Setio
Un setio u sieche ye un bloqueyo melitar prolongato en una fortaleza, por un regular pa asaltar-la dimpués, con l'obchectivo de conquerir-la por a fuerza u por o desgaste. Se produce quan un atacant se troba con una ciudat u fortaleza que refusa a rendición y no puet ser presa facilment con un asalto frontal. Por un regular lo que se fa ye rodeyar l'obchetibo y bloqueyar as linias d'abastimiento, por un regular aduyato con maquinaria de setio, bombardeyo d'artillería y costrucción de canyos sotorranyos pa reducir as fortificacions.
Os setios amanixen en a historia chunto con o desembolique d'as ciudatz a grans centros de poblacion. As ciudatz antigas d'Orient Meyo, por eixemplo ya amuestran restos arqueolochicos de murallas fortificatas. Mientres o Renaiximiento y Edat Moderna os setios dominoron a forma de guerra en Europa, y o mesmo Leonardo da Vinci se fació celebre por o disenyo de fortificacions en o suyo estudio.
As campanyas medievals se disenyaban con una succesión de setios. Setios celebres han estato o Setio de Numancia, o Setio d'Albarrazín, os Setios de Zaragoza, o Setio de Stalingrado y o Setio de Sarajevo.