Suriya

Suriya سُورِيَا (Sūriyā)
A̱keangtung
Shi kyai	185 180 km²
Shi á̱niet	17 500 657 ab. (2020)

A̱byin Suriya (La̱ra̱ba: سُورِيَا, Sūriyā; Shong: Syria), á̱ lyen di̱ yorong ofisha hu nang Ri̱pobi̱lik A̱la̱ra̱ba Suriya (La̱ra̱ba: ٱلْجُمْهُورِيَّةُ ٱلْعَرَبِيَّةُ ٱلسُّورِيَّةُ, al-Jumhūrīyah al-ʻArabīyah as-Sūrīyah; Shong: Syrian Arab Republic), yet a̱byin kya di̱ fam a̱byin Jenshyung A̱siya, ka̱ byia̱ gak ma̱ng Lebanon di̱ fam a̱tak-jenshyung hu, Kyai A̱sa̱khwot Meditaroniya hu di̱ fam jenshyung hu, Turkiya di̱ fam a̱za hu, Irak di̱ fam a̱tyin hu, Urdun di̱ fam a̱tak hu, ma̱ng Isi̱rela di̱ fam a̱tak-jenshyung hu. A̱keangtung nka ka ma̱ng a̱gba̱ndang a̱keang wu a̱ swak mi̱ shi hu wa yet Da̱maskut. Ka̱ yet a̱byin a̱kpa̱mkpai a̱byin a̱bwum kya, a̱ga̱nga̱ng tsutsok, ma̱ng kyai a̱ji̱jak (tswa a̱yit), ma̱ng nnwap a mbeang susot a̱dini ma̱ a̱di̱di̱t nang nwap ji ji̱ lan yet a̱di̱di̱t wu A̱la̱ra̱ba Suriya ba, Kurdi, Turkmen, Assuriya, Armeniya, Si̱̇rkasiya, Mandiya, ma̱ng A̱helen ba. Susot a̱dini ji, ji̱ja yet Suni ba, Krista, A̱lawit, Druz, Ismaili, Mandiya, Shiya, Salafi, ma̱ng Yazidi ba. A̱la̱ra̱ba ba, bibya yet nwap ji̱ swak mi̱ shi ji, a̱wot Suni ba bibya yet sot a̱dini ji̱ swak ma̱ng shi hu.