Cuèrta
Jump to navigation
Jump to search
|
C'l artìcol chè 'l è scrit in
Carpśàn |
La cuèrta, o anca cvèrta, l'è cl elemèint ed la t'lerìa e dl aredamèint edla càmbra da lêt ch'al va mìs in sìm'ai linsō sìa per dal ragiòun 'd elegànsa, che per dl'utilitê, per cuacèr-es dal frèd in dl avtûn, in dl invèren e quànd a vìn la primavéra. In di tèimp pasê l'éra fabrichèda sovertùt ed lana, mo in dal Noṿsèint a s è cumincê a tèser dal cuèrti anca 'd materiē diferèint, c'ma 'd cutòun ispesî o anca 'd fîbri sintètic, ch'i gh'apièn però sèimper da iśolèr la tèimpradûra dal lêt da quèla più frèda edla cambra, e mantgnìr-'gh acsè al só caldèin.
La cuertèina l'è 'na cuèrta più cìca, druèda p'r i putèin cichîṅ, o anca in fond a 'l let per tgnir più cheld in di pē.
Manéri 'd dìr
- (EGL) Avér-egh la cuèrta curta, (IT) Non riuscire a far quadrare le risorse disponibili.
- (EGL) Mitòm-egh na cuèrta in sìma, (IT) Stendiamo un velo pietoso; lasciamo perdere.
- (EGL) Tirèr indrē la cuèrta dal lêt, (IT) Tirar giù la coperta dal letto; scoprire il letto[1].
Vōś lighèdi
Èter progêt
Wikimedia Commons contiene file multimediali su Cuèrta
Wikizionario contiene la voce di dizionario «Cuèrta»
Colegamèint estèren
- (IT) La vóś in sìm'a 'l vucabulàri Treccani.
- (IT) D'indû a deśvìn al só nòm in sìm'a etimo.it.