Fraunce

Histouaithe[amendaer | modifier le wikicode]

Quand les Romains contchéthîtent lé tèrritouaithe tch'est la France d'au jour d'aniet, la Gaule 'tait divisée en trais parties. La tchultuthe Romaine a laîssi d'l'archéologie et l'Latîn est dév'nu les langues Romannes qu'nou pâle acouo.

Avaû les siècl'yes, les rouais d'France avaient ramâssé des tèrritouaithes, des provînces et des pays pouor en faithe un êtat centralîsé.

La Révolution Française c'menchit en 1789. La preunmié républyique fut dêcliathée et en 1792 l'Rouai Louis XVI fut dgilliotinné, mais Napoléon d'vînt empéreu. Auprès la dêfaite dé Napoléon I à la batâle dé Waterloo, la monarchie fut restauré. En 1848 eune deuxième républyique fut dêcliathée, mais l'Prînce Louis-Napoléon fut voté empéreu et né v'là l'S'gond Empithe.

Duthant san règne, des proscrits lus abriaient ès Îles d'la Manche – Victor Hugo s'n allit en Jèrri épis en Dgèrnésy.

D'pis la tchête d'Napoléon III en 1871, la France a 'té eune républyique.

Duthant la S'gonde Dgèrre Mondiale la France fut otchupée par l's Allémands et l'régînme dé Vichy collabouothait auve les otchupants, mais y'avait d'la Résistance et à la fîn la France fut libéthée par l'Alliés auve l'aîgue des forches des Français Libres. Auprès la libéthâtion, eune quatrième républyique fut êtablyie mais les gouvèrnéments 'taient pustôt faibl'yes et nou crititchait l'système parlémentaithe. Auve eune nouvelle constitution nou renforchit l'pouvé du président. La républyique d'achteu est la chîntchième.

En 2020, la Fraunce connaît eune épidémie dé Covid-19 et 2 Confinments.