomaneja mamwe mapurojekti akadorongodzwa zasiyo. Parizvino, mapurojekti anowanikwa muChishona iWikipidhiya basi, tirikuzama kudzosa Wikiduramazwi rakavharwa muna 2007. Nwadhi riripo asi harisati ravenezvinyorwa mukati. Mamwe ariko anowanikwa mumimwe mitauro, senge Chingezi nezvimwe wo.