Ceyms Byukenen
Ceyms Byukenen | |||||||
---|---|---|---|---|---|---|---|
James Buchanan | |||||||
|
|||||||
Vitse-prezident | Con Brekinric | ||||||
Sələfi | Franklin Pirs | ||||||
Xələfi | Avraam Linkoln | ||||||
|
|||||||
Prezident | Ceyms Noks Polk | ||||||
Sələfi | Ceyms Kelhun | ||||||
Xələfi | Con Kleyton | ||||||
Şəxsi məlumatlar | |||||||
Doğum adı | James Buchanan, Jr. | ||||||
Doğum tarixi | |||||||
Doğum yeri | Merkersburq, Pensilvaniya, ABŞ | ||||||
Vəfat tarixi | (77 yaşında) | ||||||
Vəfat yeri | Lankaster, Pensilvaniya, ABŞ | ||||||
Vəfat səbəbi | nəfəs çatışmazlığı[d] | ||||||
Partiya | Demokrat partiyası | ||||||
Təhsili | Dikinson Kolleci | ||||||
İxtisası | Hüquqşünas, Diplomat | ||||||
Atası | Ceyms Byukenen | ||||||
Anası | Elizabet Spear | ||||||
Həyat yoldaşı | subay | ||||||
Hərbi xidmət | |||||||
Mənsubiyyəti | Amerika Birləşmiş Ştatları | ||||||
Rütbəsi | Könüllü | ||||||
Döyüşlər | 1812-ci il müharibəsi | ||||||
|
|||||||
Dini | Presviterian | ||||||
Vikianbarda əlaqəli mediafayllar |
Ceyms Byukenen (ing. James Buchanan; 23 aprel 1791, Merkersburq, Pensilvaniya, ABŞ — 1 iyun 1868, Lankaster, Pensilvaniya, ABŞ) — Amerika Birləşmiş Ştatlarının 15-ci prezidenti (1857-1861) və 17-ci Dövlət katibi (1845-1849). ABŞ-ın parçalanmasından və vətəndaş müharibəsindən əvvəlki son prezident.
Prezident seçkilərinə qədərki həyat və fəaliyyəti[redaktə | mənbəni redaktə et]
Ceyms Byukenen 1791-ci il 23 apreldə Pensilvaniya ştatının Mersersberq şəhərciyində irland immiqrantı ailəsində anadan olmuşdur. (C.Byukenenin atası Amerikadan kənarda doğulmuş beş prezidentdən biridir).
Ceymsin atası varlı ticarətçi olaraq övladlarının təhsilinə ciddi fikir verirdi. Ailənin on bir uşağından biri, eyni zamanda böyük oğlu olan Ceyms ibtidai təhsilini Karlisldəki Dikkinson kollecində almışdı. 1809-cu ildə kolleci bitirərək Lankaster vəkillər kollegiyasının nüfuzlu nümayəndəsi Ceyms Hopkinsin rəhbərliyi altında vəkillik öyrənmişdir.
Qısa müddətə 1812-ci il müharibəsində (ABŞ-la İngiltərə arasında) könüllü kimi iştirak etdikdən sonra Lankasterə qayıdaraq müstəqil vəkillik praktikasına başlamışdı.[1]
Siyasi təcrübəsinin zənginliyinə görə Byukenen, demək olar ki, bütün prezidentləri üstələmişdi. O, 1814-1816-cı illərdə Pensilvaniya parlamentinin deputatı, [2], 1821-1831-ci illərdə federalistlər partiyasının (1824-cü ildən demokrat partiyasının) üzvü kimi konqresin deputatı olmuşdu. 1834-1845-ci illərdə Pensilvaniya ştatının Senatda nümayəndəsi kimi siyasi fəaliyyətini davam etdirmişdi. Ceyms Byukenen ədliyyə naziri təyin edilsə də, o. bu vəzifədən imtina edir. O, 1832-1833-cü illərdə diplomatik missiya ilə Rusiyada səfərdə olmuşdu. C.Polk administrasiyasında dövlət katibi vəzifəsini tutmuşdu. "Monro doktrinası"nın qızğın tərəfdarı kimi, İngiltərənin Mərkəzi Amerika və Oreqondan çıxarılması ideyasını müdafiə etmiş, Texas və Kaliforniyanın ilhaq edilməsində bilavasitə iştirak etmişdir.
Prezidentlik uğrunda mübarizə[redaktə | mənbəni redaktə et]
Ceyms Byukenen 1848-ci və 1852-ci prezidentliyə namizəd olmaq istəsə də müvəffəqiyyətsizliyə uğrayır. Onun bu arzusu 1856-cı ildə həyata keçmiş, o, Sinsinattidən demokratlar partiyasının nümayəndəsi kimi, prezidentliyə namizəd göstərilmişdir. C.Byukenenin seçkiqabağı kompaniyasının leytmotivini abolisionist təbliğata son qoymaqla İttifaqı qorumağa çağırış təşkil edirdi. Onunla yanaşı respublikaçı Con Fremon və Amerika partiyasından keçmiş viq Millard Fillmor da prezidentliyə iddiaçı idilər.
Quldarlığa loyal münasibəti, ABŞ torpaqlarının genişləndirilməsinin tərəfdarı olması ona Cənub ştatlarında, demək olar ki, mütləq qələbə qazandırır.
ABŞ-ın 15-ci prezidentinin fəaliyyətinin qiymətləndirilməsi haqqında[redaktə | mənbəni redaktə et]
Ceyms Byukenen ABŞ tarixinə quldarlıq problemini həll edə və İttifaqın dağılmasının qarşısını ala bilməmiş zəif prezident kimi daxil olmuşdur. O, cənublu olmasa da, müasirləri tərəfindən Cənub ştatlarının tərəfdarı kimi tənqid edilmişdir. 2006 və 2009-cu illərdə Amerika tarixçiləri tərəfindən müəyyənləşdirilən "ABŞ tarixinin ən pis prezidentləri" siyahısına başçılıq edir.[3]
Mənbə[redaktə | mənbəni redaktə et]
- Букэнэн, Джемс // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
İstinadlar[redaktə | mənbəni redaktə et]
- ↑ Horton, Rushmore G. The Life and Public Services of James Buchanan. New York, NY: Derby & Jackson. 1856. səh. 17.
- ↑ Curtis, 1883. səh. 22
- ↑ "U.S. historians pick top 10 presidential errors". Archived from the original on 2006-06-24. İstifadə tarixi: 2016-06-05.
- 23 apreldə doğulanlar
- 1791-ci ildə doğulanlar
- 77 yaşında vəfat edənlər
- 1 iyunda vəfat edənlər
- 1868-ci ildə vəfat edənlər
- Əlifba sırasına görə dövlət xadimləri
- ABŞ prezidentləri
- ABŞ dövlət katibləri
- ABŞ siyasətçiləri
- Masonlar
- ABŞ Demokrat Partiyasının üzvləri
- ABŞ prezidentliyinə namizədlər (1856)
- ABŞ prezidentliyinə namizədlər (1852)