EHEk 35 urte beteko ditu, ofizialki, heldu den azaroaren 4an. Egun horretan, Durangoko San Agustin Kulturgunean, 19:00etan, mahai beraren bueltan batuko dituzte Euskararen gizarte erakundeen Kontseiluko Idazkari Nagusi Paul Bilbao, Udalerri Euskaldunen Mankomunitateko (UEMA) Maren Belastegi eta Gotzon Barandiaran kulturgilea. Inaki Petxarroman Berriako kazetariak gidatuko du saioa.

Berastegiko Udalak UEMAn sartzeko hartutako erabakiari helegitea jarri dio Estatuak EAEn duen ordezkariak. Berastegiko alkatearekin batera hedabideen aurrera agertu dira UEMAren Zuzendaritza Batzordeko hainbat kide. UEMAk, bat eginda, babestu du Berastegiko Udala.

Bildu eta Aralar-NaBai taldeek aurkeztuta, UEMAren eskaerak jasotzen zituen mozioa eztabaidatu dute, gaur, Nafarroako Parlamentuan egindako osoko bilkuran. Mozioak, , I-E eta Geroa Bairen babesa jaso badu ere, ez da nahikoa izan aurrera ateratzeko. UEMAk salatu du “hankamotza suertatuta ere, indarrean dagoen euskararen legea bera ere garatzeko eta betetzeko ez dutela inolako borondate politikorik, ez UPNk, ez PPk, eta ezta PSNk ere.”

Nafarroako udaletako langileek egunerokoan darabilten aplikazio informatikoa da GIA. Orain, euskarazko bertsioarekin, Nafarroako hainbat udaletan euskara lan hizkuntza izan dadin urrats sendoa egin dela uste du UEMAk. Mankomunitateak, udalak euskalduntzeko egiten ari den lanaren baitan, lehentasunezko trataera eman nahi dio aplikazio informatikoak euskaratzeari.